ဖူခူရှီမ နျူကလီယာဓါတ်ပေါင်းဖိုရဲ့ အခြေအနေ
ဖူခူရှီမ နျူကလီးယား ဓါတ်ပေါင်းဖို ပေါက်ကွဲပြီးနောက် ဖြစ်ပေါ်ထွန်းကားလာသောအခြေအနေများအပေါ် ဗြိတိသျှအစိုးရ၏ သိပ္ပံအရာရှိအကြီးအကဲ ပါမောက္ခ ဆာ ဂျွန် ဘက်ဒင်တန်က မှတ်ချက်များပေးထားပါတယ်။ဖူခူရှီမ နျူကလီးယား ဓါတ်ပေါင်းဖို ပေါက်ကွဲပြီးနောက် ဓါတ်ပေါင်းဖိုမှ ကီလိုမီတာ ၂၀ နှင့် ၃၀ အကွာတွင်နေထိုင် နေကြသူများကို ပြတင်းများကိုပိတ်လျက် အိမ်အတွင်း၌ပင်နေထိုင်ကြရန် ဂျပန်အစိုးရက ညွှန်ကြားထားပါတယ်။ ကီလိုမီတာ ၂၀ အကွာကို ကင်းလွတ်နယ်မြေအဖြစ်သတ်မှတ်ထားပါတယ်။ဗြိတိသျှအစိုးရက ဂျပန်နေ ဗြိတိသျှနိုင်ငံသားများကို ထိုညွှန်ကြားချက်အတိုင်း လိုက်နာကြရန် အကြံပေးထားပါ တယ်။
ဂျပန်အစိုးရ၏ တိုက်တွန်းအကြံပေးချက်မှာ ဘေးအန္တရာယ်နဲ့ပတ်သက်၍ ဥဿုံကျိုးကြောင်းဆီလျော်ပါတယ်လို့ သိပ္ပံပညာဆိုင်ရာအကြံပေးအကြီးအကဲက ပြောခဲ့ပါတယ်။ဆာ ဂျွန် ဘက်ဒင်တန် နဲ့ တိုကျိုရှိဗြိတိသျှသံရုံးမှ မစ္စတာ ဒေးဗစ် ဖစ်တန် တို့ ၂၀၁၁ ခု မတ်လ ၁၅ ရက်နေ့ က စကားပြောကြပုံများမှာ အောက်ပါတိုင်းဖြစ်ပါတယ်။
[ဂျွန်ဘက်ဒင်တန် JB]ကောင်းတဲ့နံနက်ခင်းပါ။ ဂျွန် ဘက်ဒင်တန်ပါ။ ယခု အခန်းထဲမှာ လူတချို့နဲ့အတူ ရှိနေကြ ပါတယ်။ သူတို့နဲ့ မိတ်ဆက်ပေးပါ့မယ်။ ကျန်းမာရေးဌာနမှ ဟင်းလာရီ ဝါခါရယ်၊ ကျန်းမာရေးကာကွယ်မှု အေဂျင် စီမှ လက်စလေ ပရော့တာရယ်၊ ကျနော့ရုံးမှ ဒီကိစ္စကိုကိုင်တွယ်နေတဲ့ မိုင်းစ် အယ်စဒဲင် နဲ့ ခရစ် မက္ကဖီးတို့ဖြစ်ကြ ပါတယ်။ ကျနော့်ရဲ့ ကိုယ်ရေးအတွင်းရေးမှူး ဂျုံးနာ ဒါလီလဲ ရှိပါတယ်။
[ဒေးဗစ် ဖစ်တန် DF] ကျေးဇူးအများကြီးတင်ပါတယ်။ အားလုံးကိုကြိုဆိုပါတယ်။ လူအချို့နဲ့တဦးချင်းစီနဲ့ဖုံးပြော လာကြပါတယ်။ အချို့အဖွဲ့အစည်းတွေလဲဖုံးဆက်လာကြပါတယ်။ အားလုံးကိုကြိုဆိုပါတယ်။ ကျနော်ပြောတာကို အားလုံးကြားကြလိမ့်မယ်လို့မြော်လင့်ပါတယ်။ သံရုံးမှ အလျင်အမြန်လုပ်ဆောင်နေကြတာ တွေကို အခုလိုလူများများကို ကျနော်အမှန်တကယ်ကိုပြောပြချင်ခဲ့ပါတယ်။ မိနစ်အနည်းငယ်ကြာရင် ကျနော် ဆာ ဂျွန် ကိုအလှည့်ပေးလိုပါတယ်။
အားလုံးသိကြတဲ့အတိုင်းပါပဲ။ ခရီးသွားလာမှုဆိုင်ရာအကြံပေးတာတွေနဲ့ ကျနော်တို့သံရုံးရဲ့ အင်တာနက်ဝက်ဘ် ဆိုက်နဲ့ ဆက်ထားတဲ့လင့်များကို ကျနော်တို့တတွေ သောကြာနေ့ကဖြစ်ပေါ်လာတဲ့ ငလျင်နဲ့ ကြောက်မက်တုန် လှုပ်ဘွယ် ဆူနာမီ နောက်ဆက်တွဲဖြစ်ရပ်များအတွက် အချိန်နဲ့တပြေးညီဆောင်ရွက်နေကြပါတယ်။ အရေးတ ကြီးအနေနဲ့ နျူကလီယာနဲ့ဆိုင်တဲ့ဖြစ်ရပ်များကိုပြောမဲ့ ဒီအစီအစဉ်ပါပဲ။
ဂျပန်မှာရှိနေကြတဲ့သူအများဟာ ဂျပန်ရုပ်မြင်သံကြားနဲ့ အပြည်ပြည်ဆိုင်ရာသတင်းများကို အနီးကပ်ကြည့်ရှုနေ ကြတယ်ဆိုတာ ကျနော်သိပါတယ်။ လွန်ခဲ့တဲ့ ၁ ရက်ခွဲခန့်က ကျနော်တို့တတွေကိုအမှာစကားပြောတဲ့ တယ်လီဖုံး ဆွေးနွေးမှုတခုကိုပြုလုပ်ခဲ့ပါတယ်။ သူနဲ့သူရဲ့လုပ်ဖော်ကိုင်ဘက်များရဲ့ကျွမ်းကျင်မှုအမြင်တွေဟာ များစွာအ သုံးဝင်လှပါတယ်။
ယခုဂျပန်မှာပြန့်နှံ့နေတဲ့ မတူကွဲပြားတဲ့ ကောဠဟာလများ၊ အကြောင်းအရာဇာတ်လမ်းများ နဲ့ သတင်းဆောင်း ပါးများ သိကြားနေရချိန်မှာ၊ လန်ဒန်မှ ကျွမ်းကျင်သူပညာရှင်နဲ့ သူ့အဖွဲ့ဝင်များရဲ့ အမြင်များကိုကြားသိရတာဟာ အသုံးဝင်ကြလိမ့်မယ်လို့ ကျနော်ထင်ပါတယ်။ ကျနော်တို့ရဲ့ ခရီးသွားလာရေးအကြံပေးချက်များနဲ့ သတင်း အချက်လက်များကို အင်တာနက်မှာတင်ပေးတဲ့အခါမှာ ဒီအမြင်များဟာ အထောက်အကူပေးကြမှာဖြစ်တဲ့အတွက်ပဲဖြစ်ပါတယ်။
ဖြစ်ရပ်များနဲ့အချိန်တပြေးညီအောင်ဂျပန်မှာသိရတာတွေနဲ့ ဂျပန်လုပ်ဖော်ကိုင်ဘက်အပေါင်းအသင်းများထံမှရရှိတဲ့ ကျွမ်းကျင်မှုညွှန်ကြားချက်များကို ကျနော်တို့ မှန်မှန်တင်ပေးနေပါတယ်။ ဒါပေမင့် ဗြိတိန်မှ သိပ္ပံပညာ၊ အနုမြူ၊ ဘူမိဗေဒဆိုင်ရာများနဲ့ အခြားအကြောင်းအရာများလဲ ရယူလျက် ညွှန်ကြားချက်မှာ ပြည့်စုံစွာထည့်သွင်းဖော်ပြပါတယ်။
ဒါကတော့ ဆာ ဂျွန်အတွက် မိတ်ဆက်အတိုဖြစ်ပါတယ်။ ဆာဂျွန် ခင်ဗျာ ကျနော်တို့ ခင်ဗျားထံ ပေးပို့ခဲ့တဲ့အစီရင်ခံစာပါ ဒီမှာဖြစ်ပျက်နေတဲ့အကြောင်းအရာတွေနဲ့ ဒီမှာ ကျနော်တို့ထုတ်ပြန်ထားတဲ့ ခင်ဗျားရဲ့ ပံ့ပိုးဖြည့်စွက်ချက်များပါ အစီအရင်ခံစာအပေါ် သုံးသပ်ချက်ပေးရင် ကျေးဇူးအထူးတင်ရမှာပါ။ ရပါတယ်နော်။
[ဂျွန်ဘက်ဒင်တန်JB]ဟုတ်ကဲ့၊ရပါတယ်။အခြေအနေကိုကျနော်တို့ဘယ်လိုမြင်တယ်၊ကျိုးကြောင်းဆီလျော် တဲ့ အဆိုးဆုံးအဖြစ်အပျက်၊ အဖြစ်နိုင်ဆုံးအနေအထားလို့ထင်မြင်ရတာတွေကိုပြောပြသွားပါ့မယ်။
သိတဲ့အတိုင်းပါပဲ။ အခြေခံအနေအထားအရ ဂျပန်တွေဟာ ဓါတ်ပေါင်းဖိုများကို အေးအောင် အပူချိန်ကျစေမဲ့ ပင်လယ်ရေများဖြင့် လောင်းချပေးနေပါတယ်။ ဒါဟာ သူတို့ရဲ့ ပထမဆုံးကာကွယ်ရေးအဆင့်ပါ။
အခုအချိန်အထိ ဒါဟာ ကျိုးကြောင်းဆီလျော်ကောင်းမွန်စွာ အလုပ်ဖြစ်နေပါတယ်။ အခြေခံအားဖြင့် ဓါတ်ပေါင်း ဖိုဟာ ထိန်းချုပ်ထားတဲ့ကန်အတွင်းမှာရှိနေပါတယ်။ ဒါပေမင့် ကောင်းစွာအအေးမခံနိုင်ဘူးဆိုရင်၊ အထိန်းကန်အတွင်းမှာ ဖိအားတွေတက်လာပြီး မထိန်းသိမ်းနိုင်တဲ့အဆင့်တခုကိုရောက်သွားနိုင်ပါတယ်။
အဲဒိအဆင့်မှာ ဂျပန်အာဏာပိုင်တွေက ရေနွေးငွေ့နဲ့ ဟိုက်ဒရိုဂျင်ဓါတ်ငွေ့ရောကို တမင်္ဂလာ လွှတ်လျှော့ပေးပါ့မယ်၊ အဲဒီကနေ လေထုအတွင်းရောက်သွားပါ့မယ်။ ဒါဟာ စိုးရိမ်စရာမသင့်သေးတဲ့ မကြီးမားတဲ့ သင့်လျောက် တဲ့ အမှန်တကယ်လုံးဝသင့်တင့်တဲ့ ရေဒီယိုဓါတ်ကြွပစ္စည်း ပမာဏမျှလောက်ပါ။
ဒါပေမင့် ဒိနေ့ ရလဒ်တွေအရ ထိန်းကန်တခုမှာ အက်ကွဲလာတာရှိနေပါတယ်။ ဒီသတင်းအသစ်ဟာ ကျနော်ထင်ပါတယ် မနက် ၅ နာရီခန့်ကရရှိခဲ့တာပါ။ အခြေအနေကတော့ အခုထိ အတူတူပဲ ရှိနေပါသေးတယ်။
သူတို့တွေ အပူချိန်ကိုလျော့နည်းအောင်၊ ထိန်းကန်အတွင်းမှာ ခံနိုင်ရည်အကန့်အသတ်အတွင်း ဖိအားဖြစ်ပေါ် ရေးထိန်းသိမ်းနိုင်အောင် လုပ်ဆောင်လျက်ရှိနေပါတယ်။ ဒါဟာ အခုအချိန်မှာဖြစ်ပျက်နေတာလို့ ကျနောယူဆပါတယ်။
အခုအခါမှာ ပထမဆုံးကျနော်တို့ပြောရမှာက လူသားတို့ရဲ့ကျန်းမာရေးနဲ့ပတ်သက်လို့ စိုးရိမ်စရာတစုံတရာဖြစ် လာပြီလား ဆိုတာပါပဲ။ အဖြေကတော့ ဟုတ်ပါတယ်၊ ဒါပေမင့် ဓါတ်ပေါင်းဖိုတည်ရှိရာအနီးဝန်းကျင်ဒေသအ တွင်းမှာသာ ဖြစ်ပါတယ်။ ဒါကြောင့် ဂျပန်ရဲ့ ကီလိုမီတာ ၂၀ အကွာအဝေးဇုံ ကန့်သတ်တာဟာ သင့်လျော် လျောက်ပတ်ပါတယ်။ အကယ်၍ နည်းနည်းပိုပြီးတော့ ကီလိုမီတာ ၃၀ အဖြစ် တိုးချဲ့မယ်ဆိုရင် ဒါဟာ လွန်စွာ စိတ်ချရတဲ့ ဒေသအဝန်းဖြစ်မယ်လို့ ကျနော်တို့ယူဆပါတယ်။ ဖြစ်နိုင်ခြေရှိတဲ့ အဆိုးဆုံးအခြေအနေကို ကျနော်ပြောပါရစေ။ ဂျပန်တွေဟာ ဓါတ်ပေါင်းဖိုများကို အေးအောင်မထိန်းနိုင်ဘူး၊ ထိန်းကန်အတွင်း ဖိအားကို သင့်တော်လျောက် ပတ်တဲ့အတိုင်းအတာအထိ မထိန်းနိုင်ဘူးဆိုရင် ကြီးကျယ်တဲ့ဝေါဟာရဖြစ်တဲ့ “အရည်ပျော်ကျခြင်း”ဆိုတာ ဖြစ်ပေါ်ရရှိလာပါမယ်။ ဒါပေမင့် ဒါဟာ ဘာကိုအမှန်တကယ် ဆိုလိုတာပါလဲ။ “အရည်ပျော်ကျခြင်း”ဆိုတာ အခြေခံဓါတ်ပေါင်းဖိုရဲ့ အူတိုင် အရည်ပျော်သွားခြင်းဖြစ်လာတာနဲ့အမျှ နျူကလီယာပစ္စည်းတွေ ထိန်းကန်ရဲ့ ကြမ်းပြင်ပေါ် ဖိတ်ကျလာပါမယ်။
အဲဒီမှာ ကွန်ကရစ်နဲ့အခြားပစ္စည်းများနဲ့ ဓါတ်ပြုပါလိမ့်မယ်။ ဒီအနေအထားဟာ အဆိုးဆုံးအဖြစ်အပျက်ပါပဲဆို တာ အမှတ်ရကြရမှာဖြစ်ပါတယ်။ ဒီထက်ပိုဆိုးတာမဖြစ်နိုင်တော့ပါဘူး။
ဒီအဆိုးဆုံးအခြေအနေမှာပေါက်ကွဲမှုဖြစ်လာမှာပါ။ အဲဒီအဆင့်က အမှန်တကယ်ကိုပြင်းထန်တဲ့အန္တရာယ်ပါ။ ဒါပေမင့် ဒါဟာ ဒေသဆိုိင်ရာနယ်မြေအတွက်ပဲ ပြင်းထန်သေးတာပါ။အနုမြူပစ္စည်းများ အမြင့် မီတာ ၅၀၀ ခန့်အထိရောက်နိုင်တဲ့ပေါက်ကွဲမှုနဲ့ပေါင်းစပ်ပြီးတောင် အခြားဒေသတွေ အတွက် ပြင်းထန်မှုမဖြစ်သေးပါ။
ဒီဟာကို အဆိုးဆုံးဖြစ်နိုင်ခြေ ရာသီဥတုနဲ့ နှစ်ဆတွေးကြည့်ရင် အခြေအနေပေးတဲ့ရာသီဥတုက ရေဒီယိုဓါတ်ကြွ ပစ္စည်းများကို တိုကျိုမြို့တော်ဘက်ဆီသယ်သွားပြီး မိုးရွာချလိုက်လို့ ရေဒီယိုဓါတ်ကြွ ပစ္စည်းများ မြေပြင်ပေါ်ကျသွားရင် ကျနော်တို့ ပြဿနာပေါ်နိုင်ပါသလား။
အဖြေက “မဖြစ်ပါဘူး”လို့ ပြတ်သားစွာပြောနိုင်ပါတယ်။ ဒီ ဖြစ်ပျက်မှု လုံးဝကို မပေါ်ပေါက်လာနိုင်ပါ။ ပြဿနာက ဓါတ်ပေါင်းဖိုမှ ပတ်လည် ကီလိုမီတာ ၃၀ အတွင်းဒေသမှာသာဖြစ်နိုင်ပါတယ်။
ဒီအခြေအနေဟာ အခွင့်သာချက်လို့ပြောရပါလိမ့်မယ်။ ချာနိုဘိုင်တုန်းကဖြစ်ရပ်မှာ ဂရက်ဖိုက်အူတိုင်ကို မီးအ ကြီးအကျယ်လောင်ကျွမ်းခဲ့ပါတယ်။ ပစ္စည်းတွေဟာ အမြင့်မီတာ ၅၀၀ မက တက်ရောက်ခဲ့ပါ။ ပေ ၃၀,၀၀၀ အထိ မြင့်တက်ခဲ့ပြီး တနာရီလောက်မက လပေါင်းချီစွာနေခဲ့ပါတယ်။ ဒီလိုနဲ့ နျူကလီယာ ဓါတ်ကြွပစ္စည်းတွေ ဟာ အပေါ် လဟာပြင်မှာ အချိန်များစွာကြာမြင့်စွာ ဖြစ်တည်နေခဲ့ပါတယ်။
ဒါပေမင့် ဒီလိုဆိုးရွားတဲ့ ချာနိုဘိုင်ဖြစ်ရပ်မှာတောင် ကီလိုမီတာ ၃၀ ကန့်သတ်ဇုံသာ သတ်မှတ်ထားရှိခဲ့ပါတယ်။ ဒီ ဇုံကန့်သတ်မှုကြောင့် လူများမှာ ဓါတ်ရောင်ခြည်ပျံ့နှံ့မှုပြဿနာခံစားခဲ့ရတာအတွက် ညွှန်ပြချက်တွေ ဘာမျှ မရှိခဲ့ပါ။ ပြဿနာဖြစ်ပေါ်ခဲ့ရတာက လူတွေက အဲဒီအရပ်မှ ရေတွေ သီးနှံတွေကို သောက်သုံးစားခဲ့မိတာ ကြောင့်ပဲ ဖြစ်ပါတယ်။
အခု ဂျပန်မှာတော့ ဒီလိုပြဿနာ မဖြစ်ပါဘူး။ ကျနော် ထပ်မံပြီး အလေးအနက်ပြောချင်တာကတော့ (ဓါတ်ပေါင်း ဖို)ဒေသနဲ့ ယင်းနဲ့နီးနီးစပ်စပ်ထိတွေ့နေတဲ့ဧရိယာတွေမှာသာ ပြဿနာဖြစ်ပေါ်မှာပါ။ အဲဒီဒေသကလူတွေအ တွက်ပဲ စိုးရိမ်ပူပန်ရမှာဖြစ်ပါတယ်။ ဒီဒေသမှ ကီလိုမီတာ ၂၀ နဲ့ ၃၀ လွန်အရပ်တွေမှာတော့ကျန်းမာရေးအတွက် ထိခိုက်စရာ အမှန်တကယ်ပင် မရှိပါ။
ကောင်းပါပြီ။ ကျနော့်အလှည့်ကို ခေတ္တနားပြီး၊ ဟင်လာရီ ဝါခါ ကို တလှည့်ပေးပါရစေ။ ဟင်လာရီ ကတော့ ကျန်းမာရေးနဲ့ဆိုင်တဲ့အကြောင်း အကျဉ်းချုပ်ပြောပြပါလိမ့်မယ်။
[ဟင်လာရီဝါခါHW]ဖြစ်ပွားရာဒေသနဲ့ဝေးရာမှာနေထိုင်ကြသူအနေနဲ့ ကျန်းမာရေးပြဿနာမပေါ်ပေါက်ပါဘူး လို့ အလေးအနက်ထားပြောချင်ပါတယ်။ တိုကျိုမှာနေထိုင်သူတွေအနေနဲ့ သင်တို့ဟာ ဓါတ်ပေါင်းဖိုမှ အလွန်ဝေး တဲ့အရပ်မှရှိနေကြတာမို့ ဓါတ်ရောင်ခြည်ပျံ့နှံ့မှု အနည်းငယ်မြင့်တက်လာတဲ့အစီရင်ခံစာသတင်းရှိခဲ့ရင်တောင်မှ ကျန်းမာရေးထိခိုက်မှုအတွက် အသေးအဖွဲမျှသာဖြစ်ပါလိမ့်မယ်။ ဒါကြောင့် ဓါတ်ပေါင်းဖိုမှ ကောင်းစွာဝေးနေသူ များကို ထပ်မံသေချာစွာပြောချင်တာကတော့ ထိုနေရာတဝိုက်နေထိုင်ကြသူများမှာပင် ကျန်းမာရေးအန္တရာယ်မရှိ ကြောင်းဖြစ်ပါတယ်။
[ဂျွန်ဘက်ဒင်တန် JB] ကဲ ဒေးဗစ်ခင်ဗျား၊ ဒါကတော့ ဒီဘက်က အမြင်တွေပဲဖြစ်ပါတယ်။ မေးခွန်းများမေးချင်သူ များ ရှိလာမယ်ဆိုရင် ဖြေဆိုပေးဘို့ ကျနော်တို့ဝမ်းသာလျက်ရှိပါတယ်။ ဒါပေမင့် လူတွေစိတ်ပူပန်စိုးရိမ်နေတဲ့ ကျန်းမာရေးထိခိုက်လာမယ်ဆိုတဲ့ကိစ္စကို ဓါတ်ပေါင်းဖိုမှ ကီလိုမီတာ ၂၀ အတွင်းရှိသူများမှလွဲ၍ မဖြစ်ပေါ်ဘူး ဆိုတာ အခြေခံသတင်းစကားအဖြစ်ပြောပါရစေ။
[ဒေးဗစ် ဖစ်တန် DF] ကျေးဇူးအများကြီးတင်ပါတယ် ဆာဂျွန်ခင်ဗျား။ ကျနော်ဒီအတိုင်းကြိုးစားဆောင်ရွက်သွားပါ့မယ်။ ဒါပေမင့် မေးခွန်းတွေကြောင့် ပြဿနာပေါ်လာနိုင်ပါတယ်။ ကျနော့်အနားမှာထိုင်နေကြသူများမှ စတင် မေးစေပါ့မယ်။ ဘာကြောင့်လဲဆို ကျနော်မျက်စိအနီးမှာရှိပြီး ထိန်းသိမ်းလို့ရနိုင်မှာဖြစ်လို့ပါ။ လန်ဒန်မှ လုပ်ဖော်ကိုင်ဘက်များကို ဒီစားပွဲမှာထိုင်နေသူများမှ မေးစရာများရှိပါသလားခင်ဗျား။
[မေးခွန်းရှင်] ဟုတ်ကဲ့၊ မေးပါရစေ။ သာမန်ထက်မြင့်တဲ့ ဓါတ်ရောင်ခြည်အဆင့် တိုကျိုမှာရှိနေတယ်လို့ အစီရင်ခံစာများထွက်နေကြောင်း ပြောခဲ့ပါတယ်နော်။ တခုမှာ သာမန်ထက် ၈ ဆ ပိုနေတယ်လို့ဆိုပါတယ်။ ဘယ်လောက် အဆလောက်ဆိုရင် ကျနော်တို့ စိုးရိမ်ပူပန်ရမှာပါလဲ။
[ဂျွန်ဘက်ဒင်တန် JB] ဟင်လာရီ ဒါမှမဟုတ် လက်စလေ က ဖြေပေးပါ။
[ဟင်လာရီဝါခါHW]ကောင်းပါပြီ။အခြေခံအဆင့်ထက်အဆပေါင်းများစွာရှိပါမှ စိုးရိမ်ပူပန်ရမှာဖြစ်ပါတယ်။ အဆ တရာ သို့မဟုတ် ပိုလို့ပေါ့။
[ဂျွန်ဘက်ဒင်တန် JB] ကျနော်သဘောတူပါတယ်။
ဘယ်လိုရလာတယ်လို့တော့ ကျနော်မသိပါဘူး။ ၈ ဆ ဆိုတာ စိုးရိမ်စရာမရှိပါ။ ၈ ဆ ဆိုတာ တကယ်တော့ ဘာမျှမဖြစ်စလောက်ပါ။ အဆ တရာ၊ နှစ်ရာ၊ သုံးရာ ဆိုရင်တော့ တကယ်ကို စိုးရိမ်ပူပန်စရာပါ။ တိုကျိုမှာ ၈ ဆ ရှိတယ်ဆိုရင် နက်ဖန်ခါကျ သာမန်အနေအထားရှိနေမှာပါ။ ဘာမျှမဟုတ်ပါ။
[ဒေးဗစ် ဖစ်တန် DF] ဒေဗစ်ဖစ်တန်ပါ ဆာ ဂျွန်ခင်ဗျာ။ သာမန်အဆ နဲ့ ခွင့်ပြုထားတဲ့ အဆ(စကားလုံးမှန်ကန်ပါရဲ့နော်) သတ်မှတ်တာထင်ရှားမှုရှိမယ်လို့ ကျနော်ထင်ပါတယ်။
[ဂျွန်ဘက်ဒင်တန် JB] သေချာတာပေါ့ဗျာ။ ဟင်လာရီခင်ဗျာ။ ခွင့်ပြုမှုအဆ က ဘယ်လောက်ပါလဲ။
[ဟင်လာရီ ဝါခါ HW] အခြေခံထက် များစွာပိုပါတယ်။ အဆ တရာခန့်ပါ။
[ဂျွန်ဘက်ဒင်တန် JB] ဟုတ်ပါတယ်။အိုကေ၊ အခြေခံထက် အဆတရာဟာ ခွင့်ပြုမှုအဆဖြစ်ပါတယ်။
[ဒေးဗစ် ဖစ်တန် DF] ကျေးဇူးတင်ပါတယ်။ နောက်မေးမဲ့သူကတော့ ခေဗင်ပါ။
[မေးခွန်းရှင်] ဟုတ်ကဲ့ပါ။ ရှေ့ကမေးခွန်းကိုပဲ ပြန်ကောက်ပါရစေ။ တိုကျိုမက်ထရိုပေါ်လီတန်အစိုးရက ဓါတ် ရောင်ခြည် ကြွမှုအတိုင်းအတာများကိုထုတ်ပြန်ကြေညာလျက်ရှိနေပါတယ်။ သင်ပြောသလိုပါပဲ၊ တိုကျိုမှာ အ လွန်အမင်းကို နည်းပါးနေပါတယ်။ စကေးက မိုက္ကရိုဂရေး ဖြစ်နေပါတယ်။ ဒိအတွက်အဖြေကို ကျနော်အခုမ မြော်လင့်ပါဘူး။ ကျနော်တို့လက်ခံနိုင်မဲ့ စကေး ကိန်းဂဏန်းမျိုးကိုရရင်တော့ အသုံးဝင်လိမ့်မယ်လို့ ကျနော်ထင် ပါတယ်။ ဒါတွေကို သင်တို့ထံ လင့်ခ် ချိတ်ပို့ပေးနိုင်ရင် ပျော်ရွှင်စရာပါ။ အခုတော့ တိုကျိုမက်ထရိုပေါ်လီတန် အစိုးရက မိုက္ကရိုဂရေး စကေးတွေနဲ့ပဲထုတ်ပြန်ပေးနေပါတယ်။
[ဂျွန်ဘက်ဒင်တန် JB] ဟုတ်ပါပြီ။ ဟင်လာရီဖြေပေးပါ။
[ဟင်လာရီ ဝါခါ HW] မှန်ပါတယ်။ အဲဒီလို ကိန်းဂဏန်းတွေကို ကျွန်ုပ်တို့ဆီပို့ပေးရင် အလွန် အသုံးဝင်မှာပါ။ ဒါပေမင့် မိုက္ကရိုဂရေး သို့မဟုတ် မိုက္ကရိုလို့ပြောခဲ့တယ်နော်၊ နိမ့်တဲ့အဆင့်များလို့လဲပြောခဲ့တယ်နော်။ အလွန်ကို နိမ့်တဲ့အဆင့်များဖြစ်ပါတယ်။ လူတွေရဲ့ကျန်းမာရေးကို ဘာကိုမျှမထိခိုက်စေပါဘူး။
[ဒေးဗစ် ဖစ်တန် DF] ကျေးဇူးတင်ပါတယ်။ နောက်မေးမဲ့သူကတော့ ဒေးဗစ်ပါ။
[ဂျွန်ဘက်ဒင်တန် JB] ခဏနော်။ အကျယ်ချဲ့ပြောရရင်၊ သူတို့ကြေညာတဲ့အဆင့်စကေးနဲ့ဆို ကျနော်စိုးရိမ်ရမဲ့အဆင့်က အဆ တထောင် ပေါ့ဗျာ။
[ဒေးဗစ် ဖစ်တန် DF] ကျေးဇူးအများကြီးတင်ပါတယ်။ ဒေးဗစ်ခင်ဗျာ မေးနိုင်ပါပြီ။
[မေးခွန်းရှင်] အတည်ပြုချက်ပေးဘို့တခု၊ မေးခွန်းတခုပါ။ အတည်ပြုချက် - ဒီဓါတ်ပေါင်းဖိုအပေါ် ဆာ ဂျွန် ရဲ့ ဗဟုသုတ ပညာကို အခြေခံလျက် ထင်မြင်ယူဆချက်ဟာ ဂျပန်အစိုးရရဲ့ထုတ်ပြန်မှုနဲ့ ဆန့်ကျင်ဘက်ဖြစ်နေတာ ကိုတွေ့ရခြင်းပါ။ အခု ဒီမှာ စိုးရိမ်ပူပန်မှုတွေက တက်ပ်ကို(တိုကျိုလျှပ်စစ်ကုမ္ပဏီ) သို့မဟုတ် ဂျပန်အစိုးရကလွှင့်တဲ့သတင်းအချက်အလက်တွေဟာ မမှန်ကန်ဘူးဆိုတာပါ။
ဆာ ဂျွန်ရဲ့ဒီဓါတ်ပေါင်းဖိုအကြောင်းသိထားတဲ့ ဗဟုသုတ ပညာအပေါ်အခြေခံတဲ့ ပြောပြမှုတွေက ဂျပန်အစိုးရ ဆီကရတဲ့သတင်းအချက်အလက်တွေကို ဆန့်ကျင်ဘက်ဖြစ်နေကြောင်း ကျနော့်ရဲ့ယူဆချက်ဟာ မှန်ကန်ပါသ လား။ ဒုတိယပိုင်းအနေနဲ့ ကျနော်ရဲ့ကိုယ်ပိုင်သိထားမှုကတော့ အန္တရာယ်ဟာ အချိန်ကြာကြာ- ၁၀ ရက်လောက် တည်ရှိနေမယ်၊ နောက် ဓါတ်ရောင်ခြည်ဟာ စိမ့်ပျံ့လာမှာဖြစ်ပါတယ်။ ဆာ ဂျွန် က ဘယ်တော့လောက် အန္တ ရာယ်ဟာ စိမ့်ပျံ့မယ်လို့ ခန့်မှန်းပါသလဲ။
[ဂျွန်ဘက်ဒင်တန် JB] ကောင်းပါပြီ။ ကျနော်တို့ရရှိတဲ့ သတင်းအချက်အလက်တွေဟာ သင့်တော်တဲ့ နိုင်ငံတကာ သတင်းအေဂျင်စီတွေကို ဂျပန်အစိုးရကပေးခဲ့တဲ့ သတင်းအချက်အလက်တွေဖြစ်ပါတယ်။ ဒါဟာ ဖြစ်စဉ်တွေရဲ့ သာမန်လမ်းကြောင်းဖြစ်ပါတယ်။ ဂျပန်အစိုးရကနေ တိုက်ရိုက်ပေးတဲ့ သတင်းအချက်အလက်အချို့အပေါ်တကယ်တမ်းတည်ဆောက်ရမယ်ဆို ရင်တော့ ကျနော်တို့ ဝမ်းသာစရာရှိမှာပါ။ဒါပေမင့် သူတို့က အားလုံးကိုပို့တာမဟုတ်ပဲ၊ သင့်လျော်တဲ့ နိုင်ငံတကာအဖွဲ့အစည်းတွေဆီပဲ ပို့တာပါ။ ဓါတ်ရောင်ခြည်ပျံ့နှံ့မှုကို ဖုံးကွယ်ထားမယ်လို့ ခင်ဗျားခေါင်းခြောက်စွာတွေးမြင်မှုကို ကျနော် သေချာချက်တခု ပြောနိုင်တာကတော့ မဖြစ်နိုင်ပါဘူးဆိုတာပါ။ တကမ္ဘာလုံးက ဒီအချက်ကိုစောင့်ကြည့်နေပါတယ်။ အဲဒီဒေသရဲ့ပြင်ပမှာ ဓါတ်ရောင်ခြည်အဆင့်တွေကိုတိတိကျကျသိနိုင်အောင် ကျနော်တို့သေသေချာချာ စောင့်ကြည့်လေ့လာနိုင်တယ်ဆိုတာ ကျနော်တို့သိပါတယ်။ ဒါကြောင့် စိုးရိမ်စရာမဖြစ်သေးပါ။
သိတဲ့အတိုင်းပါ။ ဂျပန်အစိုးရက သတင်းအချက်အလက်တွေအားလုံးကို မှန်ကန်စွာပေးပါ့မလားဆိုတဲ့စိုးရိမ်မှု ဟာ အတိုင်းအတာတခု ရှိနေပါတယ်။ ဒါပေမင့် ကျနော်တို့က အပြည်ပြည်ဆိုင်ရာ စွမ်းအင်အေဂျင်စီတွေကနေ သတင်းအချက်အလက်တွေယူပါတယ်။ ပြီးတော့ ဒီဓါတ်ပေါင်းဖိုတွေ ဘယ်လိုရှိနေတယ်ဆိုတာ အသေးစိတ်သိထားမှုတွေ ကျနော်တို့မှာ ကောင်းစွာရှိနေပါတယ်။နောက်ပြီး အမျိုးသား နျူကလီယာဓါတ်ခွဲခန်းမှ ဒီဓါတ်ပေါင်းဖိုပုံစံအကြောင်းတွေကိုသိနေတဲ့ ကျန်းမာရေးနဲ့လုံခြုံရေးဆိုင်ရာ အကြီးအကဲလုပ်ဖော်ကိုင်ဘက်တွေဆီကလဲ ကျနော်တို့ သတင်းအချက်အလက်တွေရပါတယ်။ အဲဒီက အကြီးအကဲဟာ SAGE အဖွဲ့ကိုလဲအကူအညီပေးနေပါတယ်။ သူဟာ ဂျပန်မှာ အခုပြဿနာပေါ်နေတဲ့
နေရာရဲ့ အနီးဝန်းကျင်မှာ အလုပ်လုပ်နေပါတယ်။သူဟာ အဖြစ်အပျက်တွေကိုကောင်းစွာသိရှိထားပါတယ်။ ဒါကြောင့် ကျနော်တို့ရရှိထားချက်တွေကို ကျနော်တို့ ကောင်းစွာယုံကြည်စိတ်ချပါတယ်။ ခင်ဗျာမေးတဲ့ ဒုတိယမေးခွန်းက ကျနော်တို့ ဘယ်တော့လောက် စိတ်သက်သာရာရမလဲပေါ့။ တဲ့တဲ့ဖြေရမယ်ဆိုရင် မသိသေးပါဘူး။ မသေချော မရေရာမှုတွေ များစွာရှိနေမယ်ဆိုတာ ခင်ဗျားသိမယ်လို့ ကျနော်ထင်ပါတယ်။ ဒီ မနက် ပေါက်ကွဲမှုဖြစ်တာကို ကျနော်အနည်းငယ်အံ့သြမိခဲ့ပါတယ်။ အေးအောင်အတွက် ပင်လယ်ရေကိုပံ့ပိုးနေတဲ့ အဆို့ရှင် ကျိုးပဲ့ပြီး ကြားညပ်နေတယ်၊ ဒါကြောင့် ပင်လယ်ရေနဲ့ အအေးဓါတ်ပေးခြင်း ဟာ ထိရောက်စွာအလုပ်မလုပ်တော့ဘူးလို့ ကျနော်ထင်ပါတယ်။ ဒါကို သူတို့လဲ ပြင်နေပြီလို့ ကျနော်ယူဆပါတယ်။
အဓိကသော့ချက်ကတော့ ရေကိုရအောင်ယူ- အားလုံးကို အေးအောင်လုပ်- ဆီလျော်တဲ့ဖိအားတခုကို ထိန်း ထားမယ်ဆိုရင် အားလုံး အဆင်ပြေသွားမှာပါ။ ဒီမနက် လန်ဒန်မှာ “ယနေ့အစီအစဉ်”ကဏ္ဍမှာလဲ ဒီလိုမေးခွန်း အမေးခံခဲ့ရပါသေးတယ်။ ၁၀ ရက်ဝန်းကျင်ကြာတဲ့အခါမှာ ဘာမှပိုဆိုးမလားဘူးဆိုတဲ့ ခံစားမှုဖြစ်ပေါ်လာ ကောင်းချေရဲ့လို့ ကျနော်ပြောခဲ့ပါတယ်။ ဒါပေမင့် တကယ်လို့ ကြီးထွားလာမယ်ဆို ဒီအချိန်မှာတော့အသေးစိတ်ကို ကျနော်မပြောလိုသေးပါ။
[ဒေးဗစ် ဖစ်တန် DF] ကျေးဇူးအများကြီးတင်ပါတယ်။ နောက်မေးမဲ့သူတယောက်အလှည့်ပါ။
[မေးခွန်းရှင်]အခုအခါမှာ ဂျပန်ရဲ့ အရှေ့မြောက်အရပ်မှာ လူများစွာအတွက် အကူအညီတွေအများကြီးလိုအပ် နေပါတယ်။ အဲဒီမှာ လုပ်အားပေးလိုသူတွေကို ဘယ်လိုအမှာစကားမျိုးများ ပေးမှာပါလဲ။
[ဂျွန်ဘက်ဒင်တန် JB] ဟင်လေရီ ဖြေပေးပါ။
[ဟင်လာရီ ဝါခါ HW] ဟုတ်ကဲ့။ ဂျပန်အာဏာပိုင်များဟာ အတွေ့အကြုံများစွာရှိကြပါတယ်။ ကောင်းစွာချမှတ် ထားတဲ့ စီမံကိန်းတွေလဲရှိကြပါတယ်။ အဓိကအနေနဲ့ကတော့ အစိုးရအာဏာပိုင်တွေပြောတာကို လိုက်နာဘို့ ပါပဲ။ ရွှေ့ပါဆိုရင်ရွှေ့ပေးပါ။ ခိုလှုံပါဆိုရင် ခိုလှုံပါ။
[ဒေးဗစ် ဖစ်တန် DF] ကျေးဇူးတင်ပါတယ်။ အဖြေတွေအနေအထားဟာ အခုဖြစ်ပျက်နေတဲ့နေရာရဲ့ ကီလိုမီ တာ ၂၀ နဲ့ ၃၀ ဒေသတွေနဲ့ပတ်သက်တာလို့ ကျနော်ထင်ပါတယ်။
[ဂျွန်ဘက်ဒင်တန်JB]လုံးဝဥဿုံပါပဲ။အဲဒီဒေသအတွင်းကိုဘယ်သူတယောက်မျှ သွားနေဘို့အိပ်မက်မမက်
ပါ။ အခုအချိန်မှာ အာဏာပိုင်တွေကလဲ သွားနေခွင့်ပြုမယ်လို့ ကျနော်မထင်ပါဘူး။ သွားနေဘို့ကြိုးစားဘို့လဲ အိပ်မက် မမက်ပါနဲ့။ ဒါဟာ ကောင်းတဲ့အစီအစဉ်မဟုတ်ပါဘူး။ ဒီဒေသနဲ့အနီးမှာရှိနေတဲ့သူတွေမှာ ပြဿနာတွေ သေချာရှိနေပါတယ်။ ၂၀ ကီလို မီတာဇုံမှနေ အားလုံးကို ရွှေ့ပြောင်းပြီးထားပြီမို့ အားလုံးဘေးကင်းနေပြီလို့မြော်လင့်နေရပါတယ်။
[ဒေးဗစ် ဖစ်တန် DF] ကျေးဇူးတင်ပါတယ်။ မေးခွန်းမေးမဲ့သူများ ရှိပါသေးလား။
[မေးခွန်းရှင်] ချာနိုဘိုင်မှာ ရေဒီယိုဓါတ်သတ္တုပစ္စည်းတွေဟာ ပေ ၃၀,၀၀၀ အထိတက်သွားခဲ့တယ်၊ ဒီမှာတော့ အဆိုးဆုံးမြင်ကွင်းမှာတောင် မီတာ ၅၀၀ (ပေ ၁,၅၀၀ ခန့်)တက်သွားခဲ့တယ်လို့ ခင်ဗျားပြောသွားပါတယ်။ ဘာကြောင့် ဒီကအဆိုးဆုံးမြင်ကွင်းဟာ ချာနိုဘိုင်ကထက် ပိုနည်းရသလဲဆိုတာ ရှင်းပြပေးစေချင်ပါတယ်။
[ဂျွန်ဘက်ဒင်တန် JB] ဟုတ်ကဲ့။ အများကြီးနည်းပါတယ်။
ချာနိုဘိုင်မှာ ပထမဦးဆုံး ဓါတ်ပေါင်းဖိုရဲ့ထိပ်ပိုင်းပွင့်ထွက်သွားပါတယ်။ နောက် ဓါတ်ပေါင်းဖိုရဲ့အူတိုင်ပေါ့။ အူတိုင်ကိုဝန်းရံထားတဲ့ ဂရက်ဖိုက်တွေ အချိန်တော်တော်ကြာ မီးဟပ်လောင်ကျွမ်းသွားပါတယ်။ အဲဒီအခါမှာမီးအပူရှိန်တွေက အရာအားလုံးကို ဖန်တီးထားတဲ့နည်းရဲ့သာမန်ဖြစ်စဉ်အတိုင်းအပေါ်ကိုတွန်းတင်လိုက်တာပါ။ ဒီမှာက ရေဒီယိုဓါတ်သတ္တုပစ္စည်းတွေက ထိန်းကန်ရဲ့ကြမ်းပြင်နဲ့ထိတွေ့ပြီး ဖိအားတွေဖြစ်ပေါ်လာပါတယ်၊ တကြိမ်ပေါက်ကွဲမှုဖြစ်လာပါတယ်။ ဒါပေမင့် နောက်ထပ်ပေါက်ကွဲမှုတွေ မရှိခဲ့ပါဘူး။
ဒါကြောင့် ပေါက်ကွဲမှုက ပစ္စည်းတွေကို အမြင့် မီတာ ၅၀၀ ကိုရောက်ရှိသွားစေခဲ့တာပါ။ ဒါကခန့်မှန်းခြေပါ။ ၄၈၃ နဲ့ ၅၁၇ ကီလိုမီတာ အတွင်းဖြစ်နိုင်ပါတယ်။ ဒီဖြစ်စဉ်နဲ့ရာသီဥတုအခြေအနေနဲ့ရောလိုက်ရင် ကီလိုမီတာ ၂၀ အလွန်ရှိ လူသားများရဲ့ကျန်းမာရေးကို ထိခိုက်စေနိုင်တဲ့အဆင့်ဖြစ်စေဘို့ ဘယ်ပစ္စည်းမှ လုံးဝ ထွက်ပေါ်လာ စေမှာမဟုတ်ပါဘူး။
[ဒေးဗစ် ဖစ်တန် DF] ကျေးဇူးတင်ပါတယ်။ မေးခွန်းရှိလိမ့်ဦးမယ်လို့ ထင်ပါတယ်။
[မေးခွန်းရှင်] မင်္ဂလာနံနက်ခင်းပါ။ နောက်ထပ် ပြင်းအား ၇ ရှိငလျင်နဲ့ ဆူနာမီ ဖြစ်ပေါ်နိုင်ခြေ ၇၀%ခန့်ရှိတယ်လို့ လွန်ခဲ့တဲ့ ၂ ရက်က ဂျပန်အစိုးရကခန့်မှန်းခဲ့ပါတယ်။ အကယ်၍ ဒီလိုဖြစ်လာမှာနဲ့ အခုလုပ်ဆောင်နေတဲ့အရေးပေါ်အစီအစဉ်တွေက ခင်ဗျားရဲ့ အဆိုးဆုံးမြင်ကွင်းကို ဘယ်လိုအကျိုးသက်ရောက်မှုဖြစ်လာမှာပါလဲ ခင်ဗျာ။
[ဂျွန်ဘက်ဒင်တန် JB] အဆိုးဆုံးမြင်ကွင်းဟာ ဒီအတိုင်းပဲ ရှိနေမယ်လို့ ကျနော်ထင်ပါတယ်။
ဒီကိစ္စဟာ အခြေခံအားဖြင့် တကယ်လို့ သူတို့မတတ်နိုင်ခဲ့ရင်၊ ဆိုကြပါစို့ သူတို့ အေးအောင်လုပ်ဘို့ကြိုးစားတာ မအောင်မြင်ခဲ့ရင်၊ ထိန်းကန်အတွင်း ဖိအားမတက်အောင် ထိန်းသိမ်းဘို့ မတတ်နိုင်ခဲ့ရင် ပေါက်ကွဲမှုဖြစ်လာမှာပါ။
ကျနော်ဆိုလိုတာက ဓါတ်ပေါင်းဖိုတခုအတွင်းမှာ ဖြစ်လာနိုင်မဲ့ ကျိုးကြောင်းဆီလျော်တဲ့ အဆိုးဆုံးမြင်ကွင်းကို ပြောတာပါ။အင်အားကြီးဆူနာမီအသစ်တခုပေါ်ပေါက်လာမယ်ဆိုရင် အတော်လေးအဆင့်နိမ့်ဖြစ်နိုင်ခြေအခင်းအကျင်းရဲ့ ဖြစ်ရပ်ကိုကြုံရမယ်၊ တခုထက်လဲ ပိုဖြစ်လာမယ်ဆိုဦးတော့၊ တကယ်ကိုပူပန်စိုးရိမ်မှုတွေ မရှိနိုင်သေးပါဘူး။ တကယ်လို့ ပေါက်ကွဲမှု တခုထက်ပိုပြီး ၂ ခုဖြစ်လာရင်လဲ အဖြစ်အပျက်က ၂ ဆ ဖြစ်မလာပါဘူး။ အမြင့် ၁,၀၀၀ ကီလိုမီတာ ဖြစ်မသွားပါဘူး။ ကီလိုမီတာ ၅၀၀ ခန့်အမြင့်ပါပဲ။ ဖြစ်ချိန်ကလဲ အလွန်တိုတောင်းပါတယ်။ အဓိကအချက်ကတော့ လေ တိုက်ရာ လားရာပါ။
ဘယ်အချိန်မှာဖြစ်မှာပါလဲ။ လေကပစ္စည်းကိုသယ်ယူသွားရင် ပစိဖိတ်သမုဒ္ဒရာဆီကို သွားမှာပါ။ ဒါဆိုရင် ပြနာမဖြစ်နိုင်ပါဘူး။ ဖြစ်ခဲ့မယ်ဆိုရင် မကူညီတဲ့ရာသီဥတုနဲ့ ကျိုးကြောင်းဆီလျော်တဲ့အဆိုးဆုံးမြင်ကွင်းကို ၂ ဆ ဖြစ်မဲ့ ပေါက်ကွဲမှုကြောင့်ပဲ ဖြစ်လာမှာဖြစ်ပါတယ်။
ဒီလိုအမျိုးအစားကိုဖြစ်ပေါ်စေမဲ့ ဒုတိယ ဆူနာမီပေါ်လာခဲ့ရင်တော့ (ဓါတ်ပေါင်းဖိုရဲ့)အူတိုင်တွေကို လူတွေက မထိန်းနိုင်တော့ဘူး ဆိုရင် ပြဿနာဖြစ်လာပြီပေါ့။ ဒါပေမင့် ဒီလိုဖြစ်ပေါ်လာဘို့အတွက် ဓါတ်ပေါင်းဖို ၃ ခုစလုံး ပေါက်ကွဲပျက်စီးသွားရမှာဖြစ်ပါတယ်။ ဒါပေမင့် အလေးအနက် ထပ်ပြောပါရစေ။ ဒီလိုဖြစ်လဲပဲ ကျနော်တို့ အခုပြောနေတဲ့ အကြံပေးချက်ကိုတော့ ထိခိုက်လာမှာမဟုတ်ပါ။
[ဒေးဗစ် ဖစ်တန် DF] ကျေးဇူးတင်ပါတယ်။ ဒီအခန်းထဲမှာ နောက်ဆုံးမေးခွန်းတခုပဲရှိပါတော့တယ်။ အချိန်ရမယ်ဆိုရင် နောက်အခန်းမှာ အခြားသူတွေကိုမေးခွင့်ပေးချင်ပါတယ်။
[မေးခွန်းရှင်]အခုအချိန်မှာ ဗြိတိသျှကျောင်းဟာပိတ်ထားရပါတယ်။ မိဘဆရာများနဲ့ကျောင်းသားများအတွက် သိပ်ကိုစိုးရိမ်ပူပန်တဲ့အခြေအနေဖြစ်နေမယ်ဆိုတာ လူကြီးမင်းသိမှာပါ။ လူကြီးမင်းရဲ့အကြံပေးချက်အရဆို ၁၀ ရက် သို့မဟုတ် ရက်အနည်းငယ်အတွင်း ကျနော်ကျောင်းပြန်ဖွင့်သင့်တယ်လို့ ထင်ရပါတယ်။ ဟုတ်ပါသလားခင်ဗျား။
[ဂျွန်ဘက်ဒင်တန်JB]ရေဒီယိုသတ္တိကြွပစ္စည်းကိုစိုးရိမ်ပူပန်မှုကြောင့်ဆိုရင်တော့ ကျောင်းကိုလုံးဝပိတ်စရာ မလိုပါ။ ကျောင်းပိတ်လိုက်တာဟာ အခြားအကြောင်းတွေကြောင့်လို့ ကျနော်ထင်ပါတယ်။ အဲဒီဒေသမှာ ဓါတ်ရောင်ခြည်ပျံ့နှံ့မှု မည်သည့်ပုံစံကိုဖြစ်စေ အခြေခံလို့ဆိုရင် ကျောင်းကိုအမှန်တကယ်ပိတ်ဘို့မလိုအပ်ပါ။ ဒီအကြောင်းကို အကျယ်ချဲ့ပြောပေးပါ ဟင်လေရီခင်ဗျား။
[ဟင်လာရီ ဝါခါ HW] မဟုတ်ပါဘူး။ သင့်ကျောင်းဟာ တိုကျိုမှာလို့ယူဆပါတယ်။ အခုအချိန်မှာတော့ တိုကျို ဒေသမှာ ပုံမှန်လုပ်ဆောင်မှုများမှလွဲလို့ အခြားလုပ်စရာ အကြောင်းမရှိသေးပါ။
[ဒေးဗစ် ဖစ်တန် DF] ကျေးဇူးတင်ပါတယ်။ ကျောင်းက အခြားအကြောင်းအချို့ကြောင့်လဲ ပိတ်ထားတာပါ။ လျှပ်စစ်အားပြတ်တောက်မှာ၊ လမ်းပန်းသွားလာရေးခက်ခဲတာတွေကြောင့်ပါ။ ဒါပေမင့် ဒါတွေက အဆင်ပြေပါ တယ်။ အခြားအဆောက်အဦးရဲ့ သင်ကြားရေးနဲ့ ဖွံ့ဖြိုးရေးအခန်းထဲမှာ လူတချို့ရှိနေသလားဆို မေးကြည့်ရဦး မယ်။
[မေးခွန်းရှင်] ဒီမှာ ဝန်ထမ်းနဲ့မိသားစု ၃၀ လောက်ရှိပါတယ်။ အားလုံးဆီက စုဆောင်းပြီး မေးခွန်း ၄ ခုရှိပါတယ်။ ပထမဦးဆုံး ချာနိုဘိုင်နဲ့ ပတ်သက်တဲ့မေးခွန်းပါ။ ချာနိုဘိုင်မှ ဓါတ်ရောင်ခြည် ယိုစိမ့်မှုဖြစ်ပြီးနောက်ဆက်တွဲ အ နေနဲ့ အခြားနိုင်ငံကလူတချို့ နာမကျန်းဖြစ်ခဲ့ရပါတယ်။ ဘာကြောင့်ဖြစ်ရတာပါလဲ။
[ဂျွန်ဘက်ဒင်တန် JB] ကောင်းပါပြီ၊ ဟင်လေရီ ဖြေပေးပါ။
[ဟင်လာရီ ဝါခါ HW] ချာနိုဘိုင်မှာ ဖြစ်သွားပြီးနောက်မှာ အခြားနိုင်ငံမှလူများ ရောက်လာကာ ရေဒီယိုသတ္တိကြွ ပစ္စည်းများစိမ့်ဝင်နေတဲ့ အစားအစာများနဲ့ရေများကို စားမိသောက်သုံးမိလို့ဖြစ်ကြတာပါ။ ဒီမှာဖြစ်တာနဲ့ ခြားနား ချက်ပါ။ဂျပန်နဲ့ကတော့ အလွန်ကိုကွာခြားလိမ့်မယ်လို့ ယုံကြည်ပါတယ်။ ဂျပန်မှာက ကောင်းမွန်တိုးတက်တဲ့စီမံချက် တွေရှိပါတယ်။ ရေဒီယိုသတ္တိကြွ ပစ္စည်းများစိမ့်ဝင်နေတဲ့ အစားအစာများနဲ့ရေများကို စားကြ သောက်သုံးကြ မှာမဟုတ်ပါဘူး။ မတော်တဆမှုကြောင့် ရေဒီယိုသတ္တိကြွဓါတ်ရောင်ခြည်များရဲ့ တိုက်ရိုက်သက်ရောက်မှုကိုလဲ မခံစားခဲ့ကြရပါ။
[ဒေးဗစ် ဖစ်တန် DF] နောက်တယာက်မေးပါ။
[မေးခွန်းရှင်] နောက်မေးခွန်းကတော့ ကလေးများနဲ့ကိုယ်ဝန်ဆောင်မိခင်များအတွက် ဓါတ်ရောင်ခြည်ပျံ့နှံ့မှု အဆင့်များနဲ့ပတ်သက်လို့ပါ။ လက်ခံနိုင်ဘွယ် ခြားနားတဲ့ အဆင့် ရှိပါသလား။
[ဂျွန်ဘက်ဒင်တန် JB] ဟင်လေရီရေ။
[ဟင်လာရီ ဝါခါ HW] ကျေးဇူးပါ ဆာ ဂျွန်။ လက်ခံနိုင်တဲ့အဆင့်တွေကို ဖြစ်နိုင်လွယ်ဆုံးအုပ်စုတွေအပေါ် အခြေခံထားပါတယ်။ ဓါတ်ရောင်ခြည်ပျံ့နှံ့မှုကို လက်ခံနိုင်ခြင်းအဆင့်ကို ထည့်သွင်းစဉ်းစားပါတယ်။
[ဂျွန်ဘက်ဒင်တန် JB] ဟုတ်ကဲ့ ဒါကြောင့် ပြောရရင် အခုအခြေအနေထက် အဆ ရာပေါင်း ထောင်ပေါင်းမက ပေါ့နော် - ကလေးနဲ့ ကိုယ်ဝန်ဆောင်မိခင်တွေအတွက်ပေါ့။ ကျနော်လို လူဝကြီးအတွက်ဆိုရင် ဒိထက်ပိုလိုပါလိမ့်မယ်။
[ရယ်သံများ]
[မေးခွန်းရှင်] နောက်မေးခွန်းကတော့ အိုင်အိုဒင်း သုံးစွဲမှုနဲ့ပတ်သက်လို့ အသိုင်းအဝန်းမှာ စိုးရိမ်မှုဖြစ်နေတာပါ။ ဘယ်အခါမှာ အိုင်အိုဒင်းကို သောက်သုံးရမှာပါလဲ။ ကာကွယ်တဲ့အနေနဲ့ သောက်သုံးဘို့ လူကြီးမင်းက အကြံပေးမှာပါလား။
[ဂျွန်ဘက်ဒင်တန် JB] အဖြေကို ကျနော်သိတယ်လို့ ထင်ပါတယ်။ ဒါပေမင့် ဟင်လာရီ နဲ့ လက်စလေ တို့ဖြေပေးပါ။
[ဟင်လာရီ ဝါခါ HW] အမှန်တကယ်ဖြေဆိုပေးနိုင်မဲ့သူကတော့ ကျမတို့ရဲ့ HPAသမားတော် နစ်ခဲန် ဖြစ်ပါတယ်။ သူက ဒီအကြောင်းတွေ အများကြီးသိပါတယ်။
[နစ်ခဲန် NK] ဟုတ်ကဲ့ပါ။ ၂ နည်းနဲ့ဖြေပါ့မယ်။ ပျံ့နှံ့နေတဲ့ရေဒီယိုအိုင်အိုဒင်းကို ရှူရှိုက်မိခြင်းဖြင့်ဖြစ်စေ၊ နျူကလီ ယာဓါတ်ပေါင်းဖိုနား အလွန်နီးကပ်စွာရောက်ရှိနေလို့ဖြစ်စေ ရေဒီယိုအိုင်အိုဒင်း ကို ထိတွေ့ရမှာဖြစ်ပါတယ်။ မတော်တဆပေါက်ကွဲမှုဖြစ်နေတဲ့ ဓါတ်ပေါင်းဖိုအနီးမှာရှိတဲ့သူတွေဟာ တည်ငြိမ်တဲ့အိုင်အိုဒင်းကို စားသုံးဘို့ တိုက်တွန်းပါတယ်။ ဘာကြောင့်လဲဆိုရင် ဒီလိုဖြစ်ရပ်မှာ သိုင်း ရွိုက်ဂလင်းရဲ့ အိုင်အိုဒင်းစုပ်ယူမှု လုပ်ငန်း ဟန့်တားခြင်းခံရတာကြောင့် ဖြစ်ပါတယ်။
ဒါပေမင့် အခု နျူကလီယာဓါတ်ပေါင်းဖိုအနီးကပ်မှာ ဘယ်သူမှ မရှိပါ။ ဒါကြောင့် ဒီမှာ ရေဒီယိုဓါတ်ကိုလဲ ထိတွေ့ တဲ့သူလဲမရှိပါ။ ဒါကြောင့် တိုကျိုမှာနေသူတွေအနေနဲ့ အိုင်အိုဒင်းကို သုံးစွဲဘို့အကြောင်းမရှိပါဘူးခင်ဗျား။ဒါပေမင့် အရေးကြီးတဲ့ နည်းလမ်းကတော့ ပျံ့နှံ့တဲ့ရေဒီယိုအိုင်အိုဒင်းတွေ ပတ်ဝန်းကျင်မှာအခြေကျပြီး၊ သီးနှံတွေထဲ စိမ့်ဝင်သွားတာပါ။ ဒါကို လူ၊ တိရစ္ဆာန်တွေစားသုံးပြီး နို့ရည်ထဲကစစ်ထုတ်လိုက်ပါတယ်။
ချာနိုဘိုင်က ကိစ္စမှာကတော့ ပြဿနာက သိုင်းရွိုက်ဂလင်းကင်ဆာများစွာဖြစ်ပေါ်တာပါ။ ရုရှားနဲ့ ယူခရိန်းတို့မှာ ရေဒီယိုအိုင်အိုဒင်းစိမ့်ဝင်တဲ့လမ်းကြောင်းကတော့ ဒီဓါတ်ပါရှိတဲ့ အစားအစာ အထူးသဖြင့် နို့ ကိုစားသုံးမိခြင်းပါ။ကျနော် ချုပ်ပြောပါ့မယ်။ ခင်ဗျားတို့ဟာ ဓါတ်ပေါင်းဖိုနဲ့အနီးအနားမှာမရှိနေတဲ့အတွက် ရှူရှိုက်မိမှုအန္တရာယ်မရှိပါ။ အစားအသောက်များမှ ရေဒီယိုအိုင်အိုဒင်းကိုထိတွေ့ရရှိစေမဲ့ အစားအစာလမ်းကြောလဲမရှိသေးပါ။ ဒါကြောင့် အိုင်အိုဒင်းကို စားသုံးဘို့ မလိုအပ်ပါ။ ကျေးဇူးတင်ပါတယ်။
[ဒေးဗစ် ဖစ်တန် DF] ကျေးဇူးတင်ပါတယ်။
[မေးခွန်းရှင်] ဟုတ်ကဲ့။ နောက်မေးခွန်းတခုပါ။ လူကြီးမင်းပြောခဲ့တဲ့ ကျိုးကြောင်းဆီလျော်တဲ့ ဖြစ်ရပ်မြင်ကွင်း အရ ဘယ်လိုလေစွမ်းအားမျိုးဟာ ဖူခူရှိမ ကနေ တိုကျိုအထိ ရေဒီယိုဓါတ်ကြွပစ္စည်းများကို သယ်ဆောင်လာမှာ ပါလဲ။ ဒီလိုသယ်ဆောင်လာနိုင်လောက်တဲ့ လေစွမ်းအားမရှိလို့ပါလား။ ဒါမှမဟုတ် လူကြီးမင်းရဲ့ ကျိုးကြောင်းဆီလျော်တဲ့မြင်ကွင်းမှာ လေစွမ်းအားတစုံတရာရှိမယ်လို့ ယူဆပါသလား။
[ဂျွန်ဘက်ဒင်တန် JB] မဟုတ်ပါဘူး။ အခြေခံအားဖြင့် ဒါဟာ ဖြစ်လာမှာကို မဟုတ်ပါ။
[ဒေးဗစ် ဖစ်တန် DF] ကောင်းပါပြီ။ ဒီအခန်းမှာတော့တော်လောက်ပါပြီ။ အပေါ်ထပ် ဝန်ဆောင်မှုခန်းနဲ့ ဗီဇာအဟောင်းခန်းတို့ကမေးချင်စရာများရှိကြပါသေးလား။ [ခေတ္တနားလျက်]ဘာသံမှတော့ မကြားရဘူး။ နည်းနည်းတော့ ခက်ခဲကြမယ်ထင်ရဲ့။ ကဲ တဦးချင်းစီက မေးလိုသူများရှိကြပါရဲ့လား။
[မေးခွန်းရှင်] ဒေးဗစ်ခင်ဗျား။ ကျနော်အခုမှ ဝင်လာခဲ့လို့ပါ။ တောင်းပန်ပါတယ်။ ကျနော်တို့မှာ နောက်မေးစရာ မေးခွန်းတခုရှိလို့ပါ။ ရေဒီယိုဓါတ်ရောင်ခြည် ကူးစက်ခံနေရသူနဲ့ ထိတွေ့ဆက်ဆံရမှုကိုသိချင်ပါတယ်။
[ဂျွန်ဘက်ဒင်တန် JB] ဟင်လေရီ ဒါမှမဟုတ် လက်စလေ ဖြေပေးပါ။
[ဟင်လာရီ ဝါခါ HW] ကောင်းပါပြီ။ ထိတွေ့ကူးစက်မှုဟာ ဓါတ်ပေါင်းဖိုနေရာမှာ အလုပ်လုပ်ကိုင်နေကြသူများသာ သီးသန့်ဖြစ်စေတာပါ။ အဲဒီသူများအတွက် ထိတွေ့ကူးစက်မှုကို ပြန်လည်လျော့ပါးအောင် အဲဒီနေရာမှာပဲ လုပ် ပေးပါတယ်။ ကီလိုမီတာ ၃၀ ဇုံအလွန်ကသူများအတွက်တော့ ပြည်သူ့ကျန်းမာရေး စိုးရိမ်လောက်စရာ ထိတွေ့ ကူးစက်မှုရှိလိမ့်မယ်လို့ မမြော်လင့်ပါဘူး။
[ဂျွန်ဘက်ဒင်တန် JB] ဟုတ်ပါတယ်။ ဒါဟာအချက်ပါပဲ။ အရေးပေါ်အခြေအနေကိုဖြေရှင်းဘို့ ကြိုးစားနေတဲ့ ဓါတ်ပေါင်းဖိုမှာ အမှန်တကယ်လုပ်ကိုင်နေသူများသာ ကြီးမားတဲ့(ထိတွေ့ကူးစက်မှု) ပမာဏကို ခံစားကြရမယ် ဆိုတာ သိနိုင်ပါတယ်။
ဂျပန်အာဏာပိုင်များက သူတို့ကိုစစ်ဆေးမှုပြည့်ပြည့်စုံစုံ လုပ်ပေးမှာပါ။ နျူကလီယာစက်ရုံလုပ်ငန်းကကောင်းစွာနားလည်ထားတဲ့ နည်းအဆင့်ဆင့်နဲ့ သူတို့ကို ထိတွေ့ကူးစက်မှု လျော့ပါးရေးကို လုပ်ပေးမှာပါ။ကီလိုမီတာ ၂၀ ကွာဇုံကသူတွေဟာ ဓါတ်ရောင်ခြည်ကြွသတ္တိ ဆိုးရွားတဲ့အဆင့် ရရှိကြလိမ့်မယ်လို့ ကျနော် မယူဆပါဘူး။
အာဏာပိုင်တွေက တကယ်ဖြစ်တဲ့သူရွေးထုတ်လိုက်တယ်ဆိုခဲ့ရင် ကျနော်အတော်အံ့သြရမှာပါ။ တကယ်ရှိခဲ့ရင်လဲ ထိတွေ့ကူးစက်မှုလျော့ပါးအောင် အသေအချာလုပ်ပေးရမှာဖြစ်ပါတယ်။ အခြေခံအားဖြင့် ဒီလူတွေဟာ ဓါတ်ပေါင်းဖိုပရဝဏ်က ထွက်မသွားရပါဘူး။ အနီးအနားစားသောက်ဆိုင်တွေကိုလဲမသွားရပါဘူး။ ထိတွေ့ကူးစက်မှုလျော့ပါးအောင် ကောင်းစွာလုပ်ပေးရပါ့မယ်။
[မေးခွန်းရှင်] ဟုတ်ကဲ့။
[ဒေးဗစ် ဖစ်တန် DF] ဟုတ်ကဲ့ ဆက်ပြောပါ။
[မေးခွန်းရှင်]ဒါဟာ အလွန့်အလွန်ကို သေချာစေတာပါပဲ။ အခုစကားပြောကြားမှုကို အသံဖိုင်(ပေါ့ကတ်စ်) အဖြစ် အင်တာနက်မှာ တင်ပေးမှာပါလားခင်ဗျား။ လူအများ စိတ်ချမ်းသာစွာ သိရှိနားလည်ရအောင်ပါ။
[ဂျွန်ဘက်ဒင်တန် JB] ဟုတ်ပ။ ကျနော်တို့ဘက်ကတော့ ဒီဟာနဲ့ပတ်သက်လို့ စိုးရိမ်ပူပန်မှု မရှိပါ။
[ဒေးဗစ် ဖစ်တန် DF] တိုကျိုသံရုံးကနေ ကျနော်အဖြေပေးပါတယ်။ ဒါ ကျနော်တို့ အစီအစဉ်ပါ။ ပေါ့ကတ်စ် အသံဖိုင်နဲ့ရရင် တင်ပေးပါ့မယ်။ မရနိုင်ခဲ့ရင် စာသားအနေနဲ့တင်ပေးပါ့မယ်။
[မေးခွန်းရှင်] နှစ်လို့ဘွယ်ရာပါ။ ကျေးဇူးအများကြီး တင်ပါတယ်။
[ဒေးဗစ် ဖစ်တန် DF] မေးခွန်းများရှိပါသေးလား။ အရင်မေးဘူးသူတွေက မေးရင်လဲ ရပါတယ်။
[မေးခွန်းရှင်] ကျေးဇူးပါ။ တိုကျိုမှာ မိုးရွာခြေ ဘယ်လိုပါလဲ။ အိမ်ထဲမှာပဲနေဘို့အကြံပေးထားပါတယ်။ ဦးထုပ် သို့မဟုတ် တခုခု ဖုံးအုပ်ထားရမှာပါလား။
[ဂျွန်ဘက်ဒင်တန် JB] မလိုအပ်ပါဘူး။
ဒီအကြောင်းအားလုံးမှာ အပေါ်အမြင့် မီတာ ၅၀၀ ကိုရောက်ရှိသွားမှာပါ။ အခုတော့ မပေါက်ကွဲသေးပါဘူး။ အရေးပေါ်အနေအထားမရောက်သေးပါဘူး။ ပြိုကွဲပျက်စီးခြင်းမရှိသေးပါဘူး။ တကယ်လို့ ဖြစ်ခဲ့လဲပဲ ဒါဟာ ကီလိုမီတာ ၂၀ - ၃၀ ဇုံအတွင်းက မိုးမှာသာ ရေဒီယိုဓါတ်ကြွပစ္စည်းတွေရှိနေမှာပါ။
[ဒေးဗစ် ဖစ်တန် DF] ကျေးဇူးတင်ပါတယ်။ အခြားအခန်းက မေးခွန်းတခုမေးပါ။
[မေးခွန်းရှင်] ကောင်းပါ့။ ကျနော်မေးခဲ့တဲ့ မေးခွန်းအဆက်ပါ။ စေတနာ့ဝန်ထမ်းလုပ်အားပေးကယ်ဆယ်ရေး လုပ်ငန်းနဲ့ပတ်သက်လို့ပါ။ သူတို့တွေဟာ ဖူခူရှိမ ကနေ ကီလိုမီတာ ၅၀ - ၆၀ ကျော်အရပ်မှာ လုပ်ကိုင်မယ်ဆိုရင် ဓါတ်ရောင်ခြည်အန္တရာယ်ကလွတ်ကင်းပါ့မလား။
[ဂျွန်ဘက်ဒင်တန် JB] ဒါဟာ အမှန်ပါလို့ ကျနော်ထင်ပါတယ်။ ကျနော်မှတ်ချက်ပေးတာကို ကျနော့်လုပ်ဖော် ကိုင်ဘက် ဟင်လာရီနဲ့လက်စလေတို့က သဘောတူကြောင်း ခေါင်းညိတ် ထောက်ခံနေကြပါတယ်။
[ဂျွန် ဆင်ပ်ဆဲန် JS]ံHPA က ဂျွန် ဆင်ပ်ဆဲန်ပါ။ သတ်မှတ်ဇုံပြင်ပမှာ လုပ်အားပေးသွားမဲ့သူတွေကို ကျနော်တို့ အကြံပေးထားပါတယ်။ သူတို့ကျရောက်နိုင်တဲ့ အမှန်တကယ်အန္တရာယ်ကတော့ သဘာဝပျက်စီးမှုမှ ထိရှခိုက်မိ မဲ့ ဒဏ်ရာဒဏ်ချက်တွေပဲဖြစ်ပါတယ်။ သူတို့တွေ့ကြုံနိုင်မဲ့ အန္တရာယ်စာရင်းထဲမှာ ရေဒီယိုရောင်ခြည်တော့ မပါ ပါဘူး။
[ဒေးဗစ် ဖစ်တန် DF] ကျေးဇူးတင်ပါတယ် ဂျွန်။ မေးခွန်းတခုရထားပါတယ်။
[မေးခွန်းရှင်] မြန်ဆန်တဲ့မေးခွန်းလေးပါ။ ကူးစက်နေတဲ့အစားအစာများလို့ လူကြီးမင်းကပြောသွားပါတယ်။ အဲဒီထဲမှာ ပင်လယ်စာ ပါပါသလားခင်ဗျာ။
[ဂျွန်ဘက်ဒင်တန် JB] လက်စလေရေ၊ ဖြေပေးပါ။
[လက်စလေ LP] ဟုတ်ပါတယ်။ ဖြစ်နိုင်ခြေရှိပါတယ်။ ဒါပေမင့် ဂျပန်မှာ ကောင်းမွန်တဲ့ စောင့်ကြပ်ကြည့်ရှုတဲ့အစီအစဉ်များရှိနေပါတယ်။ ထိတွေ့ကူးစက်နိုင်တဲ့ ဖြစ်နိုင်ခြေလမ်းကြောင်းများကို သူတို့ နားလည်သဘောပေါက်ပါတယ်။ လူအများကို ပင်လယ်စာ ပေးမစားခင် အကြံဉာဏ်တွေပေးဦးမှာ ကြီးကြပ်စောင့်ကြည်နေမှာ သေချာပါတယ်။
[ဒေးဗစ် ဖစ်တန် DF] ကျေးဇူးတင်ပါတယ်။ နောက်ထပ်မေးခွန်းမေးပါ။ လူတိုင်းမေးရင်တောင် အချိန်ရမယ်လို့ ကျနော်ထင်ပါတယ်။
[မေးခွန်းရှင်] မိသားစုအခန်းကပါ။ ကျိုးကြောင်းဆီလျော်တဲ့မြင်ကွင်း နဲ့ ကျိုးကြောင်းမဆီလျော်တဲ့မြင်ကွင်း တို့ရဲ့ရှင်းလင်းချက်ကို သိပါရစေ။
[ဂျွန်ဘက်ဒင်တန် JB] ကောင်းပါပြီ။ အတိုင်းအတာတခုအထိတော့ ကျနော်ဖြေနိုင်ပါလိမ့်မယ်။
ကျိုးကြောင်းဆီလျော်တဲ့အဆိုးဆုံးမြင်ကွင်းဆိုတာ ဓါတ်ပေါင်းဖိုများ အရေးပေါ်အခြေအနေရောက်သွားပြီး ပေါက်ကွဲထွက်သွားတဲ့ဖြစ်ရပ်မြင်ကွင်းပါ။သုံးခုစလုံး (ဒါကတော့ အမှန်တကယ် မဖြစ်နိုင်ပါဘူး)မှာ ပင်လယ်ရေနဲ့ အအေးပေးခြင်းလုပ်ငန်းမအောင်မြင် သွားရင်၊ ထိန်းကန်အတွင်းဖိအားကို ထိန်းချုပ်နိုင်ခြင်းမရှိခဲ့ရင် အားလုံးပေါက်ကွဲသွားကြမှာပါ။ ဒါဟာ ဖြစ်နိုင်ခြေအနည်းဆုံးအခြေအနေမှာရှိနေပါတယ်။
[ဒေးဗစ် ဖစ်တန် DF] ကောင်းပါပြီ။ ကျနော်အမှန်တကယ်ကို ကျေးဇူးတင်ပါတယ်။ ကျနော် ဒီအစီအစဉ်ကိုပိတ်ပါတော့မယ်။ လန်ဒန်ဘက်က ဆာ ဂျွန်နဲ့ လုပ်ဖော်ကိုင်ဘက်များကို လူကြီးမင်းတို့ရဲ့ ပွင့်လင်းတဲ့တုန့်ပြန်မှုကို လေးစား တန်ဘိုးထားပါကြောင်းပြောကြားလိုပါတယ်။ လူအများလဲ ဝက်ဘ်ဆိုက်ပေါ်မှာ အချိန်ပေးကြည့်ရှုလိမ့်မယ်လို့ မြော်လင့်ပါတယ်။ ကျနော်တို့နဲ့အတူ ပါဝင်တက်ရောက်သူများကိုလဲ အမှန်ကျေးဇူးတင်ရှိပါကြောင်း။
[ဂျွန်ဘက်ဒင်တန်JB]ဒေးဗစ်ခင်ဗျာ။တခုလောက်တော့ပြောပါရစေ။ဂျပန်မှာ အကြီးအကျယ်ပျက်စီးမှုနဲ့ကြုံရ မယ်၊ ဒိအတွက် သံရုံးကသူများ အလုပ်ရှုပ်ပင်ပန်းမယ် ဆိုရင် နျူကလီယာအရေးကို ဘေးဘန်းကိစ္စလို့ ကျနော် သတ်မှတ်လိုက်ပါ့မယ်။ ခင်ဗျားတို့မှာ ဒုက္ခကြီးကြီးမားမားရှိနေလို့ပါ။
[ဒေးဗစ် ဖစ်တန် DF] ဒိအတွက် ကျေးဇူးတင်ပါတယ်။ လူတိုင်းကို ထပ်မံ ကျေးဇူးတင်ပါတယ်။
မောင်မောင်လှကြိုင်
၂၀၁၁ မတ်လ ၁၉
တိုကျို
ဆောင်းပါးပေးပို့လာသောဆရာမောင်မောင်လှကြိုင်အားကျေးဇူးတင်ရှိပါသည်။
