စကားတွေအများကြီးပြောနေသောဓါတ်ပုံတပုံ
(လန်ထောင်စပ်စုလေး)
၁၉၆၃ခုနှစ်ကထုတ်ဝေဖြန့်ချိခဲ့သော စာရေးသူ၏ဖခင် လန်ထောင်ဦးစပ်စု ရေးသားခဲ့သည့် "ဦးစပ်စု၏၇၅နှစ်အကြား ၄၉နှစ်အမြင် မြန်မာပြည်"စာအုပ်မှ အောက်ပါဆောင်းပါးတိုလေးကို ဖတ်ရှုကြည့်ပြီး ဖေါ်ပြထားသည့်ဓါတ်ပုံကို လေ့လာကြည့်စေလိုပါသည်။
"ပင်လုံဒေါ်နုရင်နှင့် ဆီချက်ခေါက်ဆွဲ"
ထိုစဉ်က အဖွဲ့တစ်ဖွဲ့ရှိသည်။ ဤအဖွဲ့မှာ တပ်ပေါင်းစုံ အမျိုးသမီး ချီးမြှင့်ရေးအဖွဲ့ပင် ဖြစ်ပါသည်။ ယင်းအဖွဲ့ထဲတွင် ကျွန်ုပ်၏ဇနီးနှင့်တကွ ခယ်မ၊ မရီးများပါ ပါဝင်ကြလေသည်။ ကြီးမှူးစီစဉ်ညွှန်ကြားသူက ပင်လုံဒေါ်နုရင်၊ အမျိုးသားဘက်ကဆိုလျှင် ကျွန်ုပ်စပ်စု၊ အိန္ဒိယအမျိုးသား ဘာဘူကြီး၊ ဗမာအမျိုးသားထဲကဆိုပါလျှင် ဦးဘသွင်တို့ ဖြစ်ပါသည်။ ဤအဖွဲ့သည် မင်္ဂလာဒုံ စစ်ဆေးရုံသို့တက်ရောက်ကုသနေသောလူနာများအား သူတို့စားသောက်လိုသည့် အစာအာဟာရကို တစ်လလျှင်တစ်ကြိမ် ကျွေးမွေးလှူဒါန်းပါသည်။
စာမျက်နှာ ၆၄-ပုံစာ ဗိုလ်ချုပ်ကတော် ဒေါ်ခင်ကြည်နှင့်သားသမီးသုံးယောက်၊ ဦးဘသွင်၊ အိန္ဒိယဘာဘူကြီး
(Mr. Chenllal) ၊ ဦးစပ်စု တို့၏ တပ်ပေါင်းစုံအမျိုးသမီး ချီးမြှင့်ရေးအဖွဲ့။ ဤတကြိမ်တွင် စားသောက်စရာ၊ စောင်၊ မျက်နှာသုတ်ပုဝါ၊ ဆပ်ပြာများ လှူဒါန်းထောက်ပံ့သည့်ပြင် ရွှေနှင်းဆီအငြိမ့်ဖြင့် ကပြဖျော်ဖြေ လေသည်။)
တစ်ကြိမ်က မှတ်မှတ်ရရ ကျွန်ုပ်နှင့်ပင်လုံဒေါ်နုရင်သည် ၂၄-လမ်းသို့လာ၍ ကားဖြင့် ဆီချက်ခေါက်ဆွဲများကို သယ်ရလေသည်။ ကားထဲ၌ ပစ္စည်းဥစ္စာများပြည့်လျှံ၍နေလေသည်။ ထိုင်ရသောလူမှာလည်း ဘေးသို့မလှည့်သာအောင်ပင် ကျပ်ကျပ်တည်းတည်းနှင့်
လိုက်လာရ၏။ ၂၄-လမ်းမှ မင်္ဂလာဒုံအထိ ခရီးကားနီးလှသည်မဟုတ်၊ တစ်လမ်းလုံး ဤအတိုင်းပင်လိုက်ပါလာခဲ့ရ၏။ တစ်ကိုယ်လုံးတွင်လည်း ချက်ပြီးသောဆီများ ပေကျံကုန်၏။
မင်္ဂလာဒုံစစ်ဆေးရုံသို့ ရောက်လေသောအခါ ကျွန်ုပ်ခါးသည် မဆန့်နိုင်တော့ပေ၊ ပင်လုံ ဒေါ်နုရင်လည်း ဤအတိုင်းပင်ဖြစ်နေပါ၏။ သို့သော် သူက ပြုံးရွှင်ရယ်မောကာ "ဦးစပ်စု ဒီလို သူများအကျိုးကို ပင်ပင်ပန်းပန်းဆောင်ရွက်တာ ကုသိုလ်ရတယ်"ဟူ၍ ပြောပြပါသည်။
ကျွန်ုပ် ခါးကိုက်သောဒဏ်သည် တစ်ပတ်တိတိပင် ခံစားရလေသည်။ သို့ကလိုဖြစ်သော်လည်း ကျွန်ုပ်က စိတ်မပျက်။ အခါအခွင့်သင့်လေတိုင်း ယင်းကဲ့သို့သော ကူညီမှုမျိုးကို ပြုပေဦးမည်။ ပြုလည်းပြုနိုင်ပါစေဟူ၍ ဆုတောင်းပါ၏။
သည်ကိစ္စမျိုးပြုလုပ်ပါလျှင် ကျွန်ုပ်အဖို့ မမောနိုင် မပန်းနိုင်၊ ချွေးတလုံးလုံးနှင့် ပြုလုပ် နေတတ်ပါသည်။ တစ်ကြိမ်တစ်ခါတွင် ဤအမျိုးသမီးများထဲ ကျွန်ုပ်တစ်ယောက်ထဲသာ အမျိုးသား ဖြစ်လင့်ကစား လိုက်ပါဆောင်ရွက်ခြင်းအမှုကို ပြုလေသည်။ ယင်းသို့ပြုလုပ်ရင်း တပ်မတော်သား များသည် တိုင်းပြည်အတွက်ကာကွယ်ရင်း ထိခိုက်ဒဏ်ရာရခြင်းကို များစွာဂရုဏာဖြစ်မိသည်။ ဂုဏ်လည်းယူမိသည်။ ဤစိတ်ဓါတ်ကြောင့်ပင်လျှင် ကိုယ်တိုင်ကိုယ်ကျ မောရပန်းရ မှန်းမသိအောင်ပင် အကူအညီပေးမိခြင်းဖြစ်ပါသည်။
ဂျပန်တော်လှန်ရေးကာလဝယ် ဗိုလ်ချုပ်အောင်ဆန်းနှင့်အတူ ဗမာ့တပ်မတော်အကျိုးအတွက် ထမ်းဆောင်ခဲ့ဖူးသည်။ လွတ်လပ်ရေးရပြီးအချိန်တွင်လည်း ဗမာ့တပ်မတော်အတွက် ကျွန်ုပ်နှင့် အမျိုးသမီးခေါင်းဆောင် ပင်လုံဒေါ်နုရင်နှင့် ပခုံးချင်းယှဉ်တွဲ၍ ဆောင်ရွက်ရပြန်လေသည်။
++++++++++
ထိုဓါတ်ပုံ(၂)ပုံသည် ထိုစဉ်(၁၉၄၉-၅၀)က မြန်မာအမျိုးသမီးများ၏ ထိုစဉ်ကမြန်မာ့တပ်မတော်အပေါ် လေးစားအားကိုး ဂုဏ်ယူဂုဏ်ပြုခဲ့ကြသည့် သက်သေသာဓကများဖြစ်ပါသည်။ အထူးသဖြင့် ပထမဓါတ်ပုံသည်မြန်မာတပြည်လုံးရှိ အမျိုးသမီးထုကြီး၏ကိုယ်စား ပင်လုံဒေါ်နုရင်၊ ပင်လုံဒေါ်ကြည်ကြည်၊ ဗိုလ်ချုပ်အောင်ဆန်း၏ဇနီးဒေါ်ခင်ကြည်နှင့်သားသမီး သုံးယောက်၊ ဝန်ကြီးချုပ်ဦးနု၏ဇနီးဒေါ်မြရီ တို့ ဦးဆောင်၍ တပ်မတော်သားများအပေါ် လေးစားအားကိုး ဂုဏ်ယူဂုဏ်ပြုခဲ့ကြသည်ကို ထင်ရှားပေါ်လွင်စေပါသည်။ မြန်မာကိုချစ်သော၊ မြန်မာ့တပ်မတော်ကိုချစ်သော၊ မြန်မာပြည်နေ တရုပ် အိန္ဒိယ လူမျိုးပေါင်းစုံ၏ ပါဝင်ပူးပေါင်းကူညီမှု ကိုလည်းတွေ့နိုင်ပါသည်။အထူးသဖြင့်
ပြုံးရွှင်နေသော အမေဒေါ်ခင်ကြည်နှင့်သားသမီးသုံးယောက်ဖြစ်ပါသည်။ အမေဒေါ်မြရီ၏ပေါင်ပေါ်တွင်ထိုင်နေသော ရင်ဖုံးအင်္ကျီရှည်အဖြူ၊ အထက်ဆင့်ထမီလေးနှင့် နောင်အခါ ဒေါ်အောင်ဆန်းစုကြည်ဖြစ်လာမည့် ဗိုလ်ချုပ်အောင်ဆန်း၏သမီးငယ်လေးကိုလည်းတွေ့နိုင်ပါသည်။ ပင်လုံစိတ်ဓါတ်ရှိကြသူများ၏ ထိုစဉ်ကဗမာ့တပ်မတော်အပေါ်လေးစား အားကိုး ဂုဏ်ယူဂုဏ်ပြုခဲ့ကြသည့် အထောက်အထားဖြစ်ပါသည်။ အမေဒေါ်ခင်ကြည်မိသားစု၏ အိန္ဒိယနိုင်ငံဆိုင်ရာမြန်မာသံအမတ်ကြီးအဖြစ် တာဝန်မထမ်းဆောင်မှီ မိခင်နှင့်ကလေးစေါင့်ရှောက်ရေးဌာနဝန်ကြီး၊ လူမှုဝန်ထမ်းစီမံကိန်းကော်မရှင်ဥက္ကဌ၊ ပြည်ထောင်စုအမျိုးသမီးများအဖွဲ့၏ဥက္ကဌ၊ စသောတာဝန်များနှင့်အတူ မြန်မာ့တပ်မတော်အကျိုး အားတက်သရောဆောင်ရွက်ခဲ့ကြသည့် မှတ်တမ်းလည်းဖြစ်ပါသည်။
နဝတ၊ နအဖ တို့မှ ဒေါ်အောင်ဆန်းစုကြည်ကို ပြောပြောနေကြသည့်"တိုင်းပြည်အတွက် ဆောင်ရွက်ခဲ့သည့် အစဉ်အလာ ဘာရှိခဲ့သလဲ? " ဆိုသည့်မေးခွန်းကို ကောင်းစွာပြန်လည်ဖြေကြားနိုင်သည့် ဓါတ်ပုံလည်းဖြစ်ပါသည်။ဤဓါတ်ပုံက ဒေါ်အောင်ဆန်းစုကြည်အတွက်" ကျွန်မငယ်စဉ်ကတည်းက ပင်လုံစိတ်ဓါတ်ရှိတဲ့ လူကြီးသူမတို့ရဲ့အုပ်ထိန်းစေါင့်ရှောက်မှုအောက်မှာ တိုင်းပြည်အတွက် သက်စွန့်ကြိုးပမ်းဆောင်ရွက်ခဲ့ကြတဲ့ တပ်မတော်သားတွေကို ကိုယ်တိုင်ကိုယ်ကျ ဂုဏ်ပြုချီးမြှင့်လှူဒါန်းထောက်ပံ့ခဲ့ဘူးပါတယ် "ဟူ၍ပြန်လည်ပြောကြားနေပါသည်။
ဤသို့"စကားတွေအများကြီးပြောနေသောဓါတ်ပုံ"ကို အဖေအမေတိုထံမှအမွေရရှိခဲ့သဖြင့် ကျွန်တော် လန်ထောင်စပ်စုလေးမှ ယခင်နှစ်များနည်းတူ ယခုနှစ်တွင်လည်း "ဒေါ်အောင်ဆန်းစုကြည်၏(၆၁)နှစ်မြောက်မွေးနေ့နှင့်မြန်မာအမျိုးသမီးများနေ့" အထိမ်းအမှတ်အဖြစ် ဂုဏ်ြုပကဗျာနှင့်အတူ၊ ခေတ်အဆက်ဆက်တိုင်ြးုပပြည်ြုပ ပြည်ထောင်စုမြန်မာအမျိုးသမီးများနှင့် ပြည်သူချစ်တပ်မတော်အား ငယ်စဉ်ကပင်ချစ်မြတ်နိုးခဲ့သော၊ ငြိမ်းချမ်းရေးနိုဗယ်ဆုရှင်ဒေါ်အောင်ဆန်းစုကြည်တို့အား ဂုဏ်ြုပသောအားဖြင့် မြန်မာနှင့်ကမ္ဘာသို့ဖြန့်ချိအပ်ပါသည်။
ယခုနှစ်တွင်လည်း "ဒေါ်အောင်ဆန်းစုကြည်၏(၆၂)နှစ်မြောက်မွေးနေ့နှင့်မြန်မာအမျိုးသမီးများနေ့" အထိမ်းအမှတ်အဖြစ် (မဟာဂန္ဓာရုံဆရာတော်ဘုရားကြီး၏"ကလေးအရွယ်လိမ်မာနှင့်ပါမှ၊ ကြီးရင့်က လိမ်မာမည်"ကဗျာအလိုက်အတိုင်း ဂုဏ်ပြုစပ်ဆိုထားသည့်ကဗျာနှင့်အတူ) ထပ်မံဂုဏ်ြုပဖြန့်ချိအပ်ပါသည်။ လိုအပ်သလိုထပ်ဆင့်ဖြန့်ချိပေးကြပါရန်လည်း မေတ္တာရပ်ခံပါသည်။ ။
ကိုယ်နှုတ်ယဉ်ကျေး၊ စိတ်ဖြူဖွေးဖြင့်၊ အေးငြိမ်းချမ်းသာ ရကြပါစေ။လန်ထောင်စပ်စုလေး
(အခု ၂၁-ရာစု ပင်လုံတပ်ပေါင်းစုံကူညီစောင့်ရှောက်ရေးအဖွဲ့ သည် ၁၉၅၀ ခုနှစ်များဆီမှ ပင်လုံတပ်ပေါင်းစုံအမျိုးသမီးချီးမြှင့်ရေးအဖွဲ့အတိုင်း ယနေ့၂၁-ရာစု မြန်မာပြည်တပ်ပေါင်းစုံတို့ကို ပြည်သူချစ်သော ပြည်ထောင်စုတပ်မတော်ကြီးတွင် အတူတကွချစ်ကြည်ရင်းနှီးစွာ ပါဝင်ပူးပေါင်း
ဆောင်ရွက်နိုင်ရေး စေ့စပ်ဖြန်ဖြေကူညီစောင့်ရှောက်သွားမည်ဟု ရိုးသားစွာ ရည်မှန်းထားပါကြောင်း။)
copy from http://pinlonaaaa.blogspot.com/
