Friday, April 29, 2011

ယုံပါအချစ်ရယ် မပြောချင်သူပါ

ယုံပါအချစ်ရယ် မပြောချင်သူပါ

စိန်စီသောလမ်းထက် ဆီ
မင်းကို ရွှေလက်နဲ့အကိုတွဲပြီးခေါ်ခဲ့တယ်၊
မင်းပျော်မှာပါ ဘာကြောင့်လို့လည်းဆိုရင်
ငါဟာ....မင်းကို
ငါ့ရဲ့ အချစ်ရဆုံးအမေ ဒိုင်ယာနာလိုဖြစ်သွားမှာ
အရမ်းစိုးရိမ်ကဲမိနေလို့ပါပဲ....ကိတ်။

မျိုးဂုဏ်မြင့်ပေမယ့်
မျိုးခြင်းထပ်မှ မြတ်မယ်ဆိုတဲ့ အသိစိတ်
ငါ့ဆီမှာ စိုးစဉ်းမှ မရှိရိုးအမှန်ပါ....ကိတ်။

လူဟာ....လူပါပဲ
အနိမ့်အမြင့် မခွဲခြားတတ်တဲ့ ငါ့ရဲ့စိတ်အစဉ်ကို
မင်းသိမှာပါ....
ငါဟာမင်းကို ဘယ်လောက်အထိချစ်မလဲဆိုတာ
ဧပရယ်....ဟာ
ငါ့....အချစ်ကို သက်သေထူပြလိုက်တာပဲ...ကိတ်။

ငါ....ပျော်နေပါတယ် မင်းနဲ့ လက်ထပ်ရမှာကို
ငါ့....ဆုံးဖြတ်ချက်ကိုလည်း
ငါ....ဂုဏ်ယူကျေနပ်နေမိတယ်...ကိတ်။

မင်္ဂလာဦး....ညမှာ
အနမ်းဖွဖွလေး မင်းကိုပေးပြီး
ငါမင်းအပေါ် ဘယ်လောက်အထိချစ်သလဲ...ဆိုတာ
ယုံပါအချစ်ရယ်...မပြောချင်သူပါ..။

အမေ့သား(ဒိန်းမတ်)
ဝီလီယံနဲ့ ကိတ် မင်္ဂလာဦးနေ့မှသည်....ပျော်ရွှင်ချမ်းမြေ့စွာ
ဆုံးတစ်သက်တိုင် ကိုယ်၏ ကျမ္မာခြင်း၊ စိတ်၏ ချမ်းသာခြင်းဖြင့်
အန္တရာယ်ကင်းဘေးရှင်းပြီး အိုအောင်မင်းအောင် ချစ်ချစ်ခင်ခင်
နဲ့ ပေါင်းသင်းနိူင်ကြပါစေ....။

ကိုဗလိုင်(ခ)အောင်စိုး(ဒိန်းမတ်)
phone...0045..50 10 18 32

Thursday, April 28, 2011

ကိုယ်ကျိုးမဖက်တဲ့ လူမှုရေး ပရဟိတသီးသန့် လုပ်ပြနိုင်ခဲ့တဲ့အတွက် အခုလိုအချိန်မှာ လူတွေရဲ့ အားကိုးယုံကြည်မှုကို ရရှိခဲ့တာပါ’၊ နာရေးကူညီမှုအသင်း(ရန်ကုန်)၏ ဘဏ္ဍာရေးမှူး ဒေါ်မြင့်မြင့်ခင်ဖေ နှင့် တွေ့ဆုံမေးမြန်းခြင်း

‘အနိမ့်ကျဆုံးသောကုသိုလ်အလုပ်မျိုးကို မြင့်မြတ်သော စိတ်ထားရှိသူတို့သာလျှင် လုပ်ဆောင်နိုင်ကြသည်’ ဆိုသည့် ဆောင်ပုဒ်ကိုလက်ကိုင်ပြုကာအယူသည်းမှုများအား တစ်ဆင့်ပြီးတစ်ဆင့် ကြိုးစားပြီး ပပျောက်အောင်ပြုလုပ်ခဲ့ပြီး လူမျိုးဘာသာ၊ ဆင်းရဲချမ်းသာ မရွေး၏ နာရေးကိစ္စအ၀၀ကို ကူညီဆောင်ရွက် ပေးလျက်ရှိသော နာရေးကူညီမှုအသင်းသည် ယခုအခါတွင် ၁၀ နှစ်ပြည့် အကျော်ကာလသို့ ရောက်ရှိလာပြီဖြစ်သည်။ ခေတ်ကာလ အခြေအနေအရ နာရေးစရိတ်များ မြင့်တက်လာမှုကြောင့် အများပြည်သူ၏ ယုံကြည်အားထားမှု ပိုမိုလာကာ အကူအညီတောင်းခံလာသည့် နာရေး အရေအတွက်မှာလည်းယခင်ထက် သိသာစွာ များပြားလာမှုကြောင့်ကူညီပေးခဲ့ရသည့် နာရေးအရေအတွက်မှာ ယခုဆိုလျှင် တစ်သိန်းကျော် သွားပြီဖြစ်သည်။ ယင်း ၁၀ နှစ်တာကာလအတွင်း နာရေးကူညီမှုအသင်းသို့ အများပြည်သူ၏ ယုံကြည်အားကိုးမှုအား အခိုင်အမာ ရယူလာအောင် ပြုလုပ် ကြိုးစားနိုင်ခဲ့သည့်အပေါ် နာရေးကူညီမှု အသင်း(ရန်ကုန်)၏ ဘဏ္ဍာရေးမှူး ဒေါ်မြင့်မြင့်ခင်ဖေနှင့် တွေ့ဆုံမေးမြန်းခဲ့ပါသည်။

မေး - နာရေးကူညီမှုအသင်း (ရန်ကုန်) စတင် လုပ်ဆောင်ဖြစ်ခဲ့တာနဲ့ ပတ်သက်ပြီး သိချင်ပါတယ်။

ဖြေ - မြန်မာနိုင်ငံရဲ့ပထမဦးဆုံးသော နာရေးကူညီမှုအသင်းက မန္တလေး ဗြဟ္မစိုရ် ဆရာတော်၊ လူထုဒေါ်အမာ၊ တောင်စလင်းကျောင်းတိုက် ဆရာတော်ဦးတိက္ခ လုပ်တဲ့ နာရေးကူညီမှု အသင်းကို အရင်က အန်တီတို့ဇနီး မောင်နှံက အရမ်းအားကျခဲ့တာ။ ဒါ ပေမယ့် အဲဒီအချိန်တုန်းက အသက်ငယ်သေးတော့ ဘယ်လိုစလုပ်ရမယ် မှန်းမသိ ဖြစ်ခဲ့တယ်။ တစ်နေ့မှာ ဦးသုခနဲ့ ဆရာအောင်သင်းတို့က နာရေးကူညီမှုအသင်း ဖွဲ့ဖို့ရှိတယ်လို့ ပြောတဲ့အခါ အန်တီတို့ပရဟိတ လုပ်ငန်းလုပ်ချင်တဲ့ဆန္ဒနဲ့ တစ်ထပ်တည်း ဖြစ်နေတော့ အသင်း စတင်တည်ထောင်တဲ့ ၂၀၀၁ ခုနှစ် ဇန်န၀ါရီလ ၁ ရက်နေ့ကတည်းက အခုအချိန်အထိ ပါဝင် လုပ်ဆောင်ဖြစ်ခဲ့ပါတယ်။

မေး - ပရဟိတလုပ်ငန်းတွေ လုပ်တယ်ဆိုတာ အပြောလွယ်သလောက် တကယ်လုပ်ပြနိုင်ဖို့ ခက်တယ်ဆိုပေ မယ့် နာရေးကူညီမှုအသင်းက လုပ်ပြ နိုင်ခဲ့တဲ့အတွက် လူတွေရဲ့ ယုံကြည်မှု ရခဲ့တဲ့အပေါ် အတွေ့အကြုံနဲ့အမြင် ကို ပြောပြပေးပါဦး။

ဖြေ - အသင်းမှာ စလုပ်တုန်းကတော့ ဘာအခက်အခဲတွေ ဘယ်လိုဖြစ်လာနိုင်တယ် ဆိုတာကို နားမလည်ခဲ့ဘူး။ ပရဟိတဆိုတဲ့ လူမှုရေးလုပ်ငန်းကို ဟန်ပြပြီး တခြား ကိုယ်ကျိုးစီးပွားရေးဘက် ကူးသွားတာ၊ အစိုးရ မကြိုက်တာ တွေလုပ်ကြတဲ့သာဓကတွေ ရှိနေတော့ အန်တီတို့အသင်းက စဖွဲ့ကတည်း က ပရဟိတစစ်စစ်ကိုပဲ လုပ်ခဲ့တယ်။ ဒုက္ခရောက်သူတွေကို ကယ်တယ်။ လူတိုင်းကို အကူအညီ ပေးတဲ့အခါမှာလည်း ကျောသားရင်သားမခွဲခြားဘဲ သာတူညီမျှ အခွင့်အရေးပေးတယ်။ ဒါကြောင့်အသင်းမှာ အကူအညီလာတောင်းတဲ့သူတွေ လာဘ်ထိုးပြီးမှ ရတာမျိုး မဖြစ်စေသလို ကိုယ့်ဘက် ကလည်း လာဘ်ယူပြီးမှ အကူအညီ ပေးတာမျိုး မလုပ်ရဘူးလို့ တင်းတင်းကြပ်ကြပ် စည်းကမ်းထုတ်ထား တာကြောင့် ကိုယ်ကျိုးမဖက်တဲ့ လူမှုရေးပရဟိတ သီးသန့်လုပ်ပြနိုင်ခဲ့တဲ့ အတွက် အခုလိုအချိန်မှာ လူတွေရဲ့အား ကိုးယုံကြည်မှုကို ရရှိခဲ့တာပါ။

လူတိုင်းကို အကူအညီပေးတဲ့အခါမှာလည်း ကျောသားရင်သား မခွဲခြားဘဲ သာတူညီမျှ အခွင့်အရေးပေးတယ်။ ဒါကြောင့် အသင်းမှာ အကူအညီ လာတောင်းတဲ့သူတွေ လာဘ်ထိုးပြီးမှ ရတာမျိုး မဖြစ်စေသလို ကိုယ့်ဘက်ကလည်း လာဘ်ယူပြီးမှ အကူအညီ ပေးတာမျိုး မလုပ်ရဘူး . . .

မေး - ပရဟိတဆိုတဲ့ စကားလုံးအပေါ် ဘယ်လိုလက်ခံ ယုံကြည်ထားပါသလဲ။

ဖြေ - ဒုစရိုက် ရှစ်ပါးနဲ့ ကိုယ့်အတ္တကို မစွဲဘဲ အများအပေါ် အနစ်နာခံပြီး ဖြူစင်တဲ့ စိတ်ဓာတ်ထားနိုင်ဖို့ အတွက် ‘မကောင်းမှုရှောင်၊ ကောင်းမှုဆောင်၊ ဖြူအောင်စိတ်ကိုထား’ဆိုတဲ့ ဘုရားဟောကြားပြီးသားကို ထပ် ဖြည့်ပြီး ကိုယ့်အတ္တကို ရှေ့တန်းမတင်၊ သူများထက် ပိုအခွင့်အရေး မယူတတ်ဘဲ အများအကျိုး လိုလားကူညီ ဆောင်ရွက်တတ်တာမျိုးလို့ လက်ခံ ယုံကြည်ပါတယ်။

မေး - ၁၀ နှစ်တာအတွင်းမှာ ဘယ်လိုအခက်အခဲမျိုးတွေကို ကျော်ဖြတ်ခဲ့ ရပါသလဲ။

ဖြေ - ရှေးအယူအဆ အစွဲတွေကြောင့် သုဘရာဇာဆိုတာကို အဆင့်အတန်း အနိမ့်ဆုံးလို့ လူတွေက ခံယူထားကြ တယ်။ ဒါကြောင့်အသင်းကို စတည် ထောင်တုန်းက လူတော်တော်များများ က လက်ခံမှုမရှိခဲ့ဘူး။ ဒီလိုနာရေးကူညီမှု ပြုလုပ်ပေးတာကိုပဲ ရှက်စရာ၊ ကြောက်စရာတစ်ခုလို့ ခံယူမှုတွေ ရှိ ကြတယ်။ အန်တီ့ခင်ပွန်းက အဲဒီအချိန်တုန်းက နာမည်ကြီး သရုပ်ဆောင် တစ်ယောက်ဖြစ်ခဲ့တော့ သူလိုလူတောင် ဒီလိုအလုပ်ကို လုပ်နိုင်ပါလား ဆိုတဲ့အတွေးနဲ့ စံပြတစ်ဦးအဖြစ် လူတွေက လက်ခံလာပြီးတဲ့ နောက်ပိုင်း မှာ သုဘရာဇာဆိုတာ နိမ့်ကျပါလား ဆိုတဲ့အစွဲကို ၁၀ နှစ်တာကာလ အတွင်း လုံးဝပယ်ဖျက်နိုင်ခဲ့ပါတယ်။ ဒါကြောင့် အန်တီ့အမျိုးသားရဲ့ကျော်ကြားမှုကို အကြောင်းပြုပြီး ဒီအသင်းကိုလူတွေ လက်ခံယုံကြည်လာအောင် လုပ်နိုင်ခဲ့တယ်။ ပြီးတော့တစ်ယောက် နာမည်ကြီးလာရင် တခြားတစ်ယောက် က မုဒိတာမပွားနိုင်တဲ့ စိတ်တွေရှိခဲ့ကြ လို့ အသင်းထဲမှာတောင် ပြိုကွဲမှုတွေ ရှိခဲ့ပါတယ်။

မေး - မြန်မာ တစ်နိုင်ငံလုံးမှာ နာရေး ကူညီမှုအသင်း(ရန်ကုန်)ကိုယ်စားပြုပြီး လိုက်လံဖွင့်လှစ်ပေးထားတဲ့ နာရေးကူညီမှုအသင်း အခွဲပေါင်း ဘယ်လောက်ရှိနေပါပြီလဲ။

ဖြေ - ၂၀၀၇ ခုနှစ် စက်တင်ဘာလ မတိုင်ခင်အထိ လိုက်ဖွင့်ပေးထားတာ အသင်းခွဲပေါင်း ၅၀ ကျော်သွားပါပြီ။ အဲဒီနောက်ပိုင်းမှာ ဖွင့်ချင်တဲ့သူ ရှိပေမယ့် ရပ်ရွာက လက်မခံလို့ ဆက်ပြီး မဖွင့်ဖြစ်ခဲ့ပါဘူး။

ကောင်းတာလုပ်ရင် ကောင်းတာဖြစ်မယ် ဆိုတဲ့အကျိုးနဲ့ အကျင့်သီလ ကောင်းကောင်း၊ ဥာဏ်ပညာရှိရှိ၊ သတိရှိရှိနေတာ အရမ်းကို ကောင်းပါတယ်ဆိုတဲ့ အဆင့်ကို လူတွေ လုံးဝ လက်ခံလာအောင် အသင်းအနေနဲ့ လုပ်နိုင်ဖို့ စီစဉ်ထားပါတယ် . . .

မေး - လူတစ်ယောက်ဖြစ်လာပြီဆို ရင် နေဖို့အပြင် သေဖို့ကိုပါ ပူရတဲ့အတွက် နာရေးကူညီမှု အသင်းက ဖြစ်ပေါ်လာတဲ့ နာရေးကိစ္စတွေကို လိုက်လံကူညီပေးတဲ့အခါ အပူတစ်ခုက အနည်းနဲ့အများ လျော့သွားပြီဆိုတော့ အဲဒီအပေါ်ခံယူချက်ကို သိချင်ပါတယ်။

ဖြေ - လူတွေရဲ့ဒုက္ခတွေထဲမှာ သေဆုံးမှုဒုက္ခက အကြီးဆုံးပါ။ ဒါကြောင့် လူတစ်ယောက် သေဆုံးသွား ပြီဆိုတာနဲ့ အပူဆွေးဆုံးအချိန်မှာ ကျန်ရစ်ခဲ့တဲ့သူတွေကို နှစ်သိမ့်မှုလည်း ပေးနိုင်တယ်။ စိတ်သက်သာရာ လည်းပေးနိုင်တဲ့အတွက် အဲဒီအပေါ် အများကြီး ကျေနပ်မိပါတယ်။ ကျန်းမာခြင်းသည် လာဘ်တစ်ပါးဆိုတဲ့ စကားနဲ့အညီ အသက်ရှင်နေတဲ့သူ တွေကိုလည်း ကျန်းမာခြင်းဆိုတဲ့ လာဘ်တစ်ပါး မပျောက်သွားအောင် သုခကုသိုလ်ဖြစ်ဆေးခန်းကိုလည်း ၂၀၀၇ ခုနှစ် မတ်လ ၂ ရက်နေ့က စဖွင့်လှစ်ပြီး ကျန်းမာရေးစောင့် ရှောက်မှုကို ပြုလုပ်ပေးနေပါတယ်။

မေး - တခြားပြည်ပနိုင်ငံတွေမှာ ရှိကြတဲ့ မြန်မာလူမျိုးတွေကရော နာရေးကူညီမှုအသင်း(ရန်ကုန်)ကို ဆက် သွယ်ပြီး အကူအညီတောင်းခံတာမျိုး တွေ ရှိပါသလား။

ဖြေ - အကူအညီတောင်းခံတာမျိုးတော့ မရှိပေမယ့် ဒီအသင်းကို အားကျလို့မြန်မာလူမျိုး အချင်းချင်း အသင်းအဖွဲ့လေးတွေ ဖွဲ့ပြီး နာရေးကူညီမှု လုပ်ပေးမှုတွေ ရှိလာတယ်လို့ စင်ကာပူနဲ့ ထိုင်းနိုင်ငံ နယ်စပ်က အကြောင်းကြားတာမျိုးတော့ ရှိပါတယ်။

မေး - ၁၀နှစ်တာကာလအတွင်းမှာ နာရေးကူညီမှုတွေအပြင် တခြားဘယ်လိုပရဟိတ လူမှုရေးလုပ်ငန်းတွေ ထပ် မံလုပ်ဆောင်နိုင်ခဲ့တယ် ဆိုတာ သိချင်ပါတယ်။

ဖြေ - ၂၀၀၃ ခုနှစ် ဧပြီလ ၇ ရက် နေ့ကစပြီး မြောက်ဥက္ကလာပ၊ တောင် ဥက္ကလာပ၊ အင်းစိန်၊ ရန်ကုန်အရှေ့ ပိုင်း၊ အနောက်ပိုင်း စတဲ့ဆေးရုံကြီး တွေ၊ စံပြဆေးရုံ၊ ကလေးဆေးရုံ ကြီး၊ နား၊ နှာခေါင်း၊ လည်ချောင်း ဆေးရုံကြီးတွေမှာ ဆေးကူညီမှု လုပ်ငန်းတွေဆောင်ရွက်ပြီး ၂၀၀၇ ခုနှစ် မတ်လ ၂ ရက်နေ့ကစပြီး သုခ ကုသိုလ်ဖြစ်ဆေးခန်းကို ဖွင့်လှစ်ခဲ့ပါ တယ်။ သွေးသွင်းဆေးကုသဖို့ လိုအပ်နေတဲ့ လူနာတွေကို သွေးလှူရှင် တွေနဲ့ ဆက်သွယ်ပေးမှုတွေ ပြုလုပ်ပေးပါတယ်။ အဲဒီအပြင် နာဂစ်ပြီး တုန်းကလည်း ဒုက္ခရောက်တဲ့သူ တွေကို ကူညီပေးနိုင်ခဲ့ပြီး ရေအရမ်းရှားခဲ့တဲ့ ၂၀၁၀ ပြည့်နှစ်ကစပြီး ပဲခူး (က၀)မှာ အ၀ီစိတွင်း ၁၁ တွင်း၊ ဒလမှာ ၁၁ တွင်း၊ ပြည်မှာ ၁၂ တွင်း နဲ့ နတ်မောက်မှာ ခြောက်တွင်းတူး ပေးနိုင်ခဲ့တယ်။ ပြီးတော့ အသင်းမှာ လည်း လူငယ်တွေအတွက် အင်္ဂလိပ် စာသင်တန်း၊ ပန်းချီသင်တန်း၊ ဓာတ်ပုံသင်တန်းတွေ အခမဲ့ဖွင့်လှစ်သင် ကြားပေးပါတယ်။

မေး - နာရေးကူညီမှုအသင်းက အခုလို ပရဟိတလုပ်ငန်းတွေ အများအပြား လုပ်နေတယ်ဆိုတော့ အဲဒီအပေါ် တခြား အသင်းအဖွဲ့တွေကနေ ဘယ်လိုတုံ့ပြန်မှုမျိုးတွေ ရှိလာပါသလဲ။

ဖြေ - ဒီအသင်းရဲ့ လုပ်ဆောင်ချက်တွေကို အားကျတာ ဖြစ်နိုင်သလို ဘာသာရေးထဲမှာ ပါရှိတဲ့ အဆုံးအမ တွေကြောင့်လည်း အခုနောက်ပိုင်း လူငယ်၊ လူရွယ်တွေစုပေါင်းပြီး လူမှု ကူညီရေးလုပ်ငန်း လိုက်လုပ်လာကြ တယ်။ အရင်ရှိပြီးသား အသင်းအဖွဲ့ တွေကလည်း အရင်ထက်ပိုလုပ်လာ ကြတာကို တွေ့လာရတယ်။

မေး - အခု ၁၀ နှစ်တာကာလကို ကျော်ဖြတ်ခဲ့လို့ အပြီးမှာ ဒီအသင်းနဲ့ ပတ်သက်ပြီး ဘာတွေ ရှေ့ဆက်လုပ် ဆောင်ဖို့ ရည်ရွယ်ထားလဲဆိုတာ သိချင်ပါတယ်။

ဖြေ - ဗုဒ္ဓဘာသာမှာ ကောင်းတာလုပ်ရင် ကောင်းတာဖြစ်မယ်။ အရိယာဖြစ်ပြီးရင် နိဗ္ဗာန်ကောင်း ကောင်းရောက်မှာဖြစ်တဲ့အတွက် လူတွေကောင်းကောင်းနေကြပါ။ ကောင်းတာလုပ်ရင် ကောင်းတာ ဖြစ်မယ်ဆိုတဲ့အကျိုးနဲ့ အကျင့်သီလ ကောင်းကောင်း၊ ဥာဏ်ပညာရှိရှိ၊ သတိရှိရှိနေတာ အရမ်းကိုကောင်းပါတယ် ဆိုတဲ့အဆင့်ကို လူတွေ လုံးဝ လက်ခံလာအောင် အသင်းအနေနဲ့ လုပ်နိုင်ဖို့ စီစဉ်ထားပါတယ်။

မေး - အခုလက်ရှိ အသင်းသားဦးရေ နဲ့ ၀န်ထမ်းအင်အား ဘယ်လောက် ရှိပြီး အသင်းဝင်ဖို့ ကန့်သတ်ချက်လုပ် ထားတာမျိုးတွေ ရှိပါသလား။

ဖြေ - ၀န်ထမ်းဦးရေ ၈၀ ၀န်းကျင်နဲ့ အသင်းသား ၁၁၅ ဦးရှိပြီး အသက် ၃၀ ၀န်းကျင်ရှိလူငယ်တွေ များကြ တယ်။ အသင်းဝင်တစ်ယောက်အ ဖြစ် သတ်မှတ်ဖို့အတွက် အသင်းဝင် ချင်တဲ့သူတွေကို ပရဟိတလုပ်ငန်းနဲ့ ပတ်သက်တဲ့သင်တန်း ငါးပတ် ပေးပါတယ်။ ပြီးတော့ အသင်းမှာ တစ်ပတ် တစ်ရက်အချိန်ပေးပြီး ခြောက် လ တိတိ လုပ်အားပေးခိုင်းပါတယ်။ အဲဒီလို Volunteer ပေးချင်တဲ့သူ တွေကို တစ်လလူဦးရေ ၃၀ လောက် သင်တန်းပေးရပေမယ့် သတ်မှတ်ထားတဲ့ ခြောက်လပြည့်တဲ့အခါမှာတော့ တကယ့်တကယ် ကျန်တာ သုံး၊ လေးယောက်ပဲ ကျန်ပါတယ်။ ကျန်တဲ့သူတွေက ပရဟိတ အတွက် အချိန် သိပ်မပေးနိုင်တော့ အသင်းဝင် အဖြစ် သတ်မှတ်လို့ မရနိုင်ခဲ့ပါဘူး။

ကိုယ်ရေးအကျဉ်း
အမည် - ဒေါ်မြင့်မြင့်ခင်ဖေ
မွေးနေ့ - ၁-၁-၁၉၅၉
ပညာအရည်အချင်း - BSc(Physics)
အသင်းသို့ စတင်ဝင်ရောက်သည့်နေ့ - ၂၀၀၀ ပြည့်နှစ် မေလကတည်းက နာရေးကူညီမှုအသင်း ဖြစ်မြောက်ရေးကော်မတီသို့ စတင်ဝင်ရောက်ခဲ့

အခြားပြင်ပလုပ်ငန်း အတွေ့အကြုံ - မရှိ
copy from http://www.weeklyeleven.com/

Sunday, April 24, 2011

မြန်မာပြည်မှပေးစာ -ကဗျာအချို့

မြန်မာပြည်မှပေးစာ -ကဗျာအချို့

မြေ၊ ရေ၊ မီး၊ လေ။ ဓါတ်ကြီးလေးပါးက ဂျပန်နိုင်ငံကို ဗြောင်းဆန်သွားအောင် အကြီးအကျယ်ပျက်စီး စေခဲ့ပါတယ်။ကုန်းမြေပြင်တခုလုံး တဝုန်းဝုန်း တကျွိကျွိ မြည်သံတွေလွှမ်းနေခဲ့ပါတယ်။ ပြီးတော့ ကြောက်မက်ဘွယ် ရာ ကြီးမားတဲ့ ‘ဟိုခုဆိုင်’လှိုင်းကြီး ပင်လယ်မှတက်လာခဲ့ကာ ပျက်စီးနေပြီးဖြစ်တဲ့ ကမ်းရိုးတန်းကို အကြင်နာမဲ့စွာ ချေမှုန်းသွားခဲ့ပါတယ်။ နောက် ပြင်းပြတဲ့မီး တောက်လောင်ခဲ့ပါတယ်။ နောက်တော့ သေစေနိုင်တဲ့ဓါတ်ကြီးလေးပါးရဲ့ နောက်ဆုံးဖြစ်တဲ့လေဟာ လူသတ် ကုန်ပစ္စည်းဖြစ်တဲ့ အနုမြူဓါတ် ရောင်ခြည်နဲ့ ထိုးစစ်ဆင် ဝင်ရောက်လာခဲ့ပါတယ်။မတ်လ ၁၁ ရက်နေ့က ဂျပန်နိုင်ငံကို ပျက်စီးစေခဲ့တဲ့ ငလျင်-ဆူနာမီ အကြောင်း မြောက်မြားစွာရေးခဲ့ကြပါတယ်။ အားလုံးဟာ ထိတ်လန့်ကြောက်မက်ဘွယ်ရာနဲ့ ပျက်စီးမှုများနဲ့ ပတ်သက်ပြီး စကားပရိယာယ် သံတူကြောင်းကွဲများနဲ့ အကောင်းဆုံးရေးခဲ့ကြတာချည်းပါ။ ဒါပေမင့် ပင်ပန်းနွမ်းနယ်လှပါတယ်။

သက်သေသာဓကများစွာဖြစ်ခဲ့တဲ့ နောက်ထပ် အကောင်းဆုံးများအကြောင်းအရာ တစုံရှိနေပါတယ်။ ဂျပန်လူမျိုးများဟာ ကပ်ဘေးကိုရင်ဆိုင်ရမဲ့ပုံစံအလေ့အကျင့် ရှိနေပုံထင်စေနိုင်တဲ့ အရည်အချင်းများနဲ့ ပတ်သက်လို့ပါ။ စည်းကမ်းရှိမှု၊ တာဝန်သိမှု၊ အလိုက်သင့် တွန်းလှန်လွတ်မြောက်နိုင်စွမ်းရှိမှု၊ လောကဓံကို ကြံ့ကြံ့ခံနိုင်မှု၊ စွဲစွဲမြဲမြဲအားထုတ်မှုများဖြစ်ကြပါတယ်။ပျက်စီးဆုံးရှုံးသွားတဲ့နိုင်ငံရဲ့ပြည်သူများအနေဖြင့် အစိတ်စိတ်အမွှာမွှာဖြစ်သွားတဲ့အိုးအိမ်များနဲ့မြို့များ အတွက် ပြန်လည်တည်ဆောက်တဲ့လုပ်ငန်းများကို ကမ္ဘာက အကြင်နာများ အံ့သြမှုများနဲ့ စောင့်ကြည့် နေလျက်ပါ။ အရှိအတိုင်းကျစ်လစ်စွာဆိုရလျှင် ဒါဟာ ဂျပန့်နည်းဂျပန့်ဟန်ပါ။နောက်ဆုံးမတော့ လူ့စိတ်ဓါတ်ရဲ့မူလတန်ခိုးအကြီးဆုံးအခြေခံလိုအပ်ချက်ပါ။
သေးငယ်တဲ့ခြေအစုံပေါ်မှာ ယိုင်နဲ့စွာ ခေါင်းခေါင်းမာမာဖြင့် မတ်မတ်ရပ်နေတဲ့လူကို လွှင်ပစ်မဲ့ ဓါတ် ကြီးလေးပါးမှတခု သို့မဟုတ် အားလုံးးရဲ့အဖျက်အဆီးတွေကို ဒီတန်ခိုးက ကျော်လွှားအောင်မြင်စေပါ တယ်။
ချိုမြိန်ခြင်းဟာ အခက်အခဲဒုက္ခရဲ့ အသုံးခံပါ။ အရုပ်ဆိုးပြီး အဆိပ်ပြင်းတဲ့ဖားပြုတ်လိုပါ။ ဒါပေမင့် ခေါင်းမှာ အဘိုးတန်ရတနာကိုဆောင်းလျက်ပါ။
သေချာပါတယ်၊ ဖါးပြုတ်ခေါင်းပေါ်က ရတနာဟာ လူသားစိတ်ဓါတ်ပါ။ ရတနာရဲ့ မြောက်မြားလှတဲ့ မျက်နှာကွက်များမှာ ပြတ်သားထက်မြက်မှုများရှိကာ လောကဓံကိုကြံ့ကြံ့ခံရင်ဆိုင်လိုစိတ်များဖြင့် အရောင်ထွက်လျက်ပါ။
မြေနဲ့ပင်လယ်ရဲ့ဒေါသမာန် ပဲ့တင်သံက ဂျပန်ကို အမှိုက်လှဲရှင်းလင်းလိုက်ပြီး နောက်တပတ်အကြာ မှာ မြန်မာနိုင်ငံမှာ ဆူနာမီရဲ့ ကြေကွဲဘွယ်နေ့ အသံထွက်ပေါ်လာခဲ့ပါတယ်။
ရှမ်းကုန်ပြင်မြင့်ရဲ့ အရှေ့ဘက်မှာ ငလျင်တခုလှုပ်ခဲ့လို့ လူရာချီသေဆုံးခဲ့ပါတယ်။ အဆောက်အဦးများ ပြိုကျခဲ့ပါတယ်။ ပြည်ထောင်စုအဝေးပြေးလမ်းမကြီးဟာ အလယ်ခေါင်မှာ ခရင်းခွပုံအက်ကြောင်းကြီးနဲ့ နက်ရှိုင်းစွာကွဲသွားခဲ့ပါတယ်။
ဒီအချိန်အတောအတွင်းမှာ ဧရာဝတီမြစ်ဝကျွန်းပေါ် တောင်ဘက်ပင်လယ်တွေမှာ လေပြင်းများကျ လာခဲ့ပါတယ်။ ကမ်းလွန်ပင်လယ်ပြင်မှာချထားတဲ့ ငါးဖမ်းပိုက်များကိုစောင့်ကြည့်နေကြသူများကို တင်ဆောင်ထားတဲ့ ထိခိုက်လွယ်ဝါးဖောင်များကို တိုက်စားသယ်ဆောင်သွားခဲ့ပါတယ်။ လူအများဟာ
ရက်အနည်းငယ်အတွင်းမှာ ကမ်းခြေကိုပြန်လည်ရောက်လာနိုင်စွမ်းရှိခဲ့ပါတယ်။ ဒါပေမင့် ယခုစာရေး
နေချိန်အထိတော့ တထောင်လောက်က ပျောက်ဆုံးနေဆဲလို့ဆိုပါတယ်။
၂၀၀၈ နာဂစ်ဆိုင်ကလုံးအတွေ့အကြုံပြီးနောက် မြန်မာပြည်သူများဟာ ကမ္ဘာ့နေရာအားလုံးမှာ အကြိမ်များစွာဖြစ်ပေါ်နေပုံရတဲ့ သဘာဝကပ်ဘေးများကို အလွန်တုန့်ပြန်နိုင်မဲ့ အသိများတိုးတက်နေ ကြပါပြီ။
ကြင်နာထောက်ထားတဲ့စေ့ဆော်မှုဟာ ပုဂ္ဂိုလ်ရေးအတွေ့အကြုံအရပေါက်ဖွားလာတဲ့ စာနာမျှဝေခံစား ခြင်းအဖြစ် ရင့်ကျက်လာပါတယ်။

ဂျပန်လူမျိုးတွေ ဆူနာမီဖြစ်ပြီးနောက်ပိုင်း သူတို့ဘဝများ ပြန်လည်တည်ဆောက်ဘို့ကြိုးပမ်းနေတာကို ကြားသိရပါတယ်။ ဒါကို မြန်မာနိုင်ငံမှာရှိတဲ့ ကျွန်ုပ်တို့အတွက်ကတော့ ကျွန်ုပ်တို့ရဲ့ အရှေ့ဘက် တောင်တန်းများနဲ့ တောင်ဘက် မြစ်ဝကျွန်းပေါ်ဒေသများမှာ သေးငယ်ပေမင့် ဘဝပြောင်းစေအောင် ကျရောက်လာတဲ့သဘာဝဘေးဆိုးများနောက်ပိုင်း ပုံမှန်အခြေအနေပြန်ရောက်အောင် ပြည်သူများကို ကူညီဘို့ ကျွန်ုပ်တို့ကိုယ်တိုင်ကြိုးပမ်းမှုများရဲ့ ပုံကြီးချဲ့မြင်ကွင်းအဖြစ်မြင်ယောင်မိပါတယ်။

ဒါဟာ လူသားစိတ်ဓါတ်က စိတ်များနဲ့ နှလုံးသားများကို ပထဝီအားဖြင့် ယဉ်ကျေးမှုအားဖြင့် ပေါင်းကူး
တံတားထိုးပေးလိုက်တာပါ။
ဂျပန်နိုင်ငံမှာ ကပ်ဘေးဆိုးကြီး ထိုးနှက်နေတာကိုကြားကြားခြင်း သူတို့ရဲ့ခံစားမှုနဲ့နီးနီးကပ်ကပ်ခံစား
နေရတာ၊ ဒီလိုဒုက္ခရောက်ချိန်မှာ အကူအညီအချို့ပေးလိုတဲ့ဆန္ဒရှိနေတာ ဂျပန်ပြည်သူတွေသိအောင် ဘာများလုပ်ပေးနိုင်မလဲလို့ ကျွန်ုပ်တို့ အံ့သြခဲ့ရပါတယ်။
ဝမ်းနည်းစွာပဲ ဘယ်လိုပစ္စည်းအကူအညီမျိုးကိုမျှ ပေးနိုင်တဲ့အနေအထားမှာကျွန်ုပ်တို့ ရှိမနေပါ။
နောက် - ကျွန်ုပ်တို့ အမှတ်ရလိုက်ပါတယ်။
မချိမဆံ့ခံစားရဆုံး စိန်ခေါ်မှုများကို ရင်ဆိုင်ဘို့ရာ ခွန်အားဖြစ်စေမဲ့ ကြံ့ကြံ့ခိုင်မာကျောတဲ့ အရည်အ
ချင်းများ ထပ်လောင်းပေးဘို့ပါ။ ဂျပန်လူမျိုးဟာ အလှနဲ့ကဗျာကို နှစ်သက်မြတ်နိုးပါတယ်။ ဒါဟာ သူတို့ခွန်အားရဲ့ သိမ်မွေ့နုညံ့တဲ့အပိုင်းဖြစ်ပါတယ်။
ဒါကြောင့် ကဗျာများကို ပေါင်းချုပ်စာအုပ်ငယ်ကလေးမှာ စုပေါင်းထည့်ဘို့ ဆုံးဖြတ်ခဲ့ကြပါတယ်။
ကံကြမ္မာ အမှောင်ချိန်တွင်းရောက်နေတဲ့ ဂျပန်လူမျိုးများအပေါ် ထားရှိတဲ့ခံစားချက်များ တနည်းနည်း
နဲ့ ဖော်ပြရာ ရောက်ပါလိမ့်မယ်။
ကဗျာပေါင်းချုပ်စာအုပ်ငယ်ရဲ့ ကျွန်ုပ်တို့စာမျက်နှာများမှာ ပါဝင်ရေးသားသူများအနက် လူသားစိတ် ဓါတ်ရဲ့ အခြေခံတရားကို ပေါ်လွင်ရန် ရုန်းကန်ကြိုးပမ်းနေကြတဲ့ စာရေးဆရာများနဲ့ ကဗျာဆရာများ ပါဝင်ပါတယ်။

အမျိုးသားဒီမိုကရေစီအဖွဲ့ချုပ် အလုပ်အမှုဆောင်ကော်မီတီဝင် ဟံသာဝတီဦးဝင်းတင်လဲ ပါဝင်ပါ တယ်။ သူဟာ နှစ်ပေါင်း ၂၀ အကျဉ်းချခံခဲ့ရတဲ့ နိုင်ငံရေးအကျဉ်းသမားတဦးဖြစ်ခဲ့ပါတယ်။ အသက် ၇၉ ခုနှစ်မွေးနေ့ချိန်နီးမှ ၂၀၀၈ ခုနှစ်ကလွတ်လာခဲ့ပါတယ်။

ထောင်တွင်းရှိစဉ် သူ့ကိုပိတ်ပင်ထားသူများနဲ့ သူလိုပဲလွတ်လပ်ခြင်းကိုလိုလားသူများအတွက် စိန်ခေါ်
မှုကြွေးကြော်သံများကို ရေးစပ်ခဲ့ပါတယ်။
“လူကပဲ ချေမလား၊ ထောင်ကပဲချေမလား”
ဂျပန်လူမျိုးများအတွက် သူ့ကဗျာဟာ တူညီတဲ့အားမာန်ဖြစ်စေမှာလို့ ဟောကိန်းထုတ်နိုင်ပါတယ်။
“ဆူနာမီနဂါး၊ ဟီရိုရှီမဗုံးဝင်စားခြင်း”ကဗျာများကိုရေးပါတယ်။ “အာဏာငရဲ”နဲ့ “လှိုင်းများရဲ့ငရဲ”ကိုလဲ နှိုင်းယှဉ်ပြထားပါတယ်။
ကျွန်ုပ်တို့ရဲ့ ကဗျာဆရာ ၃ ယောက်ကလဲ သူတို့ရဲ့ နိုင်ငံရေးယုံကြည်မှုနဲ့လှုပ်ရှားများကြောင့် ထောင်
ဒဏ်များကျခံခဲ့ရပါတယ်။
ဆူနာမီရဲ့စိန်ခေါ်မှုများကို သဘာဝသို့မဟုတ်လူသတ္တဝါရဲ့ ရက်စက်ကြမ်းကြုတ်မှုနဲ့ စေတနာသဒ္ဓါ တရားတို့ရဲ့တိုက်ပွဲ၊ ဒူက္ခဝေဒနာနဲ့ လူသားစိတ်ဓါတ်တို့ ပြိုင်ပွဲအသွင် အားလုံးက ရှုမြင် သုံးသပ်ထား ပါတယ်။

သူတို့ကြုံလာခဲ့ရတဲ့ကြမ်းတမ်းမှုများကြောင့် အားလုံးဟာ စိတ်ဓါတ်ရဲ့အောင်မြင်မှုဘက်မှာ ခိုင်မာစွာ
ရပ်တည်လာခဲ့ကြပါတယ်။
“အရုဏ်ကျင်းဖို့ ပိုမှောင်လာတဲ့ အမှောင်မျိုးပေါ့ ….. အမှန်တရားဟာ အဲဒီအမှောင်ကိုဆွဲတက်လာ
တယ်….. ကမ္ဘာကြီးရေ…..သင်လဲ အဲဒီအမှောင်ကို ရဲရဲသာ ဆွဲတက်ခဲ့တော့ …..။” လို့ ဆရာငြိမ်းသစ် က ရေးထားပါတယ်။
ဆရာ မုံရွာအောင်ရှင်က ဆူနာမီရဲ့သောကြာနေ့ “အမည်းကြီး”ကို ကမ္ဘာ့အကြင်နာ “အဖြူ”နဲ့နှိုင်းပြ
ထားပြီး ဂျပန်လူမျိုးများရဲ့ သိမ်မွေ့တဲ့စိတ်ဓါတ်ကို ချီးကျူးထားပါတယ်။
“အကြင်နာကင်းတဲ့လှိုင်းကသယ်ဆောင်လာတဲ့ဆိုးကျိုးဟာ လူ့စွမ်းအားကို မကျော်လွှားနိုင်ပါဘူး”လို့
ရိုးရိုးလေးပဲ ဆူနာမီအတွက် သူ့ကဗျာကို ဆရာဖျာပုံ နီလုံးဦးက အဆုံးသတ်ထားပါတယ်။
ကျွန်ုပ်တို့ရဲ့ကဗျာဆရာများအပေါ် ဂျပန်လူမျိုးများက ရှင်းရှင်းလေးရှုမြင်လိမ့်မယ်လို့ ယုံကြည်ပါ
တယ်။

အောင်ဆန်းစုကြည်မှတ်ချက် - ဒီစာဟာ တိရစ္ဆာန်အကြောင်းစကားလက်ဆုံ(၂)ဖြစ်ရမှာဖြစ်ပေမင့် ဆူနာမီဂယက်အချိန်မှာ တိရစ္ဆာန်များအကြောင်း ပြန်ပြောင်းပြောဘို့မသင့်သေးဘူးလို့ ထင်မြင်မိပါတယ်။
(မိုင်အိနိချိသတင်းစာ ဂျပန်၊ ဧပြီ ၂၃)
( ဂျပန်နိုင်ငံထုတ် မိုင်အိနိချိသတင်းစာပါ ဒေါ်အောင်ဆန်းစုကြည်ရဲ့ A FEW POEMS ကို ပြန်ဆိုပါတယ်။)
မောင်မောင်လှကြိုင် ၂၀၁၁-ဧပြီ ၂၅
ဆောင်းပါးပေးပို့လာသောဆရာမောင်မောင်လှကြိုင်အားကျေးဇူးတင်ရှိပါသည်။

Saturday, April 23, 2011

ပျောက်ဆုံးသွားသောနှလုံးသား

ပျောက်ဆုံးသွားသောနှလုံးသား

အမေ့အိမ်နဲ့
ကွာဝေး
ပူဆွေးခဲ့ရတဲ့
(၂၃)နှစ်ဆယ့်သုံးနွေ
တန်ကူး
အတာကျူးခဲ့ပြန်ပြီ။

ဒီအချိန်
အမေ
ဘာလုပ်နေမလဲ
မျက်ရည်စတွေနဲ့
ဖုံသုတ်
ငါ့ဓာတ်ပုံကိုဖြုတ်ကြည့်နေမလား။

ဂျေးများတဲ့သားအကြောင်း
တွေးမိ
ထမင်းပွဲကိုငေးကြည့်နေမလား
ပိုင်ရှင်မဲ့စာအုပ်ရှင်
တုန်ရင်
ပြင်ထပ်နေမလား။

ဘုရားကို
နားပူ
စစ်ကူတောင်းနေမလား
အဖေမသိအောင်
ကျိတ်ခိုး
မျက်ရည်မိုးတွေရွာနေမလား။

ပြုံးစစကောင်မလေးရဲ့ပုံ
ကြည့်ငေး
ငါ့သားဘယ်မှာလည်းလို့မေးနေမလား
စစ်ခွေးတွေကို
နာကျည်း
စိတ်ဖိစီးပြီးလဲနေမလား။

စစ်အစိုးရ
ပြုတ်ကျ
ဒီမိုကရေစီရမှ
သားချစ်နဲ့
မနှေး
ဆုံတွေ့နိုင်မယ့်အရေးမို့
တရားပဲအားပြု
အမေရှုမှတ်လို့နေမလား။

မိုးကျော်
ကိုယ်တော်တာရာသို့အမှတ်တရ

Thursday, April 21, 2011

ရွေးကောက်ပွဲအလွန် အမျိုးသားပြန်လည်သင့်မြတ်ရေးနှင့် ဒေါ်စုလမ်းစဉ်

ရွေးကောက်ပွဲအလွန် အမျိုးသားပြန်လည်သင့်မြတ်ရေးနှင့် ဒေါ်စုလမ်းစဉ်
မြန်မာပြည်တွင် ဗိုလ်ချုပ်အောင်ဆန်းကျဆုံးသွားပြီနောက် ပြည်သူလူထုတရပ်လုံးကို တစုတစည်းတည်းစည်း ရုံးသိမ်းသွင်းနိုင်မည့် ခိုင်မာသောခေါင်းဆောင် ပေါ်ထွန်းလာခြင်းမရှိခဲ့သောကြောင့် မြန်မာနိုင်ငံသားတိုင်းရင်း သားသားပြည်သူလူထုတရပ်လုံးဟာ ၁၉၆၂ မှာခုနှစ်မှာပထမစစ်ကျွန်ဘဝကိုရောက်ခဲ့ရကာ ဗြိတိသျှလက် အောက်မှရရှိထားသော လွတ်လပ်ရေးလည်းဆုံးရှုံးခဲ့ရသည် ။ ဗိုလ်ချုပ်ကျဆုံးခြင်းနှင့်အတူ တိုင်းရင်းသား ခေါင်းဆောင်များနှင့်သဘောတူစာချုပ်ချုပ်ဆိုခဲ့ကြသည့် ပင်လုံစာချုပ်သည်လည်း ဗိုလ်နေဝင်း၏ အာဏာရှင် စနစ်လက်အောက်တွင် စက္ကူစုတ်သဖွယ် ကြေမွပျက်ဆီးခဲ့ရသည် ။

( ၈၈၈၈ ) အရေးတော်ပုံကာလအတွင်း တိုင်းပြည်ကိုစစ်ကျွန်ဘဝမှ လွတ်မြောက်ရန်ကယ်တင်ပေးနိုင်မည့် ဒုတိယလွတ်ရေးတိုက်ပွဲကို ဖေါ်ဆောင်မည့်ခေါင်းဆောင်များ မွေးဖွားလာခဲ့သည် ။ ထိုအထဲတွင် ဒေါ်အောင် ဆန်းစုကြည်သည် ဖခင်ဗိုလ်ချုပ်အောင်ဆန်း၏ နိုင်ငံရေးအမွေအနှစ်ကို ဆက်ခံသူအဖြစ်၎င်း ဒုတိယပင်လုံစာ ချုပ်ကို၎င်း အမျိုးသားပြန်လည်သင့်မြတ်ရေး တိုင်းရင်းသားစည်းလုံးညီညွတ်ရေးနှင့် ဖက်ဒရယ်ပြည်ထောင်စု ကို၎င်း အကောင်ထည်ဖေါ်ဆောင်ရွက်နိုင်မည့်သူတဦးအဖြစ် ပေါ်ထွန်းလာခဲ့သည် ။
တနည်းအားဖြင့် အောင်ဆန်းလမ်းစဉ်ကို ဖေါ်ဆောင်ပေးနိုင်မည့်သူမှာ တခြားသူမဟုတ်ပါ ။ သူ၏ချစ်လှစွာ သောသမီးငယ် ဒေါ်အောင်ဆန်းစုကြည်ပင်ဖြစ်သည် ။ ဒေါ်စု၏လမ်းစဉ်သည်ကါး လောကပါလတရားကို အခြေခံထားသော အမှန်တရားအတွက် အကြမ်းမဖက် လွတ်လပ်မှု့ တရားမျှတမှု့ ငြိမ်းချမ်းသောသွေးမဲ့ တော်လှန်ရေးနှင့် တိုင်းပြည်ပြုပြင်ပြောင်းလဲရေးကိုဆောင်ကျဉ်းမည့်သူပင်ဖြစ်သည် ။ ဒေါ်စုသည်ပြည်သူလူထု ၏ အကျိုးကိုရှေ့ရှုရာတွင် သူမ၏မိသားစုဘဝကိုစွန့်လွတ်အနစ်နာခံကာ သူမကိုစစ်အုပ်စုမှအနှစ် ( ၂၁ ) နှစ် တာကာလအတွင်း ( ၁၅ ) နှစ်ကျော် ကြာနေအိမ်အကျယ်ချုပ်ဖြင့် ချုပ်နှောင်ခံခဲ့ရသည် ကို အာဂါတမထား နအဖစစ်အုပ်စုနှင့် တိုင်းပြည်၏ပြသနာများကို နိုင်ငံရေးနည်းဖြင့် ဖြေရှင်းရန် တွေ့ဆုံဆွေးနွေးရန် သူမလွတ် မြောက်လာခါစမှာပင် တောင်းဆိုခဲ့သည် ။ သူမနေအိမ်အကျယ်ချုပ်ဖြင့် အကျဉ်းမကျစဉ်ကလည်း တိုင်းပြည် ငြိမ်းချမ်းရေး ဒီမိုကရေစီအရေးအတွက် နအဖစစ်အုပ်စုအား သင်ပုန်းချေရေးမူဖြင့် အမျိုးသားပြန်လည်ရင်ကြား စေ့ရေးလုပ်ငန်းစဉ်ကို တင်ပြခဲ့သည် ။
သို့ပါသော်လည်း ဗိုလ်သန်းရွှေ၏ ခေါင်းမာမှု့ တကိုယ်ကောင်းဆန်မှု့အတ္တကြီးမားမှု့တို့ကြောင့်တိုင်းပြည်၏ ပြသနာများကိုတွေ့ဆုံဆွေးနွေးအဖြေရန် အလှမ်းကွာဝေးနေခြင်းတို့ကြောင် တိုင်းပြည်ငြိမ်းချမ်းရေးမှာ ရွှေပြည်တော်မျှော်လေတိုင်းဝေးနေရသည် ။

မြန်မာပြည်တည်ငြိမ်ရေးနှင့်ဖွံဖြိုးတိုးတက်ရေးကင်းမဲ့ခဲ့ရသည်မှာ ခေါင်းဆောင်များမညီညွတ်ကြခြင်းသည် အဓိကပြဿနာပင်ဖြစ်သည် ။ ခေါင်းဆောင်များမင်းများ မညီညွတ်ခဲ့ကြ၍ ထီးကျိူးပြီး စည်တော်ပေါက်ခဲ့ရသည် ရှေးဗမာမင်းများ လက်ထက်မှ ဆရာမွေးတပည့်မွေး ပုဂ္ဂိုလ်စွဲ ဆန္ဒစွဲ ဂိုဏ်းကဏ္ဍစွဲများကြောင့် မင်းတုန်းမင်းလက်ထက်၌် လွတ်တော် တွင်တိုင်းတားအုပ်စုနှင့်ကင်းဝန်အုပ်စုဟူ၍ အမတ်မင်းများနှစ်ခြမ်းကွဲခဲ့ခြင်၏ အကျုိုးဆက်ကြောင့် ကမ္ဘာ့ပထမဦး ဆုံးရေမြှုပ်ဗုံးတီထွင်သူ ကနောင်မင်းသားကြီး လုပ်ကြံခံခဲ့ရပြီး လှေပြေးတုန်း တက်ကြိုးခဲ့ရသည် ။ သီပေါမင်း နန်းတက်ချိန်တွင်လည်း သူ့အာဏာတည်မြဲရေးအတွက် သူ့နှင့်ပြိုင်ဖက် မင်းညီမင်းသားအပါး (၄ဝ )ခန့်ကို သုတ်သင်ရှင်းလင်းခဲ့သည့်အတွက် နယ်ချဲ့ဗြိတိသျှတို့မှအထက်မြန်မာ နိုင်ငံတွင်သွေးချောင်းစီးနေပြီ အထက် မြန်မာနိုင်ငံ၏နိုင်ငံခြားဆက်ဆံရေးကို မိမိတို့မှတာဝန်ယူဆောင်ရွက် ရတော့မည်ဟူသော အကြောင်းပြချက်ဖြင့် ဗမာပြည်ကို သိမ်းပိုက်ခဲ့သည်မှာလည်း သူ့ကျွန်ဘဝသို့ကျရောက်ခဲ့ ရခြင်း၏ အကြောင်းတရားပင်ဖြစ်သည်။

တိုင်းပြည်လွတ်လပ်ရေးရပြီးနောက် ပုဂ္ဂိုလ်စွဲ ဂိုဏ်းကဏ္ဍစွဲများကြောင့် တိုင်းပြည်စည်းလုံး ညီညွတ်ရေးပြိုကွဲ ခဲ့ရပြီးပြည်တွင်းစစ်မီးတောက်လောင်ခဲ့ရသည်မှာ ခေါင်းဆောင်များ၏ အတ္တစွဲ ဂိုဏ်းကဏ္ဍစွဲများကြောင့် ပင်ဖြစ်သည် ။ ဖဆပလအစိုးရလက်ထက်တွင်လည်း သန့်ရှင်းနှင့်တည်မြဲဟူ၍ ဖဆပလပါတီနှစ်ခြမ်းကွဲခဲ့ရပြီး အုပ်စုစွဲ ဂိုဏ်းကဏ္ဍစွဲ နိုင်ငံရေးသမားများကြောင့် ဖဆပလအစိုးရ၏ညီညွတ်မှု့မရှိခြင်းသည် ဗိုလ်နေဝင်းစစ်တပ် မှအာဏာသိမ်းယူရန် အကြောင်းပြချက်တခုပင်ဖြစ်သည် ။ မြန်မာပြည်ကွန်မြူနစ်ပါတီနှစ်ခြမ်းကွဲရခြင်း ဗိုလ်ချုပ်အောင်ဆန်းနှင့် သခင်သန်းထွန်းလုပ်ကြံသတ်ဖြတ် ခံရခြင်းတို့မှာ အာဏာလွန်စွဲပွဲနှင့် ပါတီစွဲ ဂိုဏ်းကဏ္ဍစွဲများကြော့င်ပင်ဖြစ် သည် ။ မြန်မာ့နိုင်ငံရေးတွင် အုပ်စုစွဲအကွဲအပြဲနှင့်ခေါင်းဆောင်များ၏ ဆရာမွေးတပည့်မွေး အတ္တစွဲ ဂိုဏ်းကဏ္ဍစွဲများ ဆန္ဒစွဲများ ကြောင့် ညီညွတ်ရေးကင်းမဲ့ခဲ့ရပြီး တိုင်းပြည်ငြိမ်းချမ်းရေးမှာ အလှမ်းဝေးနေသည် ။

ဗကသ (ဗမာနိုင်ငံလုံးဆိုင်ရာကျောင်းသားများသမဂ္ဂ )နှစ်ခြမ်းကွဲခဲ့ရခြင်း ၊ ကျောင်းသားတပ်မတော်နှစ်ခြမ်း ကွဲခဲ့ရခြင်းနှင့် ကရင်အမျိုးသားအစည်းအရုံးနှစ်ခြမ်းကွဲရခြင်းတို့မှာ ထိုအကျိုးဆက်များကြောင့်ပင်ဖြစ်သည် ။ NLD အမျိုးသားဒီမိုကရေစီအဖွဲ့ချုပ်နှစ်ခြမ်းမကွဲခဲ့ရခြင်းမှာလည်း ဒေါ်အောင်ဆန်းစုကြည်၏ခိုင်မာသောဦး ဆောင်မှု့ အမျှော်အမျင်ကြီးမားမှု့တို့ကြောင့်ပင်ဖြစ်သည် ။ NLD ၏ (၂၁ဝဝ )ရွေးကောက်ပွဲမဝင်ရေး ပါတီ မှတ်ပုံမတင် ရေးကိုဆန့်ကျင်သော NLDမှအခွင့်အရေးသမားအချောင်သမားအချို့သာ NLD မှခွဲထွက်ပြီးပါတီထောင်ကာ နအဖ၏အတုအယောင်ရွေးကောက်ပွဲကိုဝင်ခဲ့သည် ။
နအဖစစ်အုပ်စုတွင်လည်း အုပ်စုအကွဲအပြဲ အုပ်စုစွဲ ဂိုဏ်းကဏ္ဍစွဲ အတ္တစွဲများနှင့် ဆရာမွေးတပည့်မွေးကိစ္စများ ကြောင့် ဗိုလ်နေဝင်းလက်ထက်မှ ဗိုလ်သန်းရွှေလက်ထက်ထိ ဖြုတ်ထုတ်သတ် အာဏာလုပွဲများဖြစ်နေသည်မှာ ယနေ့ထက်တိုင်ပင်ဖြစ်သည် ။ သို့ ဖြစ်သော်ငြားလည်း နအဖသည်အာဏာဖြင့် စစ်တပ်တခုလုံး၏ညီညွတ်ရေး ကိုချိန်ခွင်လျှာလို ပုံမှန်ထိန်း ညှို ထားနိုင်သည် ။ ယနေ့အတိုက်အခံများညီညွတ်ရေးကင်းမဲ့နေသည့်အတွက် ကြောင့်စစ်အာဏာရှင်စနစ်သက်ဇိုး ရှေနေရခြင်းမှာ လည်းအကြောင်းတချက်ပင်ဖြစ်သည် ။
မြန်မာနိုင်ငံသားတိုင်းရင်းသားပြည်သူလူထုတရပ်လုံးနှင့် အတိုက်အခံခေါင်းဆောင်များ၏စည်းလုံးညီညွတ်ရေးကိုဖေါ်ဆောင်ပေးနိုင်မည့်သူမှာ တခြားသူမဟုတ် ဒေါ်အောင်ဆန်းစုကြည်သာလျင်ဖြစ်သည် ။ဒေါ်အောင်ဆန်း စုကြည်၏နောက်တွင် ပြည်သူတရပ်လုံးမားမားမတ်မတ်ရပ်တည်နေသည်။ကမ္ဘာ့ကုလသမဂ္ဂနှင့် နိုင်ငံတကာ မိသားစုအသိုင်းအဝိုင်းလည်းရှိနေသည် ။ထိုအတူဒေါ်အောင်ဆန်းစုကြည်ကလည်း ပြည်သူရှေ့မှမားမားမတ် မတ်မတ်ရပ်တည်ကာပြည်သူထုလိုလားတောင်တနေသောဒီမိုကရေစီအရေးကို တစိုက်မတ်မတ်လုပ်ဆောင် နေပြီး (၁၉၉ဝ) ပြည့်ရွေးကောက်ပွဲရလာဒ်ကို အကောင်အထည်ဖေါ်ရန် ပျက်ကွက်နေသောနအဖစစ်ခေါင်းဆောင်များကိုဒူးမထောက်အညံမခံပဲ စဉ်ဆက်မပြတ်တိုက်ပွဲဝင်နေသည့်အတွက်ကြောင့် နအဖအစိုးရမှ အနှစ်(၂၁ )ကျော်ကာလအတွင်း ( ၁၅ )နှစ်ကျော်ကြာနေအိမ်အကျယ်ချုပ်ဖြင့် ဥပဒေမဲ့ အကျဉ်းကျခြင်းကို ခံခဲ့ရသူ တဦးပင်ဖြစ်သည် ။

လောကတွင်သက်ရှိသက်မဲ့အရာခပ်သိမ်းတို့သည် င်္သခါရတရားသဘောကိုလွန်ဆန်၍ မရနိုင်ပါ ။ ဟစ်တလာ စတာလင် နှင့် ဗိုလ်သန်းရွှေ ဟူသော အာဏာရှင်များသည်မည်မျှပင် အင်အားကြီးမားစေကါမူ အနာဂါတ်တွင် ဖက်ဒရယ် ပြည်ထောင်စုစနစ်ကို တည်ထောင်ရန် သံဓိဋ္ဌန် ပြင်းစွာချထားသော မြန်မာနိုင်ငံသား တိုင်းရင်းသား ပြည်သူတို၏ စိတ်ဆန္ဒအောက်တွင် မှေးမှိန်ပျောက်ကွယ်သွားမည် ဖြစ်သည် ။ အနာဂါတ်တွင်ဒေါ်စု၏ မေတ္တာတရားကြီးမားသော အဂါတတရားကင်းမဲ့သော အမျုိုသားပြန်လည်သင့်မြတ်ရေး သွေးမဲ့တော်လှန်ရေး ဒိုင်ယာလော့က အင်အားကြီးမားသော သဘောထားတင်းမာသော စစ်ခေါင်းဆောင်များ ကို ငြိမ်းချမ်းရေးစားပွဲဝိုင်း သို့ခေါ်ဆောင်သွားပြီ မြန်မာပြည်ကို ငြိမ်းချမ်းသာယာဝပြောသော ဒီမိုကရေစီခေတ်သစ် သို့ဆောင်ကျဉ်း သွားမည်ဖြစ်ပါသည် ။

မြင့်မိုရ် ( နယ်သာလန် )
( ၂၄ - ဝ၁ - ၂ဝ၁၁ ) ညနေ ၁၆း ၃ဝ နာရီ

Wednesday, April 20, 2011

ကျန်ရှိသည့် နိုင်ငံပိုင်လုပ်ငန်းများ ပုဂ္ဂလိကသို့ ထပ်မံလွှဲပြောင်းမည်ဟု နိုင်ငံတော် သမ္မတပြောကြား၊ လေလံမအောင်ဘဲ ကျန်ရှိနေသည့် နိုင်ငံပိုင်လုပ်ငန်းများနှင့် နိုင်ငံပိုင် သိမ်းဆည်းထားသော အိုးအိမ်မြေကွက် အရေအတွက် အနည်းဆုံး ၄၀ ခုနှင့် အထက်ကျန်ရှိနေ

ပုဂ္ဂလိကပိုင်ပြုလုပ်ရန် အဆိုပြုလွှာ ခေါ်ယူထားပြီး ပြန်လည်ပယ်ဖျက်ထားသည့် မြေ ၁၁ ဧကကျော်ရှိ မြေအသုံးချရေး ဌာနခွဲရုံးချုပ်
ကျန်ရှိနေသည့် နိုင်ငံပိုင်လုပ်ငန်းများကို ပုဂ္ဂလိကပိုင်ပြုလုပ်သွားရန် အစီအစဉ်ရှိကြောင်း နိုင်ငံတော် သမ္မတ၏ ပြောကြားချက်များကို ၂၀၁၁ ခုနှစ် ဧပြီလ ၇ ရက်နေ့ထုတ် နိုင်ငံပိုင် သတင်းစာများ၏ ဖော်ပြမှုများ အရ သိရှိရသည်။
ဧပြီလ ၆ ရက်နေ့က နေပြည်တော်ရှိ နိုင်ငံတော်သမ္မတရုံး ခန်းမဆောင်ကြီးတွင် နိုင်ငံတော်သမ္မတ ဦးသိန်းစိန်က ပြည်ထောင်စုအဆင့် အဖွဲ့အစည်းဝင် ပုဂ္ဂိုလ်များ၊ တိုင်းဒေသကြီးနှင့် ပြည်နယ်ဝန်ကြီးချုပ် များနှင့် ပြည်ထောင်စု ဒုတိယ၀န်ကြီး များအား တွေ့ဆုံသည့် အခမ်းအနား ကျင်းပခဲ့ပြီး အဆိုပါအခမ်းအနား တွင် ပြောကြားခဲ့ခြင်းဖြစ်သည်ဟု သိ ရသည်။
“ပြည်သူများ မလုပ်နိုင်သည့် တိုင်းပြည်အတွက် အဓိကကျသည့် အလုပ်ရုံ၊ စက်ရုံများမှအပ အစိုးရပိုင်ကျန်သည့် အလုပ်ရုံ စက်ရုံများကို ပြည်သူများထံ လွှဲပြောင်းပေးလိုပါကြောင်း၊ ထို့ကြောင့် ကိုယ့်တိုင်းဒေသကြီးနှင့် ပြည်နယ်အလိုက် စီးပွားရေးလုပ်ငန်းရှင်များ များများ ပေါ်ထွက်လာအောင် မိမိတို့ အစိုးရအဖွဲ့အသီးသီးက ၀ိုင်းဝန်း မြေတောင်မြှောက်ပေးကြရန် တိုက်တွန်း လိုကြောင်း”
နိုင်ငံတော်သမ္မတက ‘ပြည်သူများ မလုပ်နိုင်သည့် တိုင်းပြည်အတွက် အဓိကကျသည့် အလုပ်ရုံ၊ စက်ရုံများမှအပ အစိုးရပိုင်ကျန်သည့် အလုပ်ရုံ စက်ရုံများကို ပြည်သူများထံ လွှဲပြောင်းပေးလိုပါကြောင်း၊ ထို့ကြောင့် ကိုယ့်တိုင်းဒေသကြီးနှင့် ပြည်နယ်အလိုက် စီးပွားရေးလုပ်ငန်းရှင်များ များများ ပေါ်ထွက်လာအောင် မိမိတို့ အစိုးရအဖွဲ့အသီးသီးက ၀ိုင်းဝန်း မြေတောင်မြှောက်ပေးကြရန် တိုက်တွန်း လိုကြောင်း’ဟု မှာကြားခဲ့သည်ဟု ဖော်ပြထားပါသည်။

ပုဂ္ဂလိကပိုင်ပြုလုပ်ရာတွင် ငွေကျပ်သန်း ၆၈၈၈ ဖြင့် ၀ယ်ယူခွင့်
ရခဲ့သည့် ရန်ကုန်ကော်မာရှယ်တာဝါ
လက်ရှိတွင် နိုင်ငံပိုင်လုပ်ငန်းများအား ပုဂ္ဂလိကပိုင် ပြုလုပ်ရာတွင် လည်းကောင်း၊ နိုင်ငံပိုင်သိမ်းဆည်း ထားသော အိုးအိမ်မြေကွက်များအား လေလံတင် ရောင်းချရာတွင် လည်းကောင်း ကြမ်းခင်းဈေး မမီခြင်း၊ အဆိုတင်သွင်းသူ မရှိခြင်း၊ ပယ်ဖျက်ခြင်း၊ ဆိုင်းငံ့ထားခြင်းများကြောင့် ၀ယ်ယူမရရှိဘဲ ကျန်ရှိသည့် အရေအတွက်မှာ အနည်းဆုံး ၄၀ ခုအထက် ကျန်ရှိနေသေးကြောင်း ထုတ်ပြန်ချက်များအရ သိရသည်။

ပုဂ္ဂလိကပိုင်ပြုလုပ်ရေး ကော်မရှင်က ဇန်န၀ါရီလ ၂၁ ရက်နှင့် ၂၂ ရက်နေ့ထုတ် သတင်းစာများတွင် ကြေညာရောင်းချသည့် နိုင်ငံပိုင်လုပ်ငန်း ၇၆ ခုတွင် နှစ်ခုမှာ ကြမ်းခင်း ဈေးမမီဘဲ သုံးခု ပယ်ဖျက်ထား ကြောင်း၊ နှစ်ခုဆိုင်းငံ့ထားပြီး နှစ်ခုမှာ အဆိုတင်သွင်းသူ မရှိခဲ့ခြင်းကြောင့် ၀ယ်ယူခွင့်ရမသွားဘဲ ကျန်ရှိသည်မှာ လုပ်ငန်းကိုးခုရှိကြောင်း ထုတ်ပြန်ချက်များအရ သိရသည်။

နိုင်ငံပိုင် သိမ်းဆည်းထားသော ပစ္စည်းများ စီမံခန့်ခွဲမှုကော်မတီမှ ဖေဖော်ဝါရီလ ၁၃ ရက်နေ့ထုတ် သတင်းစာများတွင် ကြေညာရောင်းချခဲ့ သော မြေနှင့်အဆောက်အအုံ၊ တိုက်ခန်း မြေကွက် ၁၁၁ ခုထဲတွင် အနည်းဆုံး ပယ်ဖျက်ထားသည်မှာ နှစ်ခုရှိပြီး အဆိုတင်သွင်းသူ မရှိခဲ့သည်မှာ ၁၄ ခု နှင့် အထက်ရှိကြောင်း၊ ကြမ်းခင်းဈေး မမီသည်မှာ တစ်ခုနှင့်အထက် ရှိကြောင်း သိရသည်။

နိုင်ငံပိုင် သိမ်းဆည်းထားသော ပစ္စည်းများ စီမံခန့်ခွဲမှုကော်မတီမှ ဖေဖော်ဝါရီလ ၁၃ ရက်နေ့ထုတ် သတင်းစာများတွင် ကြေညာရောင်းချခဲ့သော မြေနှင့်အဆောက်အအုံ၊ တိုက်ခန်းမြေကွက် ၁၅၇ ခုထဲတွင် အနည်း ဆုံး ကိုးခုနှင့်အထက် ပယ်ဖျက်ထားပြီး တစ်ခုနှင့်အထက် တင်သွင်းသူ မရှိခဲ့ကြောင်း၊ တစ်ခုနှင့်အထက် ကြမ်းခင်းဈေး မမီဘဲ ဆိုင်းငံ့ထားသည်မှာ လေးခုရှိကြောင်းသိရသည်။

“အနည်းဆုံး ၄၀ ခုနဲ့အထက် လို့ပြောရတာက ကျွန်တော်တို့နိုင်ငံပိုင် လုပ်ငန်းတစ်ခုကို အဆိုပြုလွှာ တင်တုန်းက ထုတ်ပြန်တဲ့စာရင်းတွေအရ ကျန်ရှိတာကိုက ၄၂ ခုလောက်ရှိ နေတာပါ။ ဒါကြောင့် အနည်းဆုံး ဆိုတဲ့စကားထည့်ပြောရတာ။ ခြုံပြောရင်တော့ ၄၂ ခုနဲ့အထက်ကို ကျန်ရှိနေသေးတဲ့အတွက် လိုအပ်တဲ့သူတွေ ထပ်ပြီး ရနိုင်တဲ့ အခွင့်အရေး ရှိသေးတာပေါ့။ ကြမ်းခင်းဈေးမမီလို့ ၀ယ်မရဘဲ ကျန်တာမျိုးကျတော့ ကြမ်းခင်းဈေးကို နည်းနည်းလောက် ခေတ်နဲ့ လျော်ညီတဲ့ ဈေးမျိုးသတ်မှတ်ပေးရင် ပုဂ္ဂလိကတွေအနေနဲ့ ပိုပြီး ကောင်းမွန်မယ်လို့ ယူဆမိပါတယ်” ဟု နိုင်ငံပိုင်လုပ်ငန်းများ ပုဂ္ဂလိကပိုင် ပြုလုပ်ရန် အဆိုပြုလွှာခေါ်ယူစဉ်က အဆိုပြုလွှာ တင်သွင်းခဲ့သူ လုပ်ငန်းရှင်တစ်ဦးက ပြောကြားခဲ့သည်။

Tuesday, April 19, 2011

Sunday, April 17, 2011

Local Water Festival Photo News

ကလေးမြို့ သင်္ကြန်ပွဲတော်ကာလအတွင်း မြင်ကွင်း
ဓာတ်ပုံများ အပြည့်အစုံသို့

=======================================
နှစ်ဆန်းတစ်ရက်နေ့ ရန်ကုန်မြို့မြင်ကွင်းများ
ရွှေတိဂုံစေတီတော် ဘုရားဖူးလာသူများ

နှစ်ဆန်းတစ်ရက်နေ့ ရန်ကုန်မြို့မြင်ကွင်းများ အပြည့်အစုံသို့

ဒေါ်အောင်ဆန်းစုကြည်နဲ့ NLD အဖွဲ့သားများ မုန့်လုံးရေပေါ် စတုဒီသာ အလှုလုပ်ကြတာ ဖြစ်ပါတယ်။

========================================
နှစ်ဆန်းတရက်နေ့ ပရိတ်ရွတ်ပွဲနဲ့ သက်ကြီးပူဇော်ပွဲဖြစ်ပါတယ်။


=========================================

ပြည်ထောင်စုသမ္မတမြန်မာနိုင်ငံတော် သမ္မတကြီး ဦးသိန်းစိန် သို့ မေတ္တာရပ်ခံပန်ကြားခြင်း
သို့

ဦးသိန်းစိန်
နိုင်ငံတော်သမ္မတကြီး
ပြည်ထောင်စုသမ္မတမြန်မာနိုင်ငံတော်
ရက်စွဲ - ၂၀၁၁ ခုနှစ်၊ ဧပြီလ ၁၇ ရက်။
(မြန်မာနှစ်ဆန်းတစ်ရက်- ၁၃၇၃-ခုနှစ်)

အကြောင်းအရာ။ ။ ပြည်ထောင်စုသမ္မတ မြန်မာနိုင်ငံတော်ကြီး၏ အမျိုးသား ပြန်လည် သင့်မြတ်ရေးနှင့် ပြည်တွင်း ငြိမ်းချမ်းသာယာရေးကို ရှေးရှုသည့် လုပ်ဆောင်ချက် များကို အကောင်အထည်ဖော်ပေးပါရန် မေတ္တာရပ်ခံပန်ကြားခြင်း။

နိုင်ငံတော်သမ္မတကြီးခင်ဗျား

ကျွန်ုပ်တို့သည် ပြည်ထောင်စုသမ္မတ မြန်မာနိုင်ငံတော်ကြီး၏ အမျိုးသား ပြန်လည်သင့်မြတ် ရေးနှင့် ပြည်တွင်းငြိမ်းချမ်းသာယာရေးကို ရိုးသားစွာဖြင့် လိုလားကြသူများ ဖြစ်ပါသည်။ ကျွန်ုပ်တို့အနေဖြင့် နိုင်ငံတော်သမ္မတကြီးနှင့် ပြည်ထောင်စု အစိုးရအဖွဲ့သစ်ကို မေတ္တာရပ်ခံ တင်ပြလိုသည်မှာ လက်ရှိ နိုင်ငံတော် အစိုးရသစ်သည် သာမန်ရွေးကောက် တင်မြှောက်ခံ အစိုးရတစ်ရပ်ကဲ့သို့ တိုင်းပြည်ဖွံ့ဖြိုး တိုးတက်ရေး လုပ်ငန်းများကို ငါးနှစ် သက်တမ်းအတွင်း ထမ်းဆောင်ရုံမျှဖြင့် လုံလောက်မည်ဟု မယူဆနိုင်ပါ။ အစိုးရသစ်သည် မြန်မာ့နိုင်ငံရေး သမိုင်းစာမျက်နှာသစ်ကို ဖွင့်လှစ်သည့် ဒီမိုကရေစီစနစ်ကို ပီပြင်စွာ ဖော်ဆောင် ပေးရမည့် ကြီးလေးသောတာဝန်ကို ထမ်းရွက်ဖော်ဆောင်ရမည့် အစိုးရတစ်ရပ်ဖြစ်ပါသည်။

သမ္မတကြီးနှင့်သမ္မတကြီး၏အစိုးရသစ်သည် ထိုတာဝန်ကို ကျေပွန်စွာ ထမ်းဆောင်နိုင်မည်ဟု ပြည်သူလူထုအနေဖြင့် မျှော်လင့်တောင့်တလျှက် ရှိကြပါသည်။

မြန်မာနိုင်ငံ၏နိုင်ငံရေးပြဿနာ၊ တိုင်းရင်းသားလက်နက်ကိုင်အဖွဲ့အစည်းများနှင့် ဖြစ်ပွားလျှက် ရှိသည့်ပြဿနာများကို အောင်မြင်စွာ တွေ့ဆုံဆွေးနွေးဖြေရှင်းနိုင်ရေး အပါအ၀င်၊ အစိုးရသစ်အနေဖြင့် ယုံကြည် ချက်ကြောင့် ဖမ်းဆီးအကျဉ်းချခံထားရသည့် နိုင်ငံရေး အကျဉ်း သားများ အားလုံးကို ခြွင်းချက်မရှိ ပြန်လည် လွှတ်ပေးခြင်း၊ ပြည်ပရောက် အဖွဲ့အစည်း အသီးသီးနှင့် ကမ္ဘာ့နိုင်ငံ အသီးသီးတွင် ရောက်ရှိ နေကြသူများ၊ ဒုက္ခသည်များ အဖြစ် ခိုလှုံ နေကြရသော မြန်မာနိုင်ငံသူ နိုင်ငံသားများ အားလုံးကို လုံခြုံ အေးချမ်းစွာဖြင့် မိမိတို့နေရပ်သို့ ပြန်လာနိုင်မည့် အခြေအနေများ အမြန်ဆုံး ဖန်တီးပေးခြင်းဖြင့် သဘောထား ကြီးမားစွာ အပြုသဘောဆောင်ကြောင်းနှင့် ဒီမိုကရေစီ၏ အနှစ်သာရများကို အကောင်အထည်ဖော် ဆောင်ရွက်လျှက် ရှိကြောင်း ပြသစေလိုပါသည်။

စစ်မှန်သော ဒီမိုကရေစီစနစ်ထွန်းကားရန် သမ္မတကြီးနှင့် သမ္မတကြီး၏ အစိုးရသစ်အနေဖြင့် အကောင်းဆုံး စွမ်းဆောင်ပေးစေလိုပါသည်။ စစ်မှန်သောအမျိုးသားပြန်လည်ရင်ကြားစေ့ရေး၊ တိုင်းရင်းသား လက်နက်ကိုင် အဖွဲ့အစည်းအသီးသီးတို့နှင့် နိုင်ငံရေးနည်းလမ်းဖြင့် ငြိမ်းချမ်းစွာ တွေ့ဆုံဆွေးနွေးရေးတို့ သည်သာ ပြည်သူလူထုအတွက် အမှန်တကယ် အကျိုးဖြစ်ထွန်း စေမည့် တစ်ခုတည်းသောနည်းလမ်း ဖြစ်ပါသည်။ ပြည်ထောင်စု သမ္မတမြန်မာနိုင်ငံအတွင်း တပ်မတော်နှင့် တိုင်းရင်းသား လက်နက်ကိုင် အဖွဲ့အစည်းများအကြား စစ်ရေးအရအပြန် အလှန်တိုက်ခိုက်နေမှုများ အားလုံးကို ချက်ချင်းရပ်စဲပြီး၊ နိုင်ငံရေးနည်းလမ်းဖြင့် ငြိမ်းချမ်းစွာ တွေ့ဆုံဆွေးနွေးဖြေရှင်းကြရန်နှင့် နိုင်ငံတော်၏ ပြဿနာအရပ်ရပ်ကို တွေ့ဆုံဆွေးနွေး ညှိနှိုင်းခြင်းဖြင့် အဖြေရှာကြရန်ကိုလည်း ပြည်သူများက မျှော်လင့် တောင့်တလျှက် ရှိပါသည်။

သို့ဖြစ်ပါ၍ ငြိမ်းချမ်းစွာ တွေ့ဆုံဆွေးနွေးအဖြေရှာရေးနှင့် အမျိုးသားပြန်လည် ရင်ကြားစေ့ရေးကို အောင်မြင်စွာဖော်ဆောင် နိုင်ရန်အတွက် ပဏာမခြေလှမ်းအဖြစ် ယုံကြည်ချက်ကြောင့် အကျဉ်းချခံထားရသည့် နိုင်ငံရေးအကျဉ်းသားများအားလုံးကို ခြွင်းချက်မရှိ အမြန်ဆုံး ပြန်လည်လွှတ်ပေးပါရန်၊ တပ်မတော်နှင့် တိုင်းရင်းသား လက်နက်ကိုင် အဖွဲ့အစည်းများအကြား စစ်ရေးအရ အပြန်အလှန် တိုက်ခိုက်နေမှုများ အားလုံးကို ချက်ချင်း ရပ်စဲပြီး၊ နိုင်ငံရေးနည်းလမ်းဖြင့် ငြိမ်းချမ်းစွာ တွေ့ဆုံဆွေးနွေး ဖြေရှင်း ကြရန်နှင့်၊ ပြည်ပရောက် အဖွဲ့အစည်းအသီးသီးနှင့် ကမ္ဘာ့နိုင်ငံအသီးသီးတွင် ရောက်ရှိနေကြသူများ၊ ဒုက္ခသည်များအဖြစ် ခိုလှုံ နေကြရသော မြန်မာနိုင်ငံသူ နိုင်ငံသားများအားလုံးကို လုံခြုံအေးချမ်းစွာဖြင့် မိမိတို့နေရပ်သို့ ပြန်လာနိုင်မည့်အခြေအနေများ အမြန်ဆုံး ဖန်တီး ပေးပါရန် မေတ္တာရပ်ခံပန်ကြားအပ်ပါသည်။

ဒီမိုကရေစီနှင့်ငြိမ်းချမ်းရေးလိုလားသူများ

Saturday, April 16, 2011

အောင်နှစ်သစ်

အောင်နှစ်သစ်

အတာရေလောင်း
ခေတ်ဟောင်းကိုဆေးပစ်
နှစ်သစ်ကိုကြို
ကောင်းလိုတဲ့ဘဝ
တောင်းဆိုဆန္ဒ
ကြံဆ ဟန်ကျစေ
ဆုပန်ချွေသ
ဝေနေယျကမ္ဘာ
သာယာရွှင်လန်း
ရည်မှန်းကောင်းကျိုးဖြာ
တိုးလာမိုမောက်
ဝမ်းမြောက်အားထက်သန်
ဆက်ရန်ခရီး
မငြီးမတွားပဲ
အောင်ပွဲခံလို့
ဇွဲသန်ကြိုးပမ်းဆောင်
လူ့ဘောင်ထွန်းတင့်
ကျွမ်းကျင်ကျင့်ကြံကောင်းကျိုးကြွယ် ………။

ကြိုင်လှမောင်မောင်
၂၀၁၁၀၄၁၇
နှစ်ဆန်းတစ်ရက်

ရှင်မဟာရဋ္ဌသာရ ၏
“ပုလဲတကန့် ရွဲတကန့်” စပ်ဟန်ကို
စု တု ပြုပါသည်

ကဗျာပေးပို့လာသောဆရာမောင်မောင်လှကြိုင်အားကျေးဇူးတင်ရှိပါသည်။

Friday, April 15, 2011

မဟာသင်္ကြန်အတက်နေ့မြင်ကွင်းဓာတ်ပုံများ

သင်္ကြန်အတက်နေ့၌ ဒဂုံမြို့သစ်(တောင်ပိုင်း)တွင် ရေကစားနေကြသူများ
သင်္ကြန်အတက်နေ့ ပြည်လမ်းမြင်ကွင်း

မဟာသင်္ကြန်အတက်နေ့မြင်ကွင်းဓာတ်ပုံများ အပြည့်အစုံသို့
----------------------------------------------------------------------------------------------
၁၃၇၂ ခုနှစ် မြန်မာ့ရိုးရာနှစ်သစ်ကူး အတာသင်္ကြန်ပွဲတော် အကြတ်နေ့ကို မြန်မာနိုင်ငံအနှံ့တွင် ဆင်နွဲခဲ့ကြသည်။ နိုင်ငံအတွင်းရှိ မြို့ကြီးများတွင် နှစ်သစ်ကူးရေသဘင်ပွဲတော်ကို စည်ကားစွာကျင်းပခဲ့ကြပြီး ရန်ကုန်၊ မန္တလေးနှင့် နေပြည်တော်တို့၌ ဖျော်ဖြေရေးမဏ္ဍပ်များ၊ ရေကစားမဏ္ဍပ်များဖြင့် ပျော်ရွှင်စွာဆင်နွဲခဲ့ကြသည်ကို တွေ့ရသည်။
 သင်္ကြန်အကြတ်နေ့ ရန်ကုန်မြို့ ပြည်လမ်း မြင်ကွင်း
သင်္ကြန်အကြတ်နေ့ နေ့လည်ပိုင်းက ဦးပိန်တံတားကို တွေ့ရစဉ်ဓာတ်ပုံများ အပြည့်အစုံသို့

၂၀၁၁ ရန်ကုန် သင်္ကြန်

Thursday, April 14, 2011

`မြန်မာသင်္ကြန်´

`မြန်မာသင်္ကြန်´
မြန်မာတို့၏ ၁၂ ရာသီပွဲတော်တို့တွင် တန်ခူးလသည် ပထမဆုံးပွဲတော် ဖြစ်သလို အထူးခြားဆုံးသော ပွဲတော်လည်း ဖြစ်ပါ၏။ ထူးခြားပုံကို အနည်းမျှ စာစီ၍ ပြပါအုံးမည်။

တန်ခူးမိဿ ၊ စိတြ ၊ လနှင့်ယှဉ်ပြိုင်ထွန်း။
ရင်ခတ်ဂန့်ဂေါ် ထုံသင်းပျော် ပွဲတော် အတာညွှန်း .. (စာဆို အမည်မသိ)။

တန်ခူးလ(အတာကူးတဲ့လ)သည် ရာသီအားဖြင့် မိဿရာသီ၊ပြာလဲ့လဲ့ဖြစ်သော အထက်ကောင်းကင် အာကာ နန်း၌ စိတြနက္ခတ်သည် ဖိုးရွှေလနှင့်အပြိုင် လင်းလက်တောက်ပချိန်၊ရာသီပန်း အခါပွင့်ပန်းဖြစ်ကြ သည့် ရင်ခတ်ပန်း ဂန့်ဂေါ်ပန်းများလည်း မြိုင်မြိုင်ဆိုင်ဆိုင်ပွင့်ကြ၍ ရနံ့ သင်းသော ကြိုင်သော လှိုင်သော အခါ ကာလ သမယ ဖြစ်ပါ၏

လူကြီးလူငယ် လူရွယ်များသည် ဘုရား ကျောင်းကန် ရိပ်သာများသို့ သွားရောက်ကြ၍ ဥပုသ်စောင့် သုံးကြ ခြင်း၊ မိမိတို့အားလပ်ရက် (ရုံးရက်ရှည်ပိတ်ရက်)သင်္ကြန်ကာလအတွင်း၌ ရခဲသော (ဒုလ္လဘ ) ရဟန်းအဖြစ်၊ သာသနာ့နွယ်ဝင် သီလရှင်အဖြစ်သို့ ၀င်ရောက်ကြခြင်း၊ ယောဂီအဖြစ်ဖြင့် တရားဘာဝနာများ ရှုပွါးကြခြင်း စတုဒိသာ ကျွေးမွေးလှူဒါန်းကြခြင်း..ဘိုးဘွားများကို ရေချိုးပေး ကြခြင်း ခေါင်းများ လျှော်ပေးကြခြင်း ခြေသဲ လက်သဲ ညှပ်ပေးကြခြင်း အစားအသောက်ဖျော်ရည် တို့ဖြင့် ကျွေးမွေး စောင့်ရှောက်ကြခြင်း လက်စုံမုိုး (လက်အုပ်မိုး)၍ ဆေးဝါးများ အ၀တ်အထည်များ စားသောက် ဖွယ်ရာများဖြင့် ပူဇော် ကန်တော့ကြခြင်း.. ဆရာသမား ဘိုးဘွားမိဘများကို တပည့် သားသမီး မြေးမြစ် များက တတ်စွမ်း သမျှ အာမိသ ဓမ္မတို့ဖြင့် ပူဇောကန်တော့ကြခြင်း . . စသည် စသည့်ကောင်းမြတ်သော ရှုခင်းအစုံ တို့ကို ဤလ ဤချိန် ဤကာလ၌ ကြည်နူးဖွယ်ရာ တွေ့မြင်နိုင်ပါ၏။ဤသည်မှာ တစ်ခြားသော ယဉ်ကျေးမှုတို့နှင့် မတူကွဲပြားသော ခြားနား သော ထူးခြား သော မြန်မာတို့၏ ချစ်စဖွယ် မြတ်နိုးစဖွယ် ဂုဏ်ယစူဖွယ် အမွေအနှစ်ကောင်းများ ဖြစ်ပါ၏။ ယင်းအစဉ်အလာကောင်းများကို လက်ဆင့်ကမ်း၍ ထိမ်းသိမ်း စောင့်ရှောက်လာကြသည်မှာ ယနေ့ထက် တိုင်အောင်ပင် ဖြစ်ပါ၏၊

တစ်ချို့သော လူငယ်လူငယ်ရွာများက့ ဓမ္မဘက် ခြေဦး မလှည့်ဖြစ်ကြ၊ သို့သော် လောကဘက် ပျော်ရွှင်မှု အတွက် ရေကစားသည့် မဏ္ဍပ်ကြီးများ ဆောင်လုပ်ကြ၍ အတီး အက အလှတို့ဖြင့် ဧည့်ခံဖျော်ဖြေ နေကြ သည်မှာလည်း ကမ္ဘာမှာ ဘယ်မှာမှ မရှိသည့် မြန်မာတို့၏ ချစ်စဖွယ် ယဉ်ကျေးမှုတစ်ခု ဖြစ်ပါ၏၊ တူးပို့ တူးပို့ သီချင်း သံလေးမှာလည်း သင်္ကြန်အဖို့တော့ မရိုးနိုင်သော ဂီတသံဆန်းလေးတစ်ခုအဖြစ် မဏ္ဍပ်တိုင်း မှာ ကြားနေရပါ၏။ ရွှေဝါရောင် ပန်းပိတောက်သည် သင်္ကြန်၏ သင်္ကေတပန်း၊ တူးပို့ တူးပို့ သီချင်း သံလေးသည် သင်္ကြန်၏သင်္ကေတ ဂီတ၊ မြန်မာရိုးရာနှင့်အညီ ၀တ်စားဆင်ယင်ကြ၍ ငွေဖလားဖြင့် အတာရေ ပက်ဖြန်း ကစားကြခြင်းသည် သင်္ကြန်၏ သင်္ကေတ ပျော်ရွှင်မှုဟန်များဖြစ်ပါ၏။

ဤသို့ ကောင်းခြင်းဂုဏ်နှင့် ပြည့်ဝသော သင်္ကြန်၏အလှအပကို ဖျက်ဆီးနေကြသူများလည်း ရှိပါ၏၊ ယင်း တို့မှာ သရုပ်ပျက် ၀တ်စားဆင်ယင်မှု၊ သရုပ်ပျက် သောက်စားပျော်ပါးမှုနှင့် သရုပ်ပျက်သီဆိုမှုများ ဖြစ်ပါ၏၊

ထို့ကြောင့် သမိုင်းကြောင်း အစဉ်အလာအရ ယဉ်ကျေးသော သိမ်မွေ့သော ချစ်စရာကောင်းသော မြန်မာ တို့ အဖို့ “ အစဉ်အလာကောင်းများကို ထိမ်းသိမ်းစောင့်ရှောက်ကြခြင်းဖြင့် ” မြန်မာ့ရိုးရာ အခါသင်္ကြန်ကို ပျော်ပျော် ရွှင်ရွှင် ဆင်နွှဲကြပါစို့…. ။

ကောင်းသစ်

Tuesday, April 12, 2011

ကျနော်တို့ မြို့ က ကျနော်တို့ ရဲ့  အတာ


ကျနော်တို့ မြို့ က ကျနော်တို့ ရဲ့  အတာ

တကယ်တော့
ကျနော်တို့ သိတဲ့အတာဆိုတာ
နှစ်ဟောင်းက နှစ်သစ်နဲ့ ကူးတယ်
စိတ်ဟောင်းက စိတ်သစ်နဲ့ ကူးတယ်
ငုဝါက ပိတောက်နဲ့ ကူးတယ်။
ခုတော့
ရက်နဲ့ ဟစ်ပ်တွေက အမုန်းစွဲ ကဲတာတွေနဲ့ ကူးတယ်
ဝန်ထမ်းတွေက အနိုင်ကျင့်လဘ်စားမှုနဲ့ ကူးတယ်
စွမ်းအင်နဲ့ သယံဇာတက အိမ်နီးချင်းနဲ့ ကူးတယ်
တချို့ သူတွေက အုန်းအင်အော်ပြီးခေါင်းညိတ်လို့ ကူးတယ်
အရင်းရှင်တွေက ကုန်သည်အသင်းသစ်နဲ့ ကူးတယ်
အမတ်တွေကဆွေးနွေးရေးနဲ့ ငြိမ်းချမ်းရေးကို လွှတ်တော်နဲ့ ကူးတယ်
၂၀၀၈နဲ့ ၂၀၁၀က အစိုးရသစ်နဲ့ ကူးတယ်
သန်းရွှေနဲ့ မောင်အေးက သိန်းစိန်နဲ့ ကူးတယ်
ကဲ--ကျနော်တို့ ဘာနဲ့ ကူးကြမလဲ။

မြတ်သစ်(dawn)

Saturday, April 9, 2011

မိတ်ဆွေလေးယောက် သင်္ကြန်

မိတ်ဆွေလေးယောက် သင်္ကြန်

မိတ်ဆွေလေးယောက် သင်္ကြန်
နွေရယ်
ဥသြငှက်ရယ်
ပိတောက်ရယ်
ငုရယ်ပေါ့။

ဟောဒီ့့့ 
စံကာဝါမြေ သင်္ကြန်ပွဲ
နွေနေပူရဲ့
ဆလိုက်မီးအောက်မှာ
ပိတောက်မယ်လေးက
ငုဝတ်စုံနဲ့
မြူးမြူးကြွကြွ ယိမ်းအက

ငုမယ်လေးက
ပိတောက်ဝတ်စုံနဲ့
မြူးမြူးကြွကြွ ယိမ်းအက
ဥသြငှက်လေးက
သင်္ကြန်တေးသီလို့ပ။
သူတို့လည်းပဲ နှစ်သစ်ကြိုဆိုကြ။ ။
ဆွေနိုင်
မိုးမခမှာ၂၀၀၇ ခုနှစ်ကဖော်ပြခဲ့သောကဗျာလေးကိုသင်္ကြန်အလွမ်းပြေပြန်လည်ကူးယူဖော်ပြလိုက်ပါတယ်။
------------------------------------------------------------------------------------
နှစ်သစ်မာတိကာ


တစ် နှစ်ပိုင်း တစ်ပိုင်း ဒီဂရီ
တိမ်းစောင်းနေတဲ့
ကမ္ဘာကြီးရဲ့ဆွဲငင်အားနဲ့
ကမ္ဘာ့ရွာထဲက တန်ကူးလမှာ
နှစ်သစ်တံခါးအဖွင့့့်  ။

ဟောဒီ့့့ 
ရိုးပြတ်ထဲမှာ
အသံမပေး ဘာမပေးနဲ့
တိမ်ညိုတွေပြိုကျလာပါရော့လား
မိုးသက်ရနံ့တွေသင်း
ပိတောက်နဲ့ငုတွေဖြိုင်ဖြိုင်ပွင့်လို့
နှစ်သစ်ကိုကြိုဆိုနေလေရဲ့။

သင်္ကြန်အခါ တွေ
တနှစ်ပြီး တနှစ်သစ်ခဲ့ရပေမဲ့
နွေနေ အပူကဲသလောက်
ခပ်ထူထူ နေ့တွေထဲမှာ
သောကနဲ့ ဘဝအမော
ဒုက္ခတောတွေရဲ့ ဘဝရိုးတံများဟာ
အဟောင်းတွေကြွေသွားပေမယ့်
ဒုက္ခသစ်တွေဝေဆာနိုင်သေးတယ်။

စစ်ဖိနပ်နဲ့
မျက်နှာဖုံးစွပ်ထားခံရတဲ့
မြို့ပြ ရပ်ကွက်
တောနက်နက်ထဲမှာ
ကျည်ဆန်မိုးတွေ ဆက်တိုက်ရွာနေလို့ပေါ့
ယမ်းငွေ့အနံ့အသက်များ
ကောင်းကင်ထဲထိ
မီးခိုလုံးတွေဖြိုင်ဖြိုင်ပွင့်
မျက်နှာတွေမှာလည်း အိုးမည်းတွေပေလို့
နှစ်သစ်ကိုကြိုဆိုနေလေရဲ့။

အတာတန်ကူးလ
မြန်မာ့နှစ်သစ်ခါသမယ
ကာရန်ပျက်ကုန်ကြပေါ့
ပိတောက်တွေမမွှေး ငုတွေအဝါမပီသ
ဥသြတွန်သံလည်းမချိုမြတော့။

ဒါနဲ့
ကြည့်ကြစမ်း
ဥတုသုံးလီထဲမှာ သူ့ကျင့်စဉ်နဲ့သူ
မျိုးဆက်ဟောင်း မျိုဆက်သစ် ပိတောက်တွေ
အချစ်စစ် အချစ်မှန်ရှာနေရင်း ကိုင်းကူးဆက်
သူတို့(ဒို့)ရဲ့တကိုယ်လုံး အသမာတက်နေတဲ့
ဒဏ်ရာတွေနဲ့ အဖြူရောင်နေ့တွေထမ်းပိုးလို့
သင်္ကြန်းမိုးတေးသွား တူပို့သံနဲ့အတူ
နှစ်သစ်ကိုကြိုဆိုနေကြ။

ဆွေနိုင်

မြန်မာ့နှစ်အခါသမယမှာ အချစ်စစ်အချစ်မှန်တွေနဲ့တွေ့ဆုံကြပြီး မြန်မာပြည်သူပြည်သားအပေါင်းစစ်အာဏာရှင်၏ဘက်ပေါင်းစုံ အဖိနှိပ်ခံဘဝမှအမြန်ဆုံးလွတ်မြောက်ပါစေကြောင်းဆုမွန်လျက်။

“ငုံ့မခံရဖို့ တုံ့ပြန်ကြစို့” ၂၀၁၁ မြန်မာ့ရိုးရာ အတာသင်္ကြန် သံချပ်သီချင်းများ

မြူမှောင်ဝေကင်း

Friday, April 8, 2011

မြူမှောင်ဝေကင်း

မြူမှောင်ဝေကင်း

မြူမှောင်ဝေကင်း ငွေအဆင်းဆန္ဒ
ပြည်ထောင် တိုင်းမြန်ပြည်
ငြိမ်းအောင်ဆု သွန်းခါရေ
အေးစေကြောင်းလောင်းတဲ့လုံမေ
ထူးထူးကဲကဲလှကြပါစေ
မြူမှောင်ဝေကင်း ငွေအဆင်းဆန္ဒ

အဆင်ပြေ မြင်ရသူကြည်နူးလောက်ပေ
သံသာ ချိုမြမြဆိုတေးလေးတွေ
မန်းမြို့သူရဲ့ဂုဏ်နဲ့ညီပေ ယဉ်ကျေးသူတွေ
မနှစ်ကပဲလောင်းခဲ့တာတွေ အေးအေးမြမြမမေ့တဲ့နိုင်ပေ
သင်းပျံ့ပေရွှေပန်းပိတောက်တွေတွဲရွဲနဲ့လေ
အဆင်မြဲမြန်းကာလှတဲ့မေ
ငွေငန်းမောင့်ကိုလောင်းတဲ့ရေ
ဘေးဘယာဝေးကွာ ကင်းစင်ပမယ် လေ
ဒီပွဲသင်္ကြန်ရေ _ _ _ ။

ဓာတ်ပုံမဆုမွန် Facebook မှ
မြူမှောင်ဝေကင်း သီချင်းစာသားကိုကူးယူဖော်ပြပါသည်။

ပိတောက်ပန်း

ပိတောက်ပန်း

လတန်ခူးပေမို့
အလှထူးပါဘိ
မြမြဖူးရယ်တဲ့ ခိုင်ရွှေဝါ။

တကယ်တမ်းသာဖြင့်
ဘယ်ပန်းသော် စံမတူဘု
နန္ဒမူ ဖလ်ဂူထိပ်မှာလ
ပစ္စေကာ ချွေးတော်သိပ်ရတယ်
အေးရိပ်ဆာယာ။

တနှစ်တွင် သည်တလသာပ
တလတွင် တရက်ထဲ
ခက်ခဲတဲ့ ရက်ဗုဒ္ဓါ
ပွင့်ရှာကြ စုံမြိုင်တွင်း။

မြူမင်းလွင်ထန်
ကြူသင်းတာချိန်ယံ မတော့
ရွှေဝတ်ဆံ ငုံတံ ညှောက်ကယ်နှင့်
ခါသင်္ကြန် ဂိမှာန် ရောက်ပြန်တော့
သိရ်သရေ ထိန်ဝေလို့ တောက်တဲ့ပြင်
လမ်းတလျှောက် သင်းတာမို့
ဆန်းသလောက် မလင်းနိုင်ဘု
ပန်းပိတောက်မင်း … ။ … ။
(ဦးကြော့)

Monday, April 4, 2011

လွမ်းမိတဲ့ အတိတ်ကသင်္ကြန်


လွမ်းမိတဲ့ အတိတ်ကသင်္ကြန်

လတန်ခူးပေမို့

ပိတောက်တွေရွှေရေလူး ငုဝါတွေဖူး
ဘုရားပန်းတင်ဖို့ချစ်သူပန်ဖို့
 ဦးဦးဖျားဖျားခူး ။

လေပြည်အဝှေ့မှာ ပန်းရနံ့တွေက
ငါ့နှလုံးသားထဲသယ်ဆောင်လာခဲ့ပေါ့
ပူလောင်ခြောက်သွေ့နေတဲ့ ငါ့နှလုံးသားကို

ချစ်သူရဲ့သင်္ကြန်ရေနဲ့ သင်္ကြန်မိုးကအေးမြစေတယ် ။
အချိန်တွေဟာ မြစ်တခုလိုစီးဆင်းနေဆဲ
ကုန်လွန်ခဲ့တဲ့ ဆယ်စုနှစ်နှစ်စုစွန်း
သင်္ကြန်နဲ့အမိမြေကို တမ်တလွမ်းမိပေမဲ့
အတိတ်က
အရိပ်တခုလိုကျန်ရစ်ခဲ့ပြီ ။

သင်္ကြန်သီချင်းလေးကြားမိတိုင်း
လွမ်းသူ့ရင်ကိုစို့
သြော်! ဘယ်တော့များ
အမိမြေကသင်္ကြန်ရေနဲ့ သင်္ကြန်မိုးက
ငါရဲ့ရင်ကို တခါပြန်ပြီးအေးမြစေမလည်း?

မြင့်မိုရ်
( ဝ၂ - ဝ၄ - ၂ဝ၁၁ )

Friday, April 1, 2011

“အတာ့ကိုလွမ်းတယ်”

“အတာ့ကိုလွမ်းတယ်”
မဆွေးဘယ်သူ မလွမ်းဘယ်သူရှိနိူင် မလဲ
နှစ်သစ် အခါသမယ
ဒီအချိန် ဒီအခါကိုရောက်ရင်ပေါ့...အတာ။

သင်္ကြန်မိုးအေး မြေသင်းမွှေး
သင်းပြပြနဲ့ အဆင်းလှတဲ့
ပိတောက်တွေရွှေရည်လူးရင်ဖြင့်
မရောက်တာကြာပြီဖြစ်တဲ့ အတာ့ဆီ
မပြောတာကြာပြီဖြစ်တဲ့ အတာ့အကြောင်း
တစ်နှစ်တခါ ဆိုပါတော့...
အပေါင်းသင်းများစုမိတဲ့ ဒီချိန်ရာသီတွေ ဆို
ပြောရင်းလွမ်းရင်း
အတိတ်ကအတာ့အကြောင်းလေးတွေက
အပျော်အားထက်
အလွမ်းအားကိုပိုလို့ နေစေပြန်ပေါ့...အတာ။

သြော်...အခုခေတ်ခါမှာ
ခေတ်စနစ်ဆိုးအောက်က နှစ်သစ်ရဲ့သင်္ကြန်
ဒို့...ပြည်သူတွေ ပျော်ပဲပျော်နိူင်ကြရဲ့လား...
သံချပ်တွေနဲ့
အော်ပဲအော်နိူင်ကြရဲ့လား...ဆိုပြီး
မချိရင်ထဲ ဝေဒနာတွေစွဲ
သတိယှဉ်တွဲ ဝေဒနာတွေစဲ...ပေမယ့်
ဘယ်ဆီ ဘယ်ဝယ်ရောက်နေရောက်နေ
အတာ့ကိုတော့ နှစ်စဉ်လိုလို
အလွမ်းအားတွေပိုလို့နေမြဲပါ...အတာ။

အမေ့သား(ဒိန်းမတ်)
မြန်မာနိူင်ငံလူထုလှုပ်ရှားမှုအင်အားစုများမှ
နှစ်သစ်သင်္ကြန်အတွက်ဖြန့်ဝေသည်။
-----------------------------------------------------------------------------------------

Daw Aung San Suu Kyi's Biography for Book Report.

Recorded on March 25, 2011 at Nysmith School. 9 years old, Khine is presenting her biography book report about Daw Aung San Suu Kyi to her classmates.

ဦးသိန်းစိန်နဲ့မျောက်အစိုးရသစ်အဖွဲ့ရေစိမ်မခံ မကြာခင် ဦးသန်းရွှေကိုဖမ်းပြီးနိုင်ငံတကာခုံရုံးတင်လိမ့်မည်ဟုအအမြွှာညီနောင်ပြော