ယုံကြည်ချက်စိတ်ဓာတ်ကိုထိန်းသိမ်းစောင့်ရှောက်ထားသူများဘခင်၏ဓါတ်ပုံအောက်တွင် ထိုင်နေသော ဒေါ်အောင်ဆန်းစုကြည်
(ဒီဇင်ဘာ ၃၀၊ ၂၀၁၀)
ပင်နော့ချို ပုံပြင်သည် ကလေးများကြားတွင် ရေပန်းစားပါသေးရဲ့ လား။ပြင်ပလောကနှင့် အဆက်အသွယ်ပြတ်နေစဉ် အထင်ကရကာလများကို ရုတ်တရက် သတိထားမိသည့်အချိန်တွင် ထို မေးခွန်းများပေါ်ပေါက်လာခြင်းဖြစ်ပါသည်။ ကျွန်မ၏မြေးများ သို့မဟုတ် အခြားသူများ၏မြေးများနှင့် အစဉ်မပြတ် ထိတွေ့ဆက်ဆံမှု ရှိနေခဲ့မယ်ဆိုလျှင် အဖြေများကို ကျွန်မသိနေခဲ့မှာပါ။
ပင်နော့ချိုအကြောင်းကျွန်မခေါင်းထဲပေါ်လာပြီးရက်အနည်းငယ်အကြာမှာ ရန်ကုန်ရှိ အမေရိကန်သံရုံးဝန်ထမ်း၏ကလေးများနှင့် ကံအားလျော်စွာ ကျွန်မတွေ့ဆုံခဲ့ပါသည်။ အကြီးဆုံးက အသက် ၂၀ဝန်းကျင်ခန့်ပါ။ အငယ်ဆုံးမှာ ၃ နှစ်ရွယ် ဂျပန်-အမေရိကန် ယောက်ျားကလေးပါ။ အိပ်ပျော်နေသည့်ထိုကလေး၏ စူတူတူမျက်နှာသည် နောင် လာမည့် ‘တောင်ကိုလှုပ်ဖြိုမည့်အချီ’အတွက် ကြံရွယ်ပြင်ဆင်နေသည့် ဆူမိုနပန်းသမား၏ပုံပန်းပေါ်လွင်နေပါသည်။
ဝါ့ဒ်ဒစ္စနီရုပ်ရှင်၏ ပင်နော့ချိုနှင့် ရင်းနှီးသူအတော်များများရှိကြခဲ့ကြပါတယ်။ အများစုအနေနှင့်ဂျင်မီနီ ခရစ်ကက်သည် ပုံပြင်ထဲတွင် စိတ်အဝင်စားဆုံး ဇာတ်ကောင်အဖြစ် တွေးထင်ခဲ့ကြပါသည်။ပင်နော့ချိုပုံပြင်ကို ဆိုးပေရုပ်သေးရုပ်တရုပ်ထက် ဦးထုပ်ရှည်ကိုဆောင်း ထီးကိုင်ထားသည့် တရားမျှတသောသူအနေနှင့် ကျွန်မရုတ်ချည်းသတိရစေလိုက်သော အဓိကအကြောင်းရင်းအဖြစ် ကျွန်မကိုကျေနပ်ကြည်နူးစေခဲ့ပါသည်။
နိုင်ငံရေး အတွေးအခေါ် လှုပ်ရှားမှုများ၏ နှစ်ပေါင်းများစွာသောအတိတ်ကာလများကို ပြန်လည်သုံးသပ် ကြည့်မြင်လာရင်း ကလေးများ၏ပုံပြင်သည် လူတို့၏ကြောက်ရွံ့ခြင်းများ၊ လိုအင်ဆန္ဒများ၊လျစ်လျူရှုမှုများနှင့် သူတို့၏ဆရာများအဖြစ်ရွေးချယ်လိုက်သူများက အသိစိတ်ကင်းမဲ့စွာဖြင့်
လူသားများသည် ရုပ်သေးရုပ်များသဖွယ် ကြိုးဆွဲခံနေရရုံမျှသာ ဖြစ်နေကြောင်းကိုပေါ်လွင်နေပါသည်။လွတ်လပ်စွာယုံကြည်မှုနှင့် ထုတ်ဖော်မှုဟူသည့် အပြည်ပြည်ဆိုင်ရာအခွင့်အရေးကို ကောင်းစွာကာကွယ်နိုင်ရန် သူတို့၏ရုပ်ပိုင်းဆိုင်ရာလွတ်လပ်ခွင့်အား စွန့်လွှတ်ရန်ယုံကြည်သူများကို ယုံကြည်ချက်ကြောင့်အကျဉ်းချခံနေရသူများအဖြစ် သတ်မှတ်သင့်ကြောင်း အသင့်လျော်ဆုံး ဖြစ်ပါသည်။သူတို့နှင့်သူတို့နိုင်ငံသားများ ဂုဏ်သိက္ခာရှိစွာနေထိုင်နိုင်ရန် သက်သာမှုကင်းမဲ့လျက် တခါတရံ ရက်စက်မှုများသည့် နှစ်ပေါင်းများစွာ အကျဉ်းချခံရန် သူတို့၏ခန္ဓာကိုယ်များကို ပေးဆပ်ကြသော ယင်းအမျိုးသား၊ အမျိုးသမီးများသည် ကျွန်မတို့၏စုပေါင်းယုံကြည်မှုကို ထိန်းသိမ်းစောင့်ရှောက်သူများဖြစ်ကြပါသည်။
မြန်မာနိုင်ငံ၏ထောင်များတွင် ကျန်ရှိနေသေးသော နိုင်ငံရေးအကျဉ်းသား ၂၂၀၀ ကျော်အနက် ၂၀ခန့်သည် ကမ္ဘာပေါ်တွင် အမည်ကျော်ကြားကြပါသည်။ ကျွန်ုပ်တို့၏ နှစ်ထောင်ကျော်သော အမည်မပေါ်လွင်သည့် မထင်ရှားသောစစ်သည်များ၊ အညတရသူရဲကောင်းအမျိုးသားအမျိုးသမီးများသည်တိတ်ဆိတ်စွာလှုပ်ရှားခြင်းဖြင့် ဒီမိုကရေစီရေးလှုပ်ရှားမှုကို သန်စွမ်းသက်ဝင်နေအောင် ထိန်းသိမ်းထားပါသည်။
၂၀၁၁ ခုဇန္နဝါရီလ၄ရက်တွင်ကျရောက်သော၆၃ နှစ်မြောက် ကိုလိုနီစံနစ်မှ လွတ်မြောက်သည့်နှစ်ပတ်လည်နေ့တွင်အခြေအနေခွင့်ပြုသည်အထိ ရုပ်ဝတ္ထုပစ္စည်းများနှင့်စိတ်ပိုင်းဆိုင်ရာ ကူညီထောက်ပံ့မှုများပေးရန် တာဝန်ယူလိုသည့်ဆန္ဒရှိသူများက နိုင်ငံရေးအကျဉ်းသား များ၏အမည်များကိုကျပန်းမဲ ဖောက်ကြသည့်အစီအစဉ်ကို အမျိုးသားဒီမိုကရေစီအဖွဲ့ချုပ်မှ စီစဉ်ပေးခဲ့ပါသည်။ကျွန်မမဲပေါက်သောအမျိုးသားငယ်မှာ မထင်မရှားသောစစ်သည်တဦးဖြစ်နေပါသည်။ရွှေတိဂုံဘုရားပေါ်၌ နိုင်ငံရေးအကျဉ်းသားများလွတ်မြောက်ရေးအတွက် ဆုတောင်းခြင်းပေးခြင်းကြောင့် သူသည်၂၀၀၇ ခုနှစ်တွင်ဖမ်းခံခဲ့ရပါသည်။
ထိုဆုတောင်းပွဲလှုပ်ရှားမှုတွင် ပါဝင်သူလူရွယ်များသည် မြန်မာနိုင်ငံအကျဉ်းထောင်များအနှံ့တွင်ထိန်းသိမ်းခံကြရသော်လည်း ထိုရဲဘော်လေးမှာ ကံကောင်းထောက်မစွာ သူ့နေအိမ်နှင့်မနီးမဝေးအင်းစိန်ထောင်မှာပင် အကျဉ်းကျလျက်ရှိနေပါသည်။ သူ့အတွက် အစားအစာထုပ်ကိုပြင်ဆင်နေရင်းကျွန်မတို့ရဲဘော်များ အစားအသောက်ချို့တဲ့မှုအခြေအနေဖြင့် သူတို့၏နေ့ရက်များအား အကျဉ်းထောင်အတွင်း ဖြတ်သန်းနေရသည်ကို အမှတ်ရစေခဲ့ပါသည်။
နိုင်ငံရေးအကျဉ်းသားများအနေနှင့် ကျွန်ုပ်တို့၏ယုံကြည်မှုစိတ်ဓါတ်ကို ထိန်းသိမ်းစောင့်ရှောက်ရန်လွယ်ကူသော နည်းလမ်းများစွာရှိပါသည်။ကျွန်မနေအိမ်အကျယ်ချုပ်ကျခံနေရစဉ် မနက်စာကိုနောက်ကျမှ စားခြင်းအလေ့ကို ပြုကျင့်ခဲ့ပါသည်။ထိုသို့ဖြင့် သူတို့၏မိသားစုနှင့်အလှမ်းဝေးကွာသည့် အရပ်များတွင် သူတို့၏အိမ်မဟုတ်သော အကျဉ်းထောင်များတွင် ထိန်းသိမ်းခံနေကြရသည့်ရဲဘော်များကို ကျွန်မ၏ဆာလောင်ခြင်းက မမေ့စေခဲ့ပါ။ယင်းအကျင့်သည် ကျွန်မတို့၏ရည်ရွယ်ချက်အတွက် ကျွန်မပေးဆပ်မှုကို သစ်လွင်စေခဲ့ပါသည်။ရဲဘော်များအပေါ် ထားရှိသော ကျွန်မ၏လေးစားမှုနှင့် မေတ္တာကို လန်းဆန်းစေခဲ့ပါသည်။ယုံကြည်ချက်ကို စောင့်ရှောက်ထိန်းသိမ်းနေသူများ၏ အံ့သြဘွယ်အကောင်းဆုံးမှာ သူတို့၏ထူးခြားသော စိတ်ဓါတ်နှင့်ပြဌာန်းချက်ပင်ဖြစ်ပါသည်။
လွတ်လပ်ရေးနှစ်ပတ်လည်အခမ်းအနားမတိုင်မီ ၂ ရက်အတွင်း နိုင်ငံရေးအကျဉ်းသားများအတွက်ရန်ပုံငွေဈေးရောင်းပွဲတခုကို ကျင်းပခဲ့ပါသည်။ ရောင်းချသောပစ္စည်းများတွင် အကျဉ်းကျနေသည့်ကျွန်မတို့ရဲဘော်များမှ တီထွင်ကြံဆပြုလုပ်ပေးသော အနုပညာပစ္စည်းများ အတော်အတန် ပါဝင်ပါသည်။ ရာထောင်များစွာသော မျိုးကွဲ ငွေရောင်စက္ကူများကို စိတ်ရှည်လက်ရှည် ပေါင်းစပ်ဖန်တီးပြုလုပ်ပေးလိုက်ကြပါသည်။ နောက်ဆုံးထွက် ပစ္စည်းများမှာ ငှက်များ၊ ကချေသည်များ၊ ပန်းများ၏ ထင်ရှားသောပုံရုပ်များ ဖြစ်ကြပါသည်။
စိတ်ဓါတ်ပြင်းပြလျှင် လုပ်နိုင်တာကို တားဆီးနိုင်သည့်အရာမရှိကြောင်းနှင့်၊ အခွင့်အရေးမရှိဆုံးသူများပင် ကျွန်မတို့၏ ဆရာများနှင့်ကျေးဇူးရှင်များဖြစ်နိုင်ကြောင်း ဒီဖြစ်ရပ်က ထင်ရှားသောကြေညာချက် ဖြစ်ပါသည်။
အကျဉ်းကျရဲဘော်များထံမှ လက်ရာမြောက်သောလက်ဆောင်များကို မကြာခဏ ကျွန်မလက်ခံရရှိခဲ့ပါသည်။ သစ်သား သို့မဟုတ် ဆပ်ပြာ သို့မဟုတ် ဖယောင်းများဖြင့် အနုစိတ်ပြုလုပ်ထားသော ရုပ်ထုများ၊ တိရစ္ဆာန်ပုံစံများ၊ အရုပ်များ၊ စိတ်ပုတီးများနှင့် ပလပ်စတစ်စများဖြင့်ရက်လုပ်ထားသော ဈေးဝယ်အိတ်များ၊ ကျွန်မတို့၏အကျဉ်းချခံနေရသည့်အမျိုးသမီးရဲမေများပြုလုပ်ပေးသည့် လွတ်လပ်မှု၊ တရားဥပဒေနှင့်ငြိမ်းချမ်းရေး၊ အချစ်၊ သဟဇာတမျှခြင်းနှင့်စည်းရုံးမှု၊ ဇွဲနှင့်မြော်လင့်ခြင်း အမှတ်အသားများကို လှပစွာပုံဖော်ပန်းထိုးထားသည့် အဝတ်စများ တို့ကို လက်ဆောင်ရခ့ပဲါသည်။
ကျွမ်းကျင်သိမ်မွေ့စွာ ပန်းထိုးပုံဖော်ချက်တခုစီသည် ကျွန်မတို့၏ရဲမေများ၏ မယိမ်းယိုင်သည့်မြော်လင့်ချက်များနှင့် စိတ်ဓါတ်တက်ကြွမှုများကို သူတို့ထက် ပိုမိုသက်သာလွယ်ကူသော အခြေအနေတွင်နေထိုင်ကြရသော ကျွန်မတို့ကို ထုတ်ဖော်ပြသနေကြပါသည်။
ယင်းကြောင့် အရောင်အသွေးစုံ သပ်ယပ်သည့်အဝတ်အစားများနှင့် မွေးရာပါ မြူးကြွနေသော ဂျင်မီနီခရစ်ခက် ပုံရိပ်သည် ကျွန်မကို ယုံကြည်ချက်၏ဆီလျော်သောပြယုဂ်အဖြစ် ထင်မြင်စေပါသည်။ယုံကြည်ချက်ကို ထိန်းသိမ်းစောင့်ရှောက်သူများသည် ပျော်ရွှင်မြူးကြွသော အရောင်အသွေးတောက်ပသော တီထွင်ကြံဆသော သူများဖြစ်ကြပါသည်။ သူတို့အားလုံးသည် အဆင်မပြေသောဘဝများကိုရှေ့ရှုနေရလင့်ကစား သက်တောင့်သက်သာ အဆင်ပြေမှုများကို ဖန်တီးနေကြသူများဖြစ်ကြပါသည်။
ဖေဖော်ဝါရီ ၆ ရက်။၂၀၁၁
(ဖေဖော်ဝါရီ ၆၊ ၂၀၁၁ နေ့ထုတ် MAINICHI DAILY NEWS သတင်းစာတွင်ဖော်ပြထားသော
ဒေါ်အောင်ဆန်းစုကြည်၏ Keepers of Conscience ကိုပြန်ဆိုပါသည်။)
မောင်မောင်လှကြိုင်
