မည်သူမဆို မိမိသားသမီး မကောင်းကြောင်း မပြောချင်ကြ။ ဆဒမ်အနေဖြင့် သူ့သားသမီးများ အပေါ်တွင် ရှိသည့် စိတ်ခံစားမှုများကို အမှန်အတိုင်း ဖော်ထုတ်နိုင်လျှင် အကျိုးရှိမည်ဟု ပိုင်ရိုက ယူဆသည်။ ဆဒမ်က သူ့သားသမီးများနှင့် ပတ်သက်သော ခံစားမှုအမှန်ကို ပိုင်ရိုအား ထုတ်ဖော်ပြောလာပြီဆိုလျင် သူ၏ အခြားလျှို့ဝှက်သော ကိစ္စရပ်များကိုပါ ဖော်ထုတ်နိုင်မည်ဟု ပိုင်ရိုက တွက်ထားသည်။ ထို့ကြောင့် သားသမီးများ အကြောင်းကို မေးမြန်းတိုင်း-
''ဒါတွေထားလိုက်ပါကွာ။ ကိုယ့်သားသမီး အကြောင်းပြောရတာ မကောင်းပါဘူး။ သားသမီးဆိုတာ ဘုရားသခင် ပေးလိုက်တဲ့အတိုင်း ငါတို့ဆီမှာ လာပိုက်မိ နေတာပဲ။ တို့က ဘာမှတတ်နိုင်တာ မဟုတ်ဘူး'' ဟု ဆဒမ်က ဆိုသည်။
ဆဒမ်သည် တစ်နေ့လျှင် ငါးကြိမ် ဘုရားရှိခိုးသည်။ ကိုရမ်လည်း ဖတ်သည်။ ယင်းနှင့်ပတ်သက်၍ ပိုင်ရိုက ''ဘာသာရေးကို သူရောက်ရှိနေတဲ့ အခြေအနေအရ လုပ်တာပါ။ လူတွေဟာ ထောင်ထဲရောက်မှ ဘုရား ကိုသတိရကြတယ်။ ပဲရစ် ဟီလ်တန်လဲ ထောင်ထဲမှာ ဘုရားသခင်ကို ရှာတွေ့သွားတာပဲ မဟုတ်လား''ဟု ပြောသည်။
ဆဒမ်က သူသည် ဘုရားသခင်ကို ယုံကြည်သော်လည်း ကိုင်းရှိုင်းလွန်းသူတော့ မဟုတ်ကြောင်း။ ဘာသာရေးနှင့် အစိုးရတို့ကို မရောထွေး သင့်ကြောင်း။ သူ၏ ဘတ်ပါတီသည် ဘာသာရေး အပေါ်တွင် အခြေမခံကြောင်း။ ဘတ်ပါတီကို စဦးတည် ထောင်ခဲ့သူသည် ခရစ်ယာန် တစ်ဦးဖြစ်ကြောင်း။ သို့သော် အနောက်နိုင်ငံ များနှင့် ပေါင်းကာ တိုင်းပြည်ကို တိုက်ခိုက်သူ မှန်သမျှသည် သူ၏ရန်သူဖြစ်ကြောင်း ပြောသည်။
အိုစမာ ဘင်လာဒင်သည် ဘာသာရေး အစွန်းရောက်သူဖြစ်ပြီး စိတ်မချရသူ ဖြစ်ကြောင်း။ သူနှင့် ဘင်လာဒင်သည် ယုံကြည်ချက် မတူသလို၊ အမြင်ချင်းလည်း မတူကြောင်း။ မည်သည့်အခါကမျှ ဘင်လာဒင်နှင့် လူချင်းတွေ့ဖူးခြင်း မရှိကြောင်း ဆဒမ်က ပြောသည်။ ဘင်လာဒင်သည် အီရတ် အတွက်ရော သူ့အတွက်ပါ အန္တရာယ်ကောင်ဟု ဆဒမ်က မြင်သည်။
''ဘင်လာဒင်ဆိုတဲ့ ကောင်က အရူးပဲ။ အရူးဆိုတာ ယုံလို့မရဘူး'' ဟု ဆဒမ်က ပိုင်ရိုကို ပြောသည်။
ပိုင်ရိုက ဘင်လာဒင်နှင့် အီရတ်အစိုးရတို့၏ ဆက်ဆံမှုများမှာ သက်သေ အခိုင်အမာ ရှိကြောင်း။ ၁၉၉၄ ခုနှစ်က အီရတ်ထိပ်တန်း အရာရှိ တစ်ဦးသည် ဆူဒန်တွင် ဘင်လာဒင်နှင့် တွေ့ဆုံခဲ့ကြောင်း။ ဘင်လာဒင်၏ လက်ထောက်တစ်ဦးလည်း ဘဂ္ဂဒက်သို့ နှစ်ကြိမ်လာရောက်၍ ဒေါ်လာဆယ်သန်း အကူအညီ တောင်းခံခဲ့ဖူးကြောင်း ပိုင်ရိုက ထောက်ပြသည်။ ပိုင်ရိုပြောသည့် အချက်များ မှန်ကန်ကြောင်း ဆဒမ်က ဝန်ခံသည်။
ဆဒမ်သည် ဝိုင်အရက် အကောင်းစား၊ ဂျော်နီဝါကား အပြာပတ်၊ အကောင်းစား ကျူးဘားဆေးပြင်း လိပ်တို့ကို ကြိုက်သည်။ မိန်းမတို့ အကြောင်း အားရပါးရ ပြောတတ်သည်။ သူသည် ဘာသာရေးကိုင်း ရှိုင်းသူမဟုတ်ဟု ပိုင်ရိုကို ပြောပြသည်။ ဆဒမ်သည် မိန်းမကိစ္စကို ဝါသနာ ထုံသလို မြင်းကိုလည်း စိတ်ဝင်စားသည်။ စစ်ရေးပြ အခမ်းအနားတွင် စစ်ဝတ်စုံအပြည့်ဖြင့် မြင်းဖြူ စီးကာ တပ်များကို လှည့်လည်စစ် ဆေးရသည်ကို ဆဒမ် အလွန်သဘော ကျသည်။
ဆဒမ်သည် ပိုင်ရို အပေါ်တွင် စိတ်ဓာတ်ရေးရာအရ မှီခိုလာစေရန် ပိုင်ရိုက ကြိုးစားသည်။ အင်္ဂလိပ် စကားပြော ဆရာဝန်များမှအပ ဆဒမ်သည် မည်သူနှင့်မျှစကားပြောခွင့်မရ။ ဆဒမ်အားမေးမြန်းနေစဉ် မှတ်တမ်း လိုက်ရေးသော အက်ဖ်ဘီအိုင် အေး ဂျင့်သည်ပင်လျှင် ဆဒမ်အား စကား မပြောရပေ။
အကျဉ်းခန်းအပြင်ဘက်ရှိ မြေကွက်လပ်ငယ်လေးသို့ ဆဒမ်အား တစ်နေ့လျှင် နှစ်ကြိမ် ထွက်ခွင့်ပေးသည်။ ကိုယ်လက်လှုပ်ရှားနိုင်ရန် ဖြစ်သည်။ မကြာခဏ ဆိုသလို ကွက်လပ်လေးတွင် ပိုင်ရိုသည် ဆဒမ်နှင့် စကားစမြည်ပြောသည်။ နိုင်ငံရေး၊ သမိုင်း၊ အနုပညာ၊ အားကစား စသည့်အကြောင်းရပ်များကို ပြောဖြစ် ကြသည်။ ပိုင်ရို၏မိခင် လက်ဆောင်ပေးသော ပန်းမျိုးစေ့များကို ထိုကွက် လပ်တွင် ဆဒမ်ကတွင် ပျိုးထားသည်။ တူးဆွသည့်ကိရိယာကို ကိုင်ဆောင်ခွင့် မရှိသည့်အတွက် ဆဒမ် ပန်းမျိုးစေ့ချရာတွင် လက်ချောင်းများဖြင့် မြေသားကို တူးဆွရသည်။
စစ်တပ်က ဖျော်ပေးသော ကော်ဖီသည် ဆဒမ်အဖို့ ပေါ့ရွှတ်ရွှတ် ဖြစ်နေသည့်အတွက် ပိုင်ရိုက ကိုယ်တိုင်ရေနွေးအိုးတည်ကာ သူ့အတွက် ကော်ဖီ ပြင်းပြင်းခါးခါး ဖျော်ပေးသည်။ ဆဒမ်အားဆေးစစ်ရန် ဆေးရုံသို့ ရဟတ်ယာဉ်ဖြင့် ခေါ်သွားသည့် အခါတွင်လည်း ပိုင်ရိုက အမြဲအတူ လိုက်ပါသည်။ ခေါ်သွားသည့်အခါတိုင်း ဆဒမ်အား လက်ထိပ်ခတ်ပြီး မျက်နှာကို အဝတ်စည်းကာ ခေါ်သွားသည်။
''သူ့ကို ဆေးစစ်ဖို့ ဆေးရုံကို ညသန်းခေါင် ဝန်းကျင်မှာပဲ ခေါ်သွားလေ့ ရှိတယ်။ အဲဒီအချိန်တုန်းက ဆဒမ်ကို တစ်နေရာက တစ်နေရာကို ရွှေ့ပြောင်းရတာ သည်းထိတ်ရင်ဖိုပဲ။ ဘဂ္ဂဒက် တစ်မြို့လုံး ပစ်သံခတ်သံတွေ ဆူညံနေတာ မဟုတ်လား''ဟု ပိုင်ရိုက ပြောသည်။ ဘဂ္ဂဒက် မြို့ပေါ်တွင် ရဟတ်ယာဉ် ဖြတ်သန်းနေခိုက် စည်းထားသော အဝတ်ကို ပိုင်ရိုကဖြုတ်ပေးပြီး ဆဒမ်အားမြို့ကို ကြည့်စေသည်။ ကမ္ဘာ့အခြားသော မြို့ကြီးများကဲ့သို့ပင် ဘဂ္ဂဒက်သည် မီးရောင်တို့ဖြင့် ထိန်ထိန်လင်းလျက် ''ခင်ဗျား မရှိတော့ပေမယ့်လဲ အီရတ်နိုင်ငံဟာ ရှေ့ဆက်သွားနေတာပဲ'' ဟု ပိုင်ရိုက စကားလုံးမဲ့ ပြောပြလိုက်ခြင်း ဖြစ်သည်။
ဆေးရုံသို့ ရောက်လာသည့်အခါ ဆဒမ်က ''မင်းငါ့စိတ်ကို သိနေသလိုပဲ။ ငါက ဘဂ္ဂဒက်မြို့ သိပ်ကြည့်ချင် မြင်ချင်နေတာ။ ကျေးဇူးပါပဲကွာ'' ဟု ပြောသည်။
ဆဒမ် ကဗျာရေးနိုင်စေရန် ပိုင်ရိုက ကော်ပီစာအုပ်တစ်အုပ် ပေးထားသည်။ ဆဒမ်က နေ့တိုင်းကဗျာစပ်သည်။ တစ်နေ့ ကဗျာနှစ်ပုဒ်စပ်သည်။ ပိုင်ရို ရောက်လာသည့်အခါ ဆဒမ်က ကဗျာတွေကို ဖတ်ပြသည်။ ကဗျာ အများစုမှာ အာရပ်ရှေးပုံစံ မေတ္တာဘွဲ့ ကဗျာများ ဖြစ်သည်။ တစ်ပုဒ်စ နှစ်ပုဒ်စမှာ သင့်သော်လည်း အများစုမှာ အရည်အသွေး မရှိသော ကဗျာများ ဖြစ်သည်ဟု ပိုင်ရိုက ပြောသည်။ မည်သို့ပင်ဆိုစေ ဆဒမ်၏ ကဗျာများကို ချီးကျူးပြောဆို ပေးခြင်းဖြင့် ရင်းနှီးမှုကို ရယူသည်။
''ကျွန်တော် ချီးကျူးတာကြောင့်လား မသိဘူး။ ဆဒမ်ဟာ သူ့ကိုယ်သူ ကဗျာစာဆိုအဖြစ် ထင်လာတယ်။ သူပြောခဲ့သမျှ မိန့်ခွန်းတွေကို သူကိုယ်တိုင် ရေးတာပါလို့လဲ ပြောတယ်''ဟု ပိုင်ရိုက ပြန်ပြောပြသည်။
ဆဒမ်သည် အနောက်နိုင်ငံများက ထင်မှတ်ထားသည်ထက် များစွာပိုမို ပါးနပ်ကြောင်း ပိုင်ရိုတွေ့လာရသည်။ ဆဒမ်သည် သူ့ပြည်သူများနှင့် မည်သို့ထိစပ် နေရမည်ကို ကောင်းစွာ သိသည်။ ပြည်သူတို့၏ အသံကို လည်းနားထောင်သည်။ ပြည်သူ့အသံကို ကြားနေစေရန် သတင်းကွန်ရက်များကို ဖန်တီးထားသည်။
''မိန်းမတွေဟာ အကောင်းဆုံး သတင်းအရင်း အမြစ်တွေပဲ။ သူတို့ဟာ ယောက်ျားသားတွေထက် ပိုပြီး သတင်းစုံတယ်။ သူတို့ သိထားတာတွေကို ယောက်ျားတွေထက် ပိုပြီး ပြည့်ပြည့်စုံစုံ တိတိကျကျ ပြန်ပြော နိုင်ကြတယ်'' ဟု ဆဒမ်က ပိုင်ရိုကို ပြောသည်။
ဆဒမ်သည် သူ့ကို အာဏာ မသိမ်းနိုင်အောင် ကြိုတင်ကာကွယ် ထားသည်။ သူ၏ စိတ်အချရဆုံး လူယုံများကို အာဏာသိမ်းပွဲ အတုအယောင် တစ်ခုကို ဖန်တီးခိုင်းပြီး လူများကို စည်းရုံးခိုင်းသည်။ အာဏာသိမ်းပွဲတွင် ပါဝင်ရန် လူယုံများအား လိုက်လံစည်းရုံးခိုင်းသည်။ စည်းရုံး၍ ပါလာသူများကို ဆဒမ်က ကွပ်မျက်ပစ်သည်။ သူ၏အနီးကပ် တပ်မတော် အရာရှိကြီးများနှင့် ထိပ်တန်း အရာရှိကြီးများကို ဤနည်းဖြင့် စမ်းသပ်မည်ဟု အသိပေးထားသည်။ ထိုအခါ အားလုံးတုတ်တုတ်မျှ မလှုပ်ရဲကြတော့။ အားလုံး ငြိမ်ဝပ်နေစေရန် ထိုနည်းဖြင့် ကိုင်ထားသည်။ သူ့အား ကြောက်ရွံ့သဖြင့် သူ့အနီးသို့ မကပ်ကြတော့။
ဤသို့ဖြင့် ဆဒမ်သည် အထီးကျန်လာသည်။ ၁၉၉ဝ ပြည့်လွန်နှစ် များမှစ၍ လက်တွေ့အရှိတရားနှင့် ဆဒမ်သည် ကင်းကွာလာသည်။ ဆဒမ်က ''ငါ့ကို လူတွေက အခု ဘယ်လိုပြောဆို နေကြတယ်ဆိုတာ ငါဂရုမစိုက်ဘူး။ နောက်လာမယ့် နှစ်ငါးရာ တစ်ထောင်မှာ ငါ့အပေါ် ဘယ်လို အကဲဖြတ်ကြမလဲ ဆိုတာကိုပဲ ဂရုစိုက်တယ်'' ဟု ဆဒမ် က ပိုင်ရိုအား ပြောသည်။ မည်သို့ပင် လူတွေက ဝေဖန်ကြစေကာမူ ငါမှန်တယ် ထင်တာကို လုပ်တယ်ဆိုသည့် သဘော ဖြစ်သည်။
ဆဒမ်အား လက်တွေ့အရှိတရားဆီသို့ ပြန်ခေါ်လာရန် လိုအပ်သည်ဟု ပိုင်ရိုတွေးလိုက်သည်။ အမေရိကန်တို့ သိမ်းပိုက်ပြီး ဘဂ္ဂဒက်တွင် ဆဒမ်၏ ရုပ်တုကို ဖြိုလှဲသည့် ဗီဒီယိုကို ဆဒမ်အား ပြလိုက်သည်။ အီရတ် စစ်တပ်က လူသားဒိုင်းအဖြစ် အသုံးပြု ခံခဲ့ရသူများနှင့် အနှိပ်စက် ခံခဲ့ရသူများ၏ ထွက်ချက်များကိုလည်း ဖတ်ပြလိုက်သည်။ ဤသည်မှာလည်း စစ်မေးခြင်းနည်း တစ်နည်းဖြစ်သည်။ ချော့မော့လိုက် ဆွပေးလိုက် လုပ်သည့်နည်း ဖြစ်သည်။
ဆဒမ်၏ မျက်လုံးအစုံသည် ဒေါသအခိုးတို့ဖြင့် ဆူဝေသွားပြီး မျက်နှာလွှဲလိုက်သည်ကို ပိုင်ရိုတွေ့ လိုက်ရသည်။ ဒေါသအပြင်သို့ ပေါက်ထွက် မသွားရန် ဆဒမ်က သူ့ကိုယ်သူ ထိန်းလိုက်ခြင်းဖြစ်သည်။ ဆဒမ် ဒေါသထွက်လျင် မျက်နှာတစ်ခုလုံး ခြင်းခြင်းနီသွားပြီး အသံလည်း ပြောင်းသွားသည်ကို ပိုင်ရိုက သတိထားမိသည်။
ဧပြီလ ၂၈ ရက်နေ့သည် ဆဒမ့်မွေးနေ့ ဖြစ်သည်။ ဆဒမ် ဘုန်းမီးနေလ တောက်ပစဉ်ကာလက သူ့မွေးနေ့ပွဲကို အီရတ်ပြည်သူတိုင်း ပါဝင်ဆင်နွှဲရသည်။ ပျက်ကွက်သူသည် ထောင်သွင်းအကျဉ်းချ ခံရသည်။ အသတ်ခံရသည်။
၂ဝဝ၄ ခုနှစ် ဧပြီလ ၂၉ ရက်။ ဆဒမ်၏ မွေးနေ့ နောက်တစ်နေ့ ဖြစ်သည်။ သတင်းစာတွင် ဆဒမ်၏ မွေးနေ့ကို မည်သူမျှ မကျင်းပကြောင်း ပါရှိသည်။ ထိုသတင်းစာကို ပိုင်ရို က ဆဒမ်အား ပြလိုက်သည်။
ပိုင်ရိုက ဆဒမ်အတွက် မွေးနေ့ လက်ဆောင်ပေးသည်။ ပိုင်ရို့အမေ ဖုတ်ပေးသော လက်ဘနွန် ဘီစကစ် တစ်ပုံးနှင့် ခေါင်းစွပ်တစ်ခု ဖြစ်သည်။ ဘီစကစ်ကို ပိုင်ရိုအတွက် သူ့အမေက ဖုတ်ပေးခြင်း ဖြစ်သည်။ ထိုဘီစကစ်သည် ဆဒမ်ဟူစိန် အတွက်ဖြစ်ကြောင်း သူ့အမေသာ သိပါက ဖုတ်ပေးလိမ့်မည် မဟုတ်ပေ။
မည်သူမျှ ဆဒမ်ကို ဂရုမစိုက် ကြတော့သည့် အချိန်တွင် ပိုင်ရိုက ဂရုတစိုက်ရှိကြောင်း ပြသလိုက်ခြင်း ဖြစ်သည်။ ဆဒမ်၏ ယုံကြည်ကိုးစားမှုကို ရယူခြင်း ဖြစ်သည်။
အခြားအာရပ် ခေါင်းဆောင်များနှင့် မတူညီသော အချက်မှာ ဆဒမ်သည် ပါလစ္စတိုင်းကို အစဉ်တစိုက် ထောက်ခံသူ ဖြစ်သည်။ ထို့အတွက်လည်း သူက များစွာဂုဏ်ယူသည်။ အခြား အာရပ်ခေါင်းဆောင်များသည် သူတို့ အကျိုးရှိသည့် အခါတွင်မှ ပါလစ္စတိုင်းကို ထောက်ခံသည်။ ဆဒမ်က အစ္စရေးကို ခြိမ်းခြောက်မှုဟု မယူဆ။ အစ္စရေး ပြဿနာသည် အာရပ်တို့ ရင်ဆိုင်နေရသော အခြား ပြဿနာများကို မေ့လျော့သွားစေသည်ဟု ဆဒမ်ကဆိုသည်။
၁၉၉ဝ ခုနှစ်တွင် အီရတ်က ကူဝိတ်ကို တိုက်ခိုက်သိမ်းပိုက်ရခြင်းမှာ ကူဝိတ်သည် အီရတ်ပိုင်နက် အတွင်းရှိ ရေနံများကို ခိုးတူးခြင်းနှင့် အီရတ်တို့ပေးရန်ရှိသော အကြွေးများကို တောင်းခြင်းကြောင့်ဟု ဆဒမ်က ပြောပြသည်။ တကယ့်အကြောင်းရင်းမှာမူ ကူဝိတ်စော်ဘွား အယ်လ်ဆဘား Al Sabah ကို ဒဏ်ခတ်လို၍ ဖြစ်သည်ဟု ပိုင်ရိုကဆိုသည်။
အီရတ်နှင့် ကူဝိတ်အကြား ရှိနေသော ပြဿနာများကို ဖြေရှင်းရန် ဆဒမ်က သူ၏ နိုင်ငံခြားရေး ဝန်ကြီးကို ကူဝိတ်သို့စေလွှတ်သည်။ ကူဝိတ်စော်ဘွားနှင့် ဆွေးနွေးရာတွင် မပြေလည်သည့်အပြင် စော်ဘွားက ''ကျုပ်တို့လုပ်နေတာ (ရေနံခိုးတူးခြင်း)ကို ဆက်လုပ်မှာပဲ၊ အီရတ်မှာရှိတဲ့ မိန်းမတွေအားလုံး ဆယ်ဒေါ်လာတန်တွေ ဖြစ်ကုန်တဲ့ အထိကို လုပ်မှာဘဲ''ဟု ရိုင်းပြစွာ ပြောသည်။ ဆဒမ် တစ်ယောက် ဒေါသအိုး ပေါက်ကွဲတော့သည်။ ကူဝိတ်ကို အီရတ်က သိမ်းပိုက်အပြီးတွင် အမေရိကန်က ပြင်းထန်စွာ တုံ့ပြန်တိုက်ခိုက်သည်။ အမေရိကန်တို့ ဤမျှ မြန်ဆန်ပြင်းထန်စွာ တုံ့ပြန်လိမ့်မည်ဟု ဆဒမ်က မျှော်လင့်မထားခဲ့။
အမေရိကန်ကို ခုခံတိုက်ခိုက်ရာတွင် အီရတ်သည် နည်းဗျူဟာ အမှားကျူးလွန်ခဲ့သည်ဟု ဆဒမ်က ဝန်ခံသည်။ အမေရိကန်၏ လေကြောင်း အင်အားသာလွန်မှုကို သိသဖြင့် မြေပြင်တွင် ရင်ဆိုင်ရန် ပြင်ဆင်ခဲ့သည်။ သို့သော် အမေရိကန်သည် မြေပြင်တပ်ချင်း ရင်မဆိုင်ဘဲ လေကြောင်းမှသာ ရက်အတော်ကြာ မနားတမ်း ဗုံးကြဲခဲ့သဖြင့် အီရတ်မှ ကူဝိတ်သို့ ထောက်ပို့လမ်းကြောင်းများ ပြတ်တောက်ကုန်သည်။
အမေရိကန် မြေပြင်တပ်များ ပါဝင်လာစေရန် စစ်မြှူသည့် အနေဖြင့် ကူဝိတ်ရှိ ကာဖ်ဂျီ Khafji တွင် တပ်စွဲထားသည့် မရင်းတပ်ခွဲကို ဝင်တိုက်သည်။ သို့သော် အမေရိကန်၏ လေကြောင်းတိုက်ခိုက်မှု အောက်တွင် အီရတ်တို့ အတုံးအရုံး ဖြစ်ကုန်သည်။ အီရတ်တပ်များ စိတ်ဓာတ်ပျက်ပြားကာ လက်နက်ချလိုက်ရသည်။ ကန္တာရ မုန်တိုင်းစစ်ဆင်ရေး Desert Storm အပြီးတွင် အမေရိကန်ကို ဆဒမ်က ရန်သူအဖြစ် သတ်မှတ်လိုက်သည်။
ငါဆိုမှ ငါ။ ငါ လုပ်သမျှ မှန်သည်ဆိုသည့် အတ္တမာန ကြီးမားလွန်းသည့် ဆဒမ်က ကူဝိတ်တွင် အမှားကျူးလွန် မိပါသည်ဟု ပိုင်ရိုကို ဝန်ခံသည်။ စက်တင်ဘာ ၁၁ ရက် နေ့တိုက်ခိုက်မှုအား အမေရိကန် သမ္မတနှင့် ပြည်သူတို့၏ တုံ့ပြန်မှု အတိုင်းအတာကို ဆဒမ်အတွက် မှားပြန်သည်။ အမေရိကန်သည် အီရတ်အား ပထမ ပင်လယ်ကွေ့ စစ်ပွဲကကဲ့သို့ အကန့်အသတ်ဖြင့်သာ ဗုံးကြဲလိမ့်မည်ဟု သူက တွက်ဆခဲ့သည်။ ထိုအမှားကြောင့်ပင် သူသည် အီရတ်နိုင်ငံကို လက်လွတ်ဆုံးရှုံး ခဲ့ရသည်။
စက်တင်ဘာ ၁၁ ရက်နေ့ တိုက်ခိုက်မှုကို ထောက်ခံသော နိုင်ငံဟူ၍ အီရတ်တစ်နိုင်ငံသာ ရှိကြောင်း ပိုင်ရိုက ပြောသည်။ ဆဒမ်က မဟုတ်ဟု ငြင်းသည်။ ပိုင်ရိုက တိုက်ခိုက်မှုကို အီရတ် သတင်းစာများက ချီးကျူးရေးသားခဲ့ကြောင်း ထောက်ပြသည်။
တိုက်ခိုက်မှုကို ဆန့်ကျင်သည် ဆိုလျှင် မည်သည့်အတွက် အီရတ် ကုလသမဂ္ဂ သံအမတ်ကြီးသည် စက်တင်ဘာ ၁၁ ရက်တွင်သေဆုံးရ သူများအတွက် ဆုတောင်းပွဲသို့ မတက်ရောက်ရသနည်းဟု ပိုင်ရိုက မေးခွန်းထုတ်သည်။ ဆုတောင်းပွဲသို့ တက်ရောက်ခွင့်ပြုရန် နိုင်ငံခြား ရေးဝန်ကြီး တဲရစ်အာဇစ်ကခွင့် တောင်းသည်ကို သူမှတ်မိကြောင်း။ အီရတ်သံအမတ်ကြီးသည် ကုလသမဂ္ဂ သံအမတ်အဖြစ် ဆုတောင်းပွဲသို့ တက်ရောက်ခဲ့ကြောင်း ဆဒမ်က ဝေ့လည်ကြောင်ပတ်ဖြေသည်။
တိုက်ခိုက်မှုကို ရှုတ်ချသော အယ်ဒီတာထံပေးစာ တစ်စောင်ကို သူကိုယ်တိုင်ရေးခဲ့ကြောင်း။ နိုင်ငံခြား ရေးဝန်ကြီး တဲရစ်အာဇစ်ကလည်း တိုက်ခိုက်မှုကို ရှုတ်ချသော စာရေး လျက် ရမ်ဆေးကလပ်ထံသို့ပေးပို့ခဲ့ သေးသည် ဟု ဆဒမ်က ဆိုသည်။
အီရတ်တွင် အစုအပြုံလိုက်သေ စေနိုင်သော လက်နက်များ မရှိဟု ဆဒမ်က ပိုင်ရိုကို ပြောပြသည်။ လက်နက်အများစုကို ၁၉၉ဝ ပြည့် နှစ်က ကုလသမဂ္ဂ စစ်ဆေးရေးအဖွဲ့ ကဖျက်ဆီးခဲ့သည်။ ထိုသို့သောလက် နက်များ ပိုင်ဆိုင်ထားသည်ဟု အများ ကထင်မြင်စေရန် ဟန်ဆောင်ခဲ့ခြင်း သာဖြစ်သည်။ ယင်းသို့လုပ်ရခြင်း မှာလည်း အီရတ်နှင့် ရန်ငြိုးမပြေနိုင် ဖြစ်နေသော အီရန်ကြောင့် ဖြစ်သည် ဟု ဆဒမ်ကပြောပြသည်။ အီရန် သည် အီရတ်ကို ရှိန်နေစေရန်ဖြစ် သည်။ အစုအပြုံလိုက် သေစေနိုင် သော လက်နက်များရှိနေပါသည်ဟု အီရတ်က ကြေညာစေဦးတော့ အီရန် က ယုံကြည်မည်မဟုတ်ပေ။ သို့ သော် အီရတ်တွင် ထိုလက်နက်များရှိ နေသည်ဟု အမေရိကန်က ပြောဆို ခြင်းကိုတော့ အီရန်ကယုံကြည်သည်။
ကုလသမဂ္ဂ လက်နက်စစ်ဆေး ရေးအဖွဲ့များ ရောက်လာတိုင်း အီရတ် အရာရှိများသည် ဟိုကွေ့သည်ရှောင် လုပ်ပေးခြင်းဖြင့် လက်နက်များရှိနေ သည်ဟု အီရန်အား အထင်ရောက် စေသည်။ အမှန်စင်စစ် အီရတ်၏ အစုအပြုံလိုက်သေစေနိုင်သော လက်နက်များသည် ၁၉၉၁ ခုနှစ်တွင် လုံးဝ ဖျက်ဆီးပစ်ခဲ့ပြီးဖြစ်သည်။
အနုမြူလက်နက် ပိုင်ဆိုင်နိုင်ရန် ဆဒမ်သည် အမှန်ပင် ကြိုးစားခဲ့သည်။ အစုအပြုံလိုက်ေ သစေနိုင်သော လက်နက်သည် သူ၏ အာဏာသက်ကို ရှည်စေမည်ဟု ဆဒမ်က ယုံကြည်သည်။ အမေရိကန်က ချမှတ်ထားသော ပိတ်ဆို့ကန့်သတ်မှုသည် တစ် နှစ် နှစ်နှစ်အတွင်းပြီးဆုံးသွားမည်ဟု ဆဒမ်က မျှော်လင့်ထားခဲ့သည်။ ထိုသို့ ပြီးဆုံးသွားသည့်အခါ အစုအပြုံလိုက် သေစေနိုင်သည့် လက်နက်များ ထုတ် လုပ်ရေးကို ပြန်လည်စတင်ရန် သူက ကြံစည်ထားသည်။
အမေရိကန်နှင့် ကုလသမဂ္ဂတို့ လည်း ကန့်သတ်ပိတ်ဆို့မှုကို ဖယ် ရှားပေးရန် စီစဉ်ထားခဲ့ပြီးဖြစ်သည်။ သို့သော်စက်တင်ဘာ ၁၁ ရက်တိုက် ခိုက်မှုသည် အခြေအနေ အားလုံးကို ကပြောင်းကပြန်ဖြစ်သွားစေသည်။ ဘုရ်ှကို သူလျှော့တွက်ခဲ့ကြောင်း ဆဒမ်က ဝန်ခံပြောကြားသည်။
အမေရိကန်တို့ မလွဲမသွေ ဝင်တိုက်တော့မည်ကို သိလာသည့်အခါ ဆဒမ်က လက်နက်စစ်ဆေး ရေးအဖွဲ့ကို ပြန်လည်လက်ခံ ပါမည်ဟု ကြေညာရတော့သည်။ သို့သော် စစ်ဆေးရေးအဖွဲ့များကို သမ္မတ အိမ်တော် ခုနစ်လုံး အတွင်းသို့ ဝင်ခွင့်ပြုမည် မဟုတ်ဟု ချွင်းချက်ထားသည်။
စက်တင်ဘာ ၁၁ ရက် အဖြစ်အပျက်၏ အကျိုးဆက် ရိုက်ခတ်မှုသည် ကြီးမား ပြင်းထန်လွန်းသည့်အတွက် ဆဒမ် မည်သို့မျှ မတတ်နိုင်တော့။ ၂ဝဝ၃ ခုနှစ် မတ်လ ၁၉ ရက်နေ့ ည ၉ နာရီ ၃၃ မိနစ်တွင် အမေရိကန်က စတင်တိုက်ခိုက်တော့ သည်။
ဆဒမ်ဟူစိန်သည် ဒိုရာဖန်းမ် Dora Farm ဟု အမည်ပေးထားသည့် ဘန်ကာတွင် ရှိနေသည်ဟု စီအိုင်အေက သတင်းရထားသည်။ တစ်တန်လေးသော ဂြိုဟ်တုလမ်းညွှန် ဗုံးနှစ်လုံးသည် ဒိုရာဖန်းမ်သို့ တိုက်ရိုက် ထိမှန်သည်။ ပါရှန်းပင်လယ်ကွေ့နှင့် ပင်လယ်နီ အတွင်းရှိ အမေရိကန် စစ်သင်္ဘောနှင့် ရေငုပ်သင်္ဘောတို့က ခရုစ်ဒုံးအစင်း သုံးဆယ်ပစ်လွှတ်လိုက်သည်။ လေးဆယ့်ငါးမိနစ် အကြာတွင် စစ်ပွဲစတင်ပြီဖြစ်ကြောင်း သမ္မတ ဘုရ်ှက ကြေညာသည်။
ဆဒမ်သည် ဗုံးအောက်တွင် အသက်ပျောက်မည့်ဘေးမှ လက်မတင်လေး လွတ်သွားခြင်းဖြစ်သည်။ ဗုံးကျမလာမီ အချိန်အထိ ဆဒမ်သည် ဒိုရာဖန်းမ်တွင် ရှိနေခဲ့သည်ဟု သူက ပိုင်ရိုကို ပြောပြသည်။ စီအိုင်အေက ဖော်ထုတ်ပေးထားသည့် ဒုတိယ ပစ်မှတ်မှလည်း ဆဒမ် သီသီလေး လွတ်ခဲ့ရသည်။ ထိုနေရာမှာ မန်းဆူးရပ်ကွက်ရှိ စံအိမ်ဖြစ်သည်။
သူ့အား အီရတ်မှ ထွက်ခွာပြီး ဆော်ဒီအာရေဗျတွင် သွားရောက် နေထိုင်နိုင်ရန် အမေရိကန်က အခွင့်အရေး ပေးခဲ့သော်လည်း သူကမယူခဲ့။ ယင်းသို့ ထွက်ပြေးသွားလျှင် အီရတ် သမိုင်းတွင် လူပျော့လူညံ့ အဖြစ် မှတ်တမ်းဝင်သွားမည်ကို သေရမည် ထက်သူကြောက်သည်။ ဤမျှအထိ သူ၏ အတ္တမာနက ကြီးမားသည်။ သူ့အတ္တမာနကြောင့် လူအမြောက်အမြား သေကျေရသည်။ တိုင်းပြည်လည်း ထောင်းလမောင်း ကျေခဲ့ရသည်။
ယင်းသို့ ဖြစ်ခဲ့ရသည့်အတွက် ဆဒမ်က နောင်တမရဟု ပိုင်ရိုက ပြောသည်။
ဆဒမ်အား စစ်မေးမှုသည် ၂ဝဝ၄ ခုနှစ် ဇွန်လတွင် ဆုံးခန်းတိုင်သည်။ ဆဒမ်အားရုံး မထုတ်မီ အဝတ်အစား ဆင်ခြင်း၊ ဆံပင်ညှပ်ခြင်းတို့ကို အက်ဖ်ဘီအိုင်ကပင် ပြုလုပ်ပေးသည်။
''သူ့ကို အမြင်တင့်တယ်စေဖို့ လုပ်ပေးတာ သူ့အတွက် မဟုတ်ပါဘူး။ ကျွန်တော်တို့ အတွက်လုပ်တာပါ။ သူဟာ နိုင်ငံအကြီးအကဲ ဖြစ်ခဲ့လို့ လုပ်ပေးတာလဲ မဟုတ်ဘူး။ သူ့ကို ကျွန်တော်တို့ ဘယ်လိုဆက်ဆံတယ်၊ ဘယ်လိုထားတယ်၊ ကျွန်တော်တို့ဟာ လူကိုတန်ဖိုးထားတဲ့ လူယဉ်ကျေးတွေ ဆိုတာကို ကမ္ဘာက သိမြင်စေချင်တယ်။ သူဘာလဲ ဆိုတာအတွက် လုပ်ပေးတာ မဟုတ်ဘူး။ ကျွန်တော်တို့ဟာ ဘယ်လို လူမျိုးတွေ ဖြစ်တယ်ဆိုတာ ကမ္ဘာက သိအောင်လုပ်ပေးတာဘဲ'' ဟု ပိုင်ရို က ပြောသည်။
၂ဝဝ၄ ခုနှစ် ဇူလိုင်လ ၁ ရက် နေ့တွင် ဆဒမ်ကို စတင်ရုံးထုတ်သည်။ တရားလို အကျိုးဆောင် အတွက် စာမျက်နှာ ခုနစ်ရာပါ မှတ်စုကို ပိုင်ရိုက ပြုစုရေးသားရသည်။ အီရတ်တရားရုံးတွင် ကြားနာသော ဆဒမ်၏အမှုကို တရားစီရင်ရာတွင် အက်ဖ်ဘီအိုင် မှတ်စုကို တရားဝင် အသုံးမပြုနိုင်ပေ။ သို့သော် အစိုးရ ရှေ့နေများ မေးမြန်းဆောင်ရွက်ရာတွင် မှတ်စုပါ အချက်အလက်များကို အသုံးပြုကာ ဆဒမ်ကို စစ်မေးနိုင် ဖြစ်သည်။
ဤနေရာတွင် ပိုင်ရို၏ အခန်းကဏ္ဍ ဆုံးခန်းတိုင်သည်။ အမေရိကန်သို့ သူမပြန်မီ ဆဒမ်အား နှုတ်ဆက်ရန် ဆဒမ်ကြိုက်တတ်သော အကောင်းစား ကျူးဘားဆေးပြင်း လိပ်နှစ်လိပ် ယူလာခဲ့သည်။ ဆေးပြင်း လိပ်ဖွာရင်း၊ ကော်ဖီသောက်ရင်းဖြင့် သူတို့နှစ်ဦး စကားစမြည် ပြောကြသည်။
ထို့နောက် ပိုင်ရိုကပြန်ရန် မတ်တတ်ရပ်လိုက်သည်။
''နောက်ထပ်တွေ့ကြရအောင်ကွာ'' ဟု ဆဒမ်ကပြောသည်။
နောက်ထပ် မတွေ့နိုင်တော့သည်ကို ပိုင်ရို ကောင်းကောင်းသိနေသည်။
ပိုင်ရိုမပြန်မီ အာရပ်ထုံးစံအတိုင်း လက်ဆွဲနှုတ်ဆက်၊ တစ်ဦးပါးကိုတစ်ဦး နမ်းကာခွဲခွာကြသည်။ ဆဒမ်၏မျက်လုံးတွင် မျက်ရည်ဝိုင်းနေသည် ပိုင်ရိုတွေ့လိုက်ရသည်။
၂ဝဝ၆ ခု နှစ် ဒီဇင်ဘာလ ၃၁ ရက်နေ့တွင် ဆဒမ်အား ကြိုးပေးကွပ်မျက်ပုံကို ရုပ်မြင်သံကြားတွင် ပိုင်ရို မြင်ရသည်။ ဆဒမ်သည် သူ့ဘဝ ဇာတ်သိမ်းကို သူ့စိတ်ကြိုက် ရွေးချယ်သွားခြင်း ဖြစ်သည်ဟု ပိုင်ရိုက ဆိုသည်။
ဆဒမ်ကို ဖမ်းဆီးစဉ်က မြေတွင်းထဲတွင် ရှိနေသော ဆဒမ်၏ လက်ထဲ၌ ပစ္စတိုတစ်လက် ရှိနေသည်။ သူ့ကိုယ်သူ အဆုံးစီရင်မည်ဆိုက စီရင်နိုင်သော အခြေအနေ ဖြစ်သည်။ သို့သော် ဆဒမ်သည် သူ၏သမိုင်းကို မြေတွင်းထဲတွင် အဆုံးမသတ်လိုကြောင်း ပိုင်ရိုကို ပြောပြသည်။
မည်သည့်တရားရုံးတွင် စီရင်သည်ဖြစ်စေ၊ သူ့ရှေ့နေများက မည်မျှပင် ခိုင်ခိုင်လုံလုံ ချေပနိုင်သည်ဖြစ်စေ သူ့အားသေဒဏ် ပေးမည်ကို ဆဒမ်က သိထားပြီး ဖြစ်သည်။ သူသည် အသက် ၆၇ နှစ်ရှိနေပြီ ဖြစ်သည်။ ထိုအသက်သည် အရှေ့အလယ်ပိုင်း သားတို့၏ ပျမ်းမျှသက်တမ်းထက် ပိုလွန်နေပြီ ဖြစ်သည်။ ဘဝ၏ အချိန်အများစုတွင် ဇိမ်ခံနေထိုင်ခဲ့ရပြီး၊ လုပ်ချင်ရာကို လုပ်နိုင်ခွင့်လည်း ရခဲ့သည်။ သေမည်ဆိုက သေပျော်သည့် အနေအထား ဖြစ်သည်။ ကြိုးစင်တွင် သေဆုံးခြင်းဖြင့် အီရတ်၏ သမိုင်းတွင် မော်ကွန်းတင်ရစ်ရမည်ဟု ဆဒမ်က ဆိုသည်။
''သူ့အပေါ် ချမှတ်ခဲ့တဲ့ သေဒဏ်ဟာ တရားမျှတ၊ မှန်လဲမှန်ကန်တယ်။ သူဟာ သာမန်လူသား တစ်ဦးလိုပဲ ခံစားတတ်တယ်။ လူတွေနဲ့ ဆက်ဆံရာမှာ နှစ်လိုဖွယ် ရှိတယ်။ ရယ်စရာ မောစရာလဲ ပြောတတ်တယ်။ ဘာပဲပြောပြော အာရပ်သမိုင်းမှာတော့ သူ့အမည်ဟာ တစွန်းတစတော့ ကျန်ခဲ့မှာပါပဲ။ အဲဒီလို ကျန်ခဲ့ဖို့လဲ သူကလိုလားတယ်'' ဟု ပိုင်ရိုက ပြောသည်။
''အီရတ်နိုင်ငံ အထွတ်အထိပ်ကို ရောက်အောင်တက်လှမ်းဖို့ သူ့မှာ ကြံရည်ဖန်ရည် ရှိတယ်။ ဖြစ်တဲ့နည်းနဲ့ နိုင်ငံအာဏာကို ရယူခဲ့တဲ့ ဆဒမ် လိုလူမျိုးတွေ အတိတ်မှာ အများကြီး ရှိခဲ့ဖူးတာပဲ။ ကံမကောင်းတဲ့ အချက်က နောင်လဲ အဲဒီလူမျိုးတွေ သမိုင်းမှာ ပေါ်လာဦးမယ် ဆိုတာပဲ'' ပိုင်ရိုက ဆိုသည်။
အေးမင်းထွန်း
