ရန်ကုန်၊ အောက်တိုဘာ ၂၁- စစ်ကိုင်းတိုင်း ဒေသကြီး မြောင်မြို့နယ် နဘက်ကျေးရွာ တွင် ငါးမျိုးစိတ်သစ်တစ်ခုတွေ့ရှိခဲ့ရကြောင်း သိရသည်။
နဘက်ကျေးရွာမှ ရေလုပ်သား ကြီး ဦးအောင်ကြည်သည် ၂၀၁၀ပြည့်နှစ် သြဂုတ်လက နဘက်ကျေးရွာအရှေ့ဘက် အိုင်မကြီး အိုင်မငယ်အင်းအတွင်းမှ ထူး ဆန်းသောငါးသုံးကောင်ကို ဖမ်းဆီးရမိခဲ့ သည်။ ထိုငါးသုံးကောင်သည် မြန်မာနိုင်ငံ တွင် တွေ့ကြုံဖူးသေးခြင်းမရှိသော ငါးမျိုးစိတ် သစ်များဖြစ်ကြောင်း သိရသည်။
၎င်းင်းငါး၏ ခန္ဓာကိုယ်တစ်ခုလုံး တွင် ဆေးရောင်ခြယ်ထားသကဲ့သို့ အနက် ရောင်အကွက်ကျားများဖြင့် လွန်စွာလှပပြီး လူကိုင်ထားလျှင် ဒေါသတကြီးဖြင့် ဆူးတောင် များထောင်ထားကာ ရုန်းကန်နေတတ်သည်။ ငါး၏ထူးခြားချက်မှာ အကြေးခွံများမပါရှိ ဘဲ ပလတ်စတစ်ငါးတစ်ကောင်ကိုကိုင်ကြည့် ရသကဲ့သို့ မာကျောကြမ်းတမ်းသောအတွေ့ အထိကို ထူးခြားစွာခံစားရသည်။ ငါးပါးစပ် မှာ အထူးခြားဆုံးဖြစ်ပြီး တချို့ငါးများပါနေ ကျနေရာတွင်မပါရှိဘဲ ၀မ်းဗိုက်အရှေ့ပိုင်း မူလငါးပါးစပ်နေရာအောက်တွင် ပါရှိနေခြင်း ဖြစ်သည်။ အရွယ်အစားမှာ ၁၀လက်မ အရွယ်ခန့်ဖြစ်ပြီး တစ်ပေကျော်သော ထို ငါးမျိုးများကို အိုင်မကြီးအိုင်မငယ်အင်းတွင် ယခုအခါ မြင်တွေ့နေရကြောင်း ဦးအောင် ကြည်က ပြောသည်။
ငါးမျိုးစိတ်သစ်ကို စိတ်ဝင်စား၍ လေ့လာလိုသူတိုင်း စစ်ကိုင်းတိုင်းဒေသကြီး မြောင်မြို့နယ် နဘက်ကျေးရွာမြောက်အရပ် ရှိ ရေလုပ်သားကြီး ဦးအောင်ကြည် မွေးမြူ ထားသော ငါးမျိုးစိတ်သစ်သုံးကောင်ကို သွားရောက်ကြည့်ရှုနိုင်ကြောင်းသိရသည်။
