အာဇာနည်ဗိမာန်ကအရိုးတွန်သံ
ဂျူလိုင် ၁၉ မိုးက
မျက်ရည်တွေဖြိုးကြွ
အတိုးချ မကြေပွဲ
ကြေကွဲခြင်းများစွာနဲ့
တိမ်လိပ်ငယ်ပမာ
တရိပ်ရိပ်တက်လာပြီး
စိတ်မသက်သာစရာအတိ
မချိတင်ကဲ ရင်ထဲ မအေး
ဘ၀င်ထဲက ဆွေးရတဲ့
အာဇာနည်သွေးနဲ့
ရေးခဲ့တဲ့ အာဇာနည်နေ့ပါ။
ဤနေ့ဤရက်ကို
နှစ်အစဉ်အဆက်
လေးလေးနက်နက်
ယုံကြည်ချက်နဲ့
ဂုဏ်တက် အဆင်းလှ
ကျင်းပခဲ့ကြတာ နှစ်လချိန်ခါ
အတော်ကြာခဲ့ပါလေပြီ။
နအဖခေတ်ရောက်မှ
မှောက်မှောက်မှားမှား
ဖေါက်ဖေါက်ပြားပြား
ကြောက်သလားမပြောနဲ့
အာဇာနည်အကြောင်းနှောရင်
ကျောကချမ်း မနောကဆန်း
သဘောကကြမ်းလာပြီး
လမ်းတခွင်မှာ လှမ်းမမြင်နိုင်အောင်
အဆန်းထွင်ပြီး ရာဇ၀င်ကိုပြင်။
မသိကျိုးကျွန် အလွန်မိုက်မဲ
သတ္တိကဲလိုက်ပုံများ
ယုံနိုင်ဖွယ်မရှိ လူသိထင်ရှား
အလွန်ကျော်ကြားတဲ့
နေ့ရက်များကိုပါ
ဖယ်ရှားရှောင်ကွေ့
အာဇာနည်နေ့ အကုန်မေ့တဲ့။
တော်လှန်ရေးနေ့ကိုလဲ
တပ်မတော်နေ့တဲ့။
အာဇာနည်အကြောင်း
ရေမြောင်းထဲလောင်း
သမိုင်းလမ်းကြောင်း
ပြောင်းချင်သလိုပြောင်းပေမယ့်
သူရဲကောင်းဗိမာန်က
အာဇာနည်တွေရဲ့အရိုးတွန်သံကို
မရပ်မနား အတန်တန်ကြားရပါလိမ့်မယ်။
ကိုကိုအောင်(ဆန်ဖရန်စစ္စကို)
ဂျူလိုင် ၁၉ ၂၀၁၁
ကိုကိုအောင်(ဆန်ဖရန်စစ္စကို)
ဂျူလိုင် ၁၉ ၂၀၁၁
