Saturday, January 21, 2012

၈၈ မျိုးဆက်ကျောင်းသားများ၏ သဘောထားထုတ်ပြန်ချက်

ယနေ့(၂၁-၁-၂၀၁၂) မွန်းလွဲ ၂နာရီ မှစတင်ကာ ၈၈ မျိုးဆက်ကျောင်းသားများ၏ သတင်းစာရှင်းလင်းပွဲကို ရန်ကုန်မြို့ရှိ တော်ဝင်စင်တာတွင် ကျင်းပလျက်ရှိပါသည်။ အဆိုပါ သတင်းစာရှင်းလင်းပွဲတွင် အချက် ၉ ချက်ပါဝင်သော ၈၈ မျိုးဆက်ကျောင်းသားများ၏ သဘောထား ထုတ်ပြန်ချက်ကိုလည်း ထုတ်ပြန်ခဲ့သည်။ အဆိုပါ သတင်းစာရှင်းလင်းပွဲသို့ ပြည်တွင်းပြည်ပ သတင်းစာဆရာများအပါအ၀င် လူဦးရေ ၆၀၀ကျော် တက်ရောက်လျက်ရှိကြောင်း သိရသည်။ ၈၈ မျိုးဆက်ကျောင်းသားများ၏ သဘောထားထုတ်ပြန်ချက်မှာ အောက်ပါအတိုင်းဖြစ်ပါသည်။

၈၈ မျိုးဆက်ကျောင်းသားများ၏ သဘောထားထုတ်ပြန်ချက်
၁။ကျွန်ုပ်တို့ ၈၈ မျိုးဆက်ကျောင်းသားများသည် ဒီမိုကရေစီရေး၊ လူ့အခွင့်အရေး၊ တိုင်းပြည်ဖွံ့ဖြိုးတိုးတက်ရေးအတွက် ၁၉၈၈ ခုနှစ် ၈၈၈၈ အရေးတော်ပုံကြီးမှ စတင်၍ အစဉ်တစိုက် ကြိုးပမ်းဆောင်ရွက်နေကြသူများ ဖြစ်သည်။

၂။ ကျွန်ုပ်တို့နိုင်ငံသားများသည် စစ်ရေး၊ နိုင်ငံရေး၊ စီးပွားရေးမူဝါဒအမှားများ ဒီမိုကရေစီ ဆိတ်သုန်းမှုများကြောင့် ဆင်းရဲနွမ်းပါးမှု၊ ပညာရေး၊ ကျန်းမာရေးနိမ့်ကျမှုစသည့် လူမှုဒုက္ခ အ၀၀ကို ဆယ်စုနှစ်ငါးခုကျော် ခံစားခဲ့ကြရပြီးဖြစ်သည်။

၃။ ယနေ့အချိန်အထိ စစ်မှန်သော ဒီမိုကရေစီဖော်ဆောင်ရေး၊ ငြိမ်းချမ်းရေး၊ ဖွံ့ဖြိုးတိုးတက်ရေးတို့အတွက် ပြုပြင်ပြောင်းလဲရေးလမ်းကြောင်းပေါ်သို့ ဦးတည် ကြိုးပမ်းကြရမည့် အချိန်ဖြစ်သည်ဟု ယုံကြည်သည်။

၎။ စစ်မှန်သော ဒီမိုကရေစီဖော်ဆောင်ရေးအတွက် လာမည့်ကြားဖြတ်ရွေးကောက်ပွဲတွင် ၀င်ရောက်ယှဉ်ပြိုင်ရန် ဒေါ်အောင်ဆန်းစုကြည်၏ ဆုံးဖြတ်ချက်အား ထောက်ခံသည်။ ၈၈ မျိုးဆက် ကျောင်းသားများအနေဖြင့် အားပေးဝန်းရံသွားမည်။

၅။ ပြည်တွင်းငြိမ်းချမ်းရေးနှင့်ပတ်သက်၍ လက်ရှိဆောင်ရွက်နေသော တွေ့ဆုံဆွေးနွေးရေး ဖြစ်စဉ်များမှတစ်ဆင့် ပိုမိုကျယ်ပြန့်ပြည့်စုံသော ငြိမ်းချမ်းရေးလုပ်ငန်းစဉ်များ ဖြစ်ပေါ်စေရန် အမျိုးသားအင်အားစုအားလုံးနှင့် လက်တွဲဆောင်ရွက်သွားမည်။

၆။ နိုင်ငံတော်သစ်တည်ဆောက်ရေးအတွက် လူ့စွမ်းအားအရင်းအမြစ်များအား ပြန်လည်စုစည်းနိုင်ရန်၊ နိုင်ငံရေးအရ ထိန်းသိမ်းခံထားရသည့် ကျန်ရှိနေသော နိုင်ငံရေးအကျဉ်းသားအားလုံး ပြန်လည်လွှတ်ပေးရေး၊ နိုင်ငံရေးအရ တိုင်းပြည်မှ ထွက်ခွာခဲ့ရသော ပြည်ပရောက်နိုင်ငံရေးအင်အားစုများ ဂုဏ်သိက္ခာရှိရှိ ပြန်လာနိုင်ရေးတို့အတွက် ပြည်ထောင်စုအစိုးရမှ အမြန်ဆုံးဆောင်ရွက်ပေးပါရန် ကျွန်ုပ်တို့မှ အလေးအနက် တိုက်တွန်းအပ်ပါသည်။

၇။ အမျိုးသားစီးပွား ဖွံ့ဖြိုးတိုးတက်ရေးနှင့် နိုင်ငံတော်၏ ဂုဏ်သိက္ခာ မြင့်မားလာစေရေးအတွက် နိုင်ငံတကာနှုန်းစံများနှင့်အညီ ကျင့်သုံးဆောင်ရွက်မှုများ၊ အိမ်နီးချင်းနိုင်ငံများအပါအ၀င် နိုင်ငံတကာမိသားစုများနှင့် ဆက်ဆံရေး တိုးမြင့်လာစေရန် ကြိုးပမ်းဆောင်ရွက်မှုများအား အားပေးထောက်ခံသွားမည်။

၈။ ဒီမိုကရေစီအရေး၊ ငြိမ်းချမ်းရေး၊ ဖွံ့ဖြိုးတိုးတက်ရေးတို့အတွက် နိုင်ငံတော်သမ္မတဦးဆောင်သည့် အစိုးရအဖွဲ့၊ ပြည်သူ့လွှတ်တော်၊ အမျိုးသားလွှတ်တော်၊ တပ်မတော်အင်အားစု၊ နိုင်ငံရေးပါတီအသီးသီး၊ တိုင်းရင်းသားအင်အားစုများအပါအ၀င် မြန်မာ့လူ့အဖွဲ့စည်းတစ်ရပ်လုံးရှိ ပြုပြင်ပြောင်းလဲရေး အင်အားစုများနှင့် ကိုယ်စွမ်း ဥာဏ်စွမ်းရှိသမျှ ပူးပေါင်းဆောင်ရွက်သွားမည်။

၉။ မြန်မာနိုင်ငံဒီမိုကရေစီအရေး၊ လူ့အခွင့်အရေးကြိုးပမ်းမှုများတွင် အားပေးကူညီထောက်ခံနေသော ပြည်တွင်းပြည်ပ အဖွဲ့အစည်းများ၊ လူပုဂ္ဂိုလ်များ၊ နိုင်ငံတကာမိသားစုများနှင့် လက်ရှိပြုပြင်ပြောင်းလဲရေး လုပ်ငန်းစဉ်များကို ယုံကြည်ထက်သန်စွာ အကောင်အထည်ဖော်နေသူအားလုံးအား ကျွန်ုပ်တို့ ၈၈ မျိုးဆက်ကျောင်းသားများမှ အလေးအနက် တန်ဖိုးထားအပ်ပါသည်။
၈၈ မျိုးဆက်ကျောင်းသားများ

Sunday, January 15, 2012

Zarganar Hand in Hand with Khin Nyunt

Left to Right: မင်းထင်ကိုကိုကြီး၊ ကြည်ဖြူရှင်၊ ဇာဂနာ၊ ခင်ညွှန့်၊ ဇင်ဝိုင်း
Myanmar Well-known Comedian and Pro-Democracy Activist Zarganar met with Khin Nyunt, Myanmar's ex-prime minister and former chief of the Myanmar Military intelligence, who was recently released from house arrest. Director Min Htin Ko Ko Gyi, Kyi Phyu Shin and Zin Wyne were also at this meeting.

Tuesday, January 10, 2012

  ချိုးကူသံလေးကြားရဖို့(Written by လူထုစိန်ဝင်း)

နိုင်ငံခြားရောက်နေတာ နှစ်ပေါင်းနှစ်ဆယ်ကျော်ရှိနေပြီဖြစ်တဲ့ ကျောင်းသားဟောင်းတစ်ယောက်က ဖုန်းဆက်ပြီး နှစ်သစ်ကူးနှုတ်ဆက်စကား ပြောပါတယ်။ ခုတလောနိုင်ငံခြားရောက် မြန်မာတွေအများဆုံးမေးတဲ့ ''တော်တော်ပြောင်းနေပြီလား'' ဆိုတဲ့ မေးခွန်းကိုပဲ မေးပါတယ်။

သတင်းသမားတွေ နေရာပေးခံရ
ဒီမေးခွန်းက လွယ်လွယ်ဖြေလို့ရတာမျိုး မဟုတ်ဘူး။ ပြောင်းတာတွေရှိသလို မပြောင်းတာတွေလည်း အများကြီးရှိနေတာဆိုတော့ လိပ်ပတ်လည်အောင် ပြောဖို့ခက်တယ်။ အဲဒါကြောင့် သူမေးသလို တစ်ခွန်းထဲနဲ့ပြီးအောင် ''ပြောင်းတော့ ပြောင်းတယ်။ ဒါပေမဲ့ မပြောင်းဘူး'' လို့ ဖြေ လိုက်တယ်။ ပြီးမှအသေးစိတ်သိချင်ရင် ခုတလောရေးနေတဲ့ ဂျာနယ် ဆောင်းပါးတွေကို အွန်လိုင်းကဖတ်ကြည့်ပေတော့လို့ ပြောရတယ်။ ထိပ်ဆုံးပိုင်းတွေမှာ တော့ ပြောင်းနေကြတာပဲ။ ဒီမိုကရေစီဆိုတဲ့စကားနှုတ်ဖျား မှာသီးနေကြတယ်။ နှစ်ပေါင်းငါး ဆယ်လုံးလုံး လူရာသွင်းမခံရတဲ့ သတင်းသမားတွေကို နေရာပေးပြီး အင်တာဗျူးလုပ်ကြတယ်။ ဂျာနယ်တွေထဲမှာ အရင်က နာမည်လေးတောင် ထည့်ရေးခွင့်မရတဲ့ ဒေါ်အောင်ဆန်းစုကြည်ရဲ့ဓာတ်ပုံတွေ၊ မျက်နှာဖုံးက ဖောဖောသီသီကြီး ဖော်ပြကြတယ်။ အရင်က NLD ရုံးရှေ့က လမ်းတောင်ဖြတ်မလျှောက်ရဲတဲ့သူတွေ ခုတော့ရုံးထဲကို ချောင်းပေါက်မတတ် ၀င်ထွက်နေကြတယ်။
အကြွေးဝန်ထုပ်ကြီး
ပြောင်းတာတွေက အောက်ခြေကိုမရောက်တော့ တိုင်းသူပြည်သားများရဲ့ဘ၀တွေကတော့ ဘာမှထူးခြားမလာဘူး။ တောင်ပေါ်ဒေသတွေမှာ သေနတ်သံတွေ မစဲသေးသလို သားကိုမျှော်ရတဲ့ မိခင်တွေလည်း လည်ပင်းကိုးတောင်ရှည် ဖြစ်နေရဆဲပဲ။ ဒီကြားထဲမှာ ဈေးကွက် စီးပွားရေးကို လက်ညှိုးထိုးပြီး ဟိုကဈေးတက်၊ ဒီကဈေးတက်ဆိုတော့ ပိုပြီးပင်ပန်းကြရတယ်။ တောသူ တောင်သားတွေက ပိုပြီးခံရတယ်။ မြို့မှာက တစ်ခုမဟုတ်တစ်ခု ကြံဖန်ရှာဖွေစားသောက်လို့ရတယ်။ ယုတ်စွအဆုံး ပလတ်စတစ်လိုက်ကောက်ရင်တောင် ရသေးတယ်။ တောမှာကျတော့ လယ်ယာအလုပ်ကလွဲပြီး တခြားဘာမှ လုပ်စားစရာမရှိဘူး။ သဘာဝဘေးအန္တရာယ်ကြောင့် သီးနှံတွေပျက်ရပြီဆိုရင် ကျောပေါ်က အကြွေးဝန်ထုပ်ကြီး ကြီးသထက်ကြီး လာတော့တာပဲ။
ခွက်တစ်ဆယ်အနည်းဆုံး
မြို့ပေါ်ဆင်းရဲသားတွေရဲ့ကျောပေါ်က ၀န်ထုပ်ဝန်ပိုးကြီး နှစ်ပိဿာခွဲလောက်လေးတယ်ဆိုရင် တောသူ တောင်သားတွေရဲ့ကျောပေါ်မှာ ဖိစီးနေတဲ့ ၀န်ထုပ်ဝန်ပိုးကြီးက ခွက်တစ်ဆယ်တော့ အနည်းဆုံး ရှိလိမ့်မယ်။ ဒီဖိစီးမှုကြီးက အရင့်အရင်အစိုးရ အဆက်ဆက်မှာရှိခဲ့တဲ့အတိုင်း ဘာမှ ပြောင်းလဲမသွားဘူး။ အပေါ်မှာ ကြည့်လိုက်ရင်တော့ ပြောင်းနေပေမယ့် အောက်ခြေမှာတော့ ဘာမှမပြောင်းလဲဘူး။ အဲဒါကြောင့် ပြောင်းတော့ ပြောင်းတယ်။ ဒါပေမဲ့ မပြောင်းဘူးလို့ ဖြေလိုက်တာ။ နောက်ဆုံးဖုန်းချခါနီးမှာ ''ပြောင်းရင်ပြန်လာမှာမို့လား''လို့ မေးလိုက်တော့ သူဖြေလိုက်ပုံက ''လုပ်ခွင့်သာရင်တော့ ပြန်လာဖို့ စဉ်းစားမှာပါ။ ရေရှည်အတွက်လည်း ကြည့်ရသေးတယ်လေ''တဲ့။
စောင့်ကြည့်ချင်ကြသေး
နိုင်ငံတော်သမ္မတကြီး ဦးသိန်းစိန်က ပြည်ပရောက်နေသူတွေလည်း ပြန်လာနိုင်အောင် ဆောင်ရွက်ပေးသွားမယ်လို့ မိန့်ခွန်းပြောခါစက အတော်လေး ၀မ်းသာမိတယ်။ ဒီတစ်သက်တော့ ပြန်မတွေ့နိုင်ကြတော့ဘူးလို့ အောက်မေ့ထားတဲ့ လုပ်ဖော်ကိုင်ဖက်တွေ၊ မိတ်ဆွေသူငယ်ချင်းတွေ၊ ဆွေမျိုးသားချင်းတွေနဲ့ တပည့်ဟောင်းတွေကို ပြန်တွေ့နိုင်ဦးမှာပါလားဆိုပြီး ပျော်သွားတယ်။ ဒါပေမဲ့ လက်တွေ့ကျတော့ ဘယ်သူမှ ပြန်မလာကြသေးဘူး။ အခွင့်အလမ်းကောင်း၊ လုပ်ကွက်ကောင်းရှိ မလားလို့လာပြီး လေ့လာစူးစမ်းသူ တချို့တလေပဲ တွေ့ရတယ်။ အများစုကတော့ အကဲခတ် စောင့်ကြည့်ချင်ကြသေးတယ်။

တိုင်းပြည်ရဲ့ အရွယ်ကောင်းလေးတွေ သိန်းပေါင်းများစွာက အခုအခါ ပြည်ပနိုင်ငံတွေမှာ ရောက်ရှိနေကြတယ်။ ဖိနှိပ်မှု၊ သွေးစုပ်မှု၊ အနိုင်ကျင့်မှုတွေလည်း အမျိုးမျိုး ခံနေကြရတယ်။ မိဘကျေးဇူးဆပ်ဖို့နဲ့ မိသားစု လုပ်ကျွေးဖို့အတွက် မနည်းကြီး သည်းခံပြီး ရုန်းကန်လှုပ်ရှားနေရတယ်။ သူတို့တစ်တွေ မြန်နိုင်မျှ အမြန်ဆုံး ပြန်လာနိုင်ဖို့က အရေးကြီးဆုံးဖြစ်တယ်။ ဒီမိုကရေစီမြန်မြန်ရပြီး စီးပွားရေးတွေဖွံ့ဖြိုးတိုးတက်လာမှ သူတို့ ပြန်လာနိုင်ကြမှာ . . .


တစ်နေ့တော့ပြန်လာမယ်
ဟုတ်တာပေါ့။ ရေကြည်ရာ မြက်နုရာကိုရောက်နေပြီးမှ သဲကန္တာရထဲကို ဘယ်သူကပြန်သွားချင်မှာလဲ။ စောင့်ကြည့်ဦးမယ်ဆိုသူတွေကို အပြစ်မမြင်ပါဘူး။ တစ်နေ့နေ့မှာတော့ သူတို့ပြန်လာမှာပါ။ ဘယ်လောက်တားတား ပြန်မလာဘဲ သူတို့မနေနိုင်ပါဘူး။ ဘာကြောင့်လဲဆိုတော့ သူတို့ ဟာ မြန်မာတွေဖြစ်နေကြလို့ပဲ။ သူများနိုင်ငံတွေ ဘယ်လောက်ချမ်းသာတယ်ပြောပြော မြန်မာပြည်လောက်တော့ နေချင့်စဖွယ်မရှိနိုင်ဘူး။ မြန်မာနိုင်ငံက ဥတုသပ္ပာယ မျှတတယ်။ အပူလွန်ကဲလို့ လူတွေသေတယ်ဆိုတာမျိုး မရှိသလို အေးလွန်းလို့ သေတယ်ဆိုတာမျိုးလည်း မရှိဘူး။ မိုးခေါင်လွန်းလို့ အငတ်ဘေးကျရောက်တယ်ဆိုတာမျိုးမရှိသလို မိုးများလွန်းလို့ လူတွေထောင်သောင်းချီ သေရတယ်ဆိုတာမျိုးလည်း မရှိဘူး။
ရတနာသိုက်ကြီး
ပူပိုင်းဒေသဖြစ်ပေမယ့် အအေးပိုင်းဒေသက ပန်းသီး၊ သစ်တော်သီး၊ လိမ္မော်သီး၊ စပျစ်သီးစတဲ့ သစ်သီးဝလံတွေလည်း လမ်းဘေးမှာ ပုံတိုက်ပြီး ရောင်းရလောက်အောင် ပေါပေါများများ ထွက်တယ်။ ၀တ်ဖို့အတွက် ၀ါချည်၊ ပိုးချည်တွေလည်း ထွက်တယ်။ နေစရာအတွက် သစ်ဝါးတွေလည်း ပေါတယ်။ မြေကြီးကလည်း ဘယ်နေရာတူးတူး ရေနံထွက်တဲ့နေရာက ထွက်၊ ရွှေထွက်တဲ့နေရာက ထွက်၊ ပတ္တမြားတို့၊ ကျောက်စိမ်းတို့ ထွက်တဲ့နေရာကထွက်မို့ တစ်နိုင်ငံလုံး ရတနာသိုက်ကြီးလို ဖြစ်နေတယ်။ လူတွေကြောင့်သာ ခုလို ဆင်းရဲတွင်းနက်နေရတာ။
မြန်မာတွေရဲ့ အပြုံး
ဒါတွေအားလုံးထက်ပိုပြီး မြန်မာပြည်ကို စွဲမက်ကြတဲ့အကြောင်းကတော့ မြန်မာတွေရဲ့ နွေးထွေးတဲ့ မေတ္တာတရားနဲ့ မြန်မာတွေရဲ့အပြုံး ဖြစ်တယ်။ မြန်မာတွေက ရန်သူကိုတောင် ဒုက္ခရောက်နေတာတွေ့ရင် ဒါမှမဟုတ် နိမ့်ကျသွားရင် အခွင့်သာပြီဆိုပြီး အနိုင်ယူလေ့မရှိဘူး။ အင်္ဂ လိပ်တွေနဲ့ အိန္ဒိယသားတွေထွက်ပြေးကြတော့ အစာငတ်ရေငတ်ဖြစ်လာသူကို ကျွေးမွေးစောင့်ရှောက်ကြတယ်။ ဂျပန်တွေ အသက်လုပြီး ထွက်ပြေးကြရတော့ လည်း တစ်ယောက်တည်း သင်းကွဲထွက်ပြေးလာသူတွေကို အသက်ဘေးက ကယ်ဆယ်ပြီး ၀ှက်ပေးထားခဲ့ကြတယ်။ စစ်ကြီးပြီးဆုံးသွားတာတောင် ဂျပန်ပြည်ကိုမပြန်တော့ဘဲ အသက်ကယ်ထားတဲ့ရွာမှာပဲ အသက်ထက်ဆုံးနေသွားခဲ့သူတွေ ရှိတယ်။
ရေကုသိုလ်
မြန်မာတွေက လူဆင်းရဲပေမယ့် စေတနာမဆင်းရဲဘူး။ ကျောင်းသားဘ၀ မန္တလေးက ရန်ကုန်ကိုရထားနဲ့လာတော့ ရထားရပ်တဲ့ဘူတာတိုင်းမှာ ရေအိုးလေးတွေရွက်ပြီး 'ရေကုသိုလ်၊ ရေကုသိုလ်' နဲ့ တစာစာအော်ရင်း သောက်ရေလိုက်ပေးသူတွေ လေး ငါးဦးထက်မနည်း အမြဲတွေ့ရတယ်။ တချို့ကအသက်ကြီးကြီး အမျိုးသမီးတွေ၊ တချို့ကအသက်ငယ်ငယ် ကလေးမလေးတွေ။ ခုခေတ်လိုရေရောင်းတာတွေ မပေါ်သေးဘူး။ စေတနာ သက်သက်နဲ့ လိုက်ကုသိုလ်ပြုကြတာဖြစ်တယ်။ ရပ်ထဲရွာထဲမှာလည်း တစ်အိမ်က ဟင်းကောင်းကျွေး ကောင်းချက်ရင် ဘေးအိမ်က လူကြီးသူမများအတွက်ဆိုပြီး စားဦးစားဖျား ပို့လေ့ရှိတယ်။ အိမ်နီးချင်းတွေဟာ တစ်အိမ်နဲ့တစ်အိမ် ကူးလူးနေကြတာပဲ။ အလှူမင်္ဂလာဆောင်လိုကိစ္စများဆို တစ်ရပ်ကွက်လုံး ၀ိုင်းကူကြတယ်။ ဘာသိဘာသာ နေလေ့မရှိဘူး။ အင်မ တန်ပျော်စရာကောင်းတာ။
ကန်သမ္မတရဲ့ မှတ်ချက်
ဒါကြောင့် အမေရိကန်နိုင်ငံရဲ့ ၃၁ ဆက်မြောက် သမ္မတဖြစ်ခဲ့တဲ့ ဟားဘတ်ဟူးဗား(Herbert Hoover 1874-1964)က 'မြန်မာလူမျိုးများဟာ အာရှတိုက်တစ်ခုလုံးမှာ တကယ့်အစစ်အမှန် ပျော်ရွှင်ချမ်းမြေ့မှုကိုရရှိတဲ့ တစ်ခုတည်းသော လူမျိုးဖြစ်တယ်' (The Burmese are the only genuinely happy people in all of Asia) လို့ ပြောခဲ့တာဖြစ်တယ်။ ဟူးဗားက နိုင်ငံရေးနယ်ထဲမရောက်ခင် နမ္မတူဘော်တွင်းမှာ သတ္တုတွင်း အင်ဂျင်နီယာအဖြစ် လာရောက်လုပ်ကိုင်ခဲ့ဖူးတယ်။
အပျော်တွေစိမ့်ဝင်
ပျော်စရာအလွန်ကောင်းတဲ့ ဒေသမှာ လူဖြစ်လာကြရတဲ့အတွက် မြန်မာလူမျိုးတိုင်းရဲ့ဓာတ်ခံမှာ အပျော်တွေစိမ့်ဝင်နေတယ်။ သူတို့ရဲ့မျက်နှာတွေမှာ အတိုင်းသား ဖော်ပြနေတယ်။ မြန်မာပြည်ကို ပထမဆုံးအကြိမ် ရောက်ဖူးတဲ့ နိုင်ငံခြားသားတိုင်းမယုံနိုင်လောက် အောင်ကို တအံ့တသြဖြစ်ကြတယ်။ ဒါလောက်ဒုက္ခသုက္ခတွေကြားက ပြုံးနေနိုင်တာကို သူတို့ မစဉ်းစားတတ်ကြဘူး။ ဓာတ်ပုံကိုသာမြင်ရရင်'ဆင်' ပြီးရိုက်ထားတာလို့ ထင်မှာသေချာတယ်။ လူကိုယ်တိုင်မြင်ရလို့သာ ယုံသွားကြရတာ။ မြန်မာလူမျိုးက လည်း အံ့သြမယ်ဆို အံ့သြထိုက်တယ်။ မှတ်ကရောဟဲ့ဆိုပြီး ကိုကိုးကျွန်းပို့ ပစ်လိုက်တာတောင် ကျွန်းပေါ်မှာ ဇာတ်ကဖြစ်အောင် ကခဲ့သူတွေဖြစ်တယ်။ သင်္ကြန်ကျတော့လည်း တီးမှုတ်ကခုန်တာတွေသာမက ဘောလုံးပွဲတွေ၊ ဘောလီဘောပြိုင်ပွဲတွေအပြင် ရခိုင်ရိုးရာ 'ကျင်' ကိုင်ပွဲတွေတောင် လုပ်လိုက်ကြသေးတယ်။
ပြန်ဖြစ်ချင်မှပြန်ဖြစ်မှာ
ပျော်စရာတိုင်းပြည်က ပျော်စရာလူမျိုးတွေကြားမှာနေရတာလောက် ဘယ်နေရာမှ ပျော်စရာကောင်းမှာမဟုတ်ဘူး။ အကြောင်းကြောင်းနဲ့ နိုင်ငံခြားတိုင်းပြည်အသီးသီးမှာ ရောက်ရှိနေကြတဲ့ မြန်မာတွေအများစုဟာ တစ်နေ့နေ့မှာ အသေအချာကို ပြန်လာကြမှာပါ။ မပြန်ချင်ပါဘူးဆိုသူက အနည်းစုဖြစ်ပါလိမ့်မယ်။ 'လုပ်ခွင့်သာရင်တော့ ပြန်လာဖို့ စဉ်းစားမှာပါ' ဆိုသူမျိုးကတော့ ပြန်ဖြစ်ချင်မှ ပြန်ဖြစ်မှာပေါ့။အဲဒီလူမျိုးတွေ ပြန်မလာလို့လည်း တိုင်းပြည်အတွက် ဘာမှဆုံးရှုံးမသွားပါဘူး။ သူတို့အတွက် ရေကန်အသင့် ကြာအသင့်ဖြစ်အောင် ဖန်တီးပေးဖို့ ဒီကလူတွေ ရုန်းကန်လှုပ်ရှားနေကြတာမှ မဟုတ်တာ။ သူတို့လို လူမျိုးတွေက ပြန်လာလည်း အခွင့်အရေးရဖို့လောက်သာ ချောင်းနေကြမှာဖြစ်တယ်။ ဘာတစ်ခုမှ လက်ကြောတင်းအောင် လုပ်မယ့်သူတွေမဟုတ်ဘူး။
ချိုးကူးသံလေးကြားရဖို့
နှစ်ပေါင်းငါးဆယ်လောက် နောက်ကျကျန်ရစ်ခဲ့တဲ့နိုင်ငံကို ပြန်ပြီးထူမတ်ပေးဖို့အတွက် လက်ကြောတင်းအောင်လုပ်မယ့်လူတွေ အများကြီးလိုတယ်။ တိုင်းပြည်ရဲ့အရွယ်ကောင်းလေးတွေ သိန်းပေါင်းများစွာက အခုအခါ ပြည်ပနိုင်ငံတွေမှာ ရောက်ရှိနေကြတယ်။ ဖိနှိပ်မှု၊ သွေးစုပ်မှု၊ အနိုင်ကျင့်မှုတွေလည်း အမျိုးမျိုးခံနေကြရတယ်။ မိဘကျေးဇူးဆပ်ဖို့နဲ့ မိသားစုလုပ်ကျွေးဖို့အတွက် မနည်းကြီးသည်းခံပြီး ရုန်းကန်လှုပ်ရှားနေရတယ်။ သူတို့တစ်တွေ မြန်နိုင်သမျှ အမြန်ဆုံး ပြန်လာနိုင်ဖို့က အရေးကြီးဆုံးဖြစ်တယ်။ ဒီမိုကရေစီမြန်မြန်ရပြီး စီးပွားရေးတွေ ဖွံ့ဖြိုးတိုးတက်လာမှ သူတို့ပြန်လာနိုင်ကြမှာ။ တောင်တန်းပြာကြီးတွေပေါ်မှာ သေနတ်သံတွေ လုံးဝချုပ်ငြိမ်းပြီး ချိုးကူသံလေး ကြားရဖို့လည်း အရေးကြီးပါတယ်။
Ref:http://www.news-eleven.com/

Monday, January 2, 2012

အာရပ်နွေဦး နိဒါန်းရေးဖွဲ့သူ(Written by မြတ်သစ်)


အန္တရာယ်အလွန်ကြီးမားလာသည့်အခါ သေခြင်းတရားသည်မျှော်လင့်ချက်ဖြစ်လာသည်။ သို့ဖြင့်စိတ်ပျက်ခြင်းသည် သေဆုံးရန် မ၀ံ့ရဲသော မျှော်လင့်ချက်မဲ့ခြင်းတစ်ခုဖြစ်လာသည်။
ဆိုရန်ကဲကီးဂတ် (၁၈၁၃-၁၈၅၅)

လုံခြုံမှုမရှိသောဘ၀၊ ဘ၀ဖြစ်တည်မှုနှင့်ရှင်သန်မှုအတွက်လိုအပ်သော လူ့တန်ဖိုး၊ လူ့ဂုဏ်သိက္ခာ၊လွတ်လပ်မှုများဆိတ်သုဉ်းသောဘ၀တွင်နေခြင်းထက် သေခြင်းက ပို၍မြင့်မြတ်သည်။ သေခြင်းတရားကိုအရေးတော်ပုံတစ်ခုအတွက်စွန့်လွှတ်ခြင်းသည် မှန်ကန်သောလုပ်ရပ်တစ်ခုဖြစ်သည်ဟု ခံယူထားသောလူပုဂ္ဂိုလ်များသည် နိုင်ငံအနှံ့၊ နေရာအနှံ့တွင် ရှိခဲ့ပြီးဖြစ်သည်။ အမှန်တရားအတွက် အသက်စွန့်ခဲ့သူတွေထဲမှာ တူနီးရှားနိုင်ငံသား မိုဟာမက်ဘူအာဇီဇီတစ်ယောက်လည်းအပါအ၀င်ဖြစ်သည်။
သူသည် လူသားတစ်ယောက်၏ ဂုဏ်သိက္ခာရှိရေး၊ တရားမျှတမှုရှိရေးနှင့် လူသားများသည် မိမိရပိုင်ခွင့်များရရှိရေးအတွက် တိုက်ပွဲဝင်ခဲ့သောသူဖြစ်သည်။ အာရပ်ကမ္ဘာရှိ သန်းပေါင်းများ စွာသော ပြည်သူလူထုကြီးသည် ဖိနှိပ်ချုပ်ခြယ်မှု၊ တရားဥပဒေမဲ့မှု၊ လူ့ဂုဏ်သိက္ခာနှင့် ကင်းမဲ့စွာဖြင့်အသက်ရှင်နေရမှုတို့နှင့် နှစ်ပေါင်းများစွာ ကြုံတွေ့နေခဲ့ရသည်။ ထိုသန်းပေါင်းများ စွာသော ပြည်သူလူထုကြီးသည် ရပ်တန့်နေသော သမိုင်းလှည်းဘီးကြီးကို ရွေ့လျားအောင် လုပ်ဆောင်ခဲ့ကြသည်။ ထိုသမိုင်းဘီးသည် တော်လှန်ရေးတည်းဟူသော စက်ခေါင်းကြီး၏ ဦးဆောင်ရာနောက်သို့ ဒရွတ်တိုက် လိုက်ပါခဲ့ရသည်။ အရှေ့အလယ်ပိုင်းဒေသနှင့် မြောက်အာဖရိကတွင် ဖိနှိပ်ခံပြည်သူများသည် ရာဇပလ္လင်ထက်မှ အာဏာရှင်အစိုးရများကို ပြည်သူလူထု၏ အုံကြွမှုတည်းဟူသော တော်လှန်ရေးတစ်ရပ်ဖြင့် ဖယ်ရှားပစ်ခဲ့ကြသည်။ တော်လှန်ရေးဒီရေသည် အရှေ့အလယ်ပိုင်းနှင့် မြောက်အာဖရိကတွင် တရစပ်ဆိုသလို ရိုက်ခတ်သွားခဲ့သည်။ ဒီမိုကရက်တစ်ကျသော နိုင်ငံရေးနှင့် အုပ်ချုပ်ရေးစနစ်၊ စစ်မှန်သော ခေါင်းဆောင်များက နိုင်ငံတော်၏ အနာဂတ်ကိုဖန်တီးရေး၊ ဖိနှိပ်ချုပ်ခြယ်ခံနေရသော ပြည်သူလူထု၏ လူ့အခွင့်အရေးများကို ပြန်လည်ရရှိရေးအတွက် တော်လှန်ရေးက ဆောင်ကြဉ်းပေးနိုင်ခဲ့သည်။

၂၀၁၁၊ ဇန်န၀ါရီလ ၂၄ ရက်နေ့။ အစိုးရဆန့်ကျင်ရေးသမားများသည် တူနီးရှားအလံတော် လွှမ်းထားသော မိုဟာမက်ဘူအာဇီဇီရုပ်အလောင်းကို သယ်ဆောင်လာကြသည်။ တူနီးရှား ပြည်သူတွေအတွက်ကတော့ သူသည် အာဇာနည်တစ်ဦးဖြစ်သည်။ ဘူအာဇီဇီသည် သာမန်လက်လုပ်လက်စားတစ်ယောက် ဖြစ်သည်။ သူက သစ်သီးဝလံရောင်းချပြီး အသက်မွေး ၀မ်းကြောင်းပြုနေရသူ။ သူက ဘွဲ့ရပညာတတ် အလုပ်လက်မဲ့ဖြစ်သည်။ ရဲမေတစ်ဦးက၎င်းင်းကို ပါးရိုက်ခဲ့ခြင်းကြောင့် အရှက်ကြီးရှက်ကာ မိမိကိုယ်မိမိမီးရှို့ပြီး အဆုံးစီရင်ခဲ့သည်။ ရုတ်တရက်ကြည့်လျှင်တော့ သည်ဖြစ်ရပ်က ဘာမှမဆန်း။ သို့သော် လူသားတစ်ယောက်၏ ဖြစ်တည်မှုနှင့်ဂုဏ်သိက္ခာကို ထိပါးစော်ကားခံရမှုအပေါ်တွင် နာကျည်းမှုဖြင့် ဘူအာဇီဇီက ကိုယ့်ကိုယ်ကိုယ် အဆုံးစီရင်မှုသည် တော်လှန်မှုတစ်ရပ်ဖြစ်သည်။ အာဏာရှင်အစိုးရအပေါ် မကျေနပ်ကြောင်း ဆန္ဒပြမှုဖြစ်သည်။ ဘူအာဇီဇီက အသက်ဆုံးခံပြီး တပ်လှန့်သံ ခေါင်းလောင်းသည် တူနီးရှားတစ်နိုင်ငံလုံး ပျံ့နှံ့သွားသည်။ အစိုးရအပေါ် နာကျည်းနေသော ပြည်သူများသည် နိုင်ငံအနှံ့တွင် လူထုဆန္ဒပြပွဲများ ပြုလုပ်ခဲ့ကြသည်။ တစ်လအကြာတွင် တော့ တူနီးရှားသမ္မတဟောင်းဘင်အလီ ရာထူးနုတ်ထွက်ပြီး ပြည်ပသို့ ထွက်ပြေးသွားခဲ့သည်။

တူနီးရှားနိုင်ငံမှ နိုင်ငံရေးလှုပ်ရှားမှုသည် အီဂျစ်နိုင်ငံတွင်ဖြစ်ပွားခဲ့သော လူထုဆန္ဒပြမှုများအပေါ် များစွာသက်ရောက်မှုရှိခဲ့သည်။ ဤသည်ကလည်း မီဒီယာများ၏ အကျိုးကျေးဇူးများ ကြောင့်ဖြစ်သည်။ သာမန်ဈေးသည်တစ်ယောက်က ကိုယ့်အသက်ကိုမငဲ့ကွက်ဘဲ မတရားအုပ်ချုပ်နေမှုကို ဆန့်ကျင်ခဲ့သည့်အဖြစ်ပျက်အား မီဒီယာများမှတစ်ဆင့် ကမ္ဘာပြည်သူများ သိသွားခဲ့ကြသည်။ ဖိနှပ်ချုပ်ခြယ်မှုတွေကို တွန်းလှန်ဖယ်ရှားရမည်ဟူသော အသိသည် အာရပ်ကမ္ဘာမှပြည်သူများ၏ ဦးနှောက်ထဲမှာကော၊ နှလုံးသားထဲမှာပါ နက်နက်ရှိုင်းရှိုင်း ၀င်ရောက်ခဲ့ပြီဖြစ်သည်။ မတရားမှုကို ဆန့်ကျင်မည့် ပြည်သူလူထုတစ်ရပ်လုံးကို မည်သူကမျှ တားဆီး၍မရတော့။ သေနတ်အသုံးပြုပြီး တားဆီးမှုသည်လည်း အရာမထင်တော့။

မျှော်လင့်ချက်မဲ့နေသည့်ဘ၀အတွက် သေခြင်းတရားကို ရွေးချယ်ခဲ့သည့် ဘူအာဇီဇီသည် မိမိပြည်သူများအတွက်သာမက အာရပ်ကမ္ဘာမှ အဖိနှိပ်ခံပြည်သူများအတွက် မျှော်လင့်ချက်များရရှိရန် သူ့အသက်ကို ပေးဆပ်ခဲ့သည် . . .

ဘူအာဇီဇီသည် တကယ်တော့ သာမန်ပြည်သူတစ်ဦးမျှသာဖြစ်သည်။ လူငယ်မျိုးဆက်သစ်ဟုဆိုရမည့် ဘူအာဇီဇီသည် တခြားလူငယ်များနည်းတူ အနာဂတ်အတွက် မျှော်လင့်ချက် ဘာတစ်ခုမှမရှိ။ သူတို့လူငယ်တွေသည် အာဏာရှင်အစိုးရ၏ အုပ်ချုပ်မှုအောက်တွင် လူသားမျက်နှာ၊ လူသားဂုဏ်သိက္ခာ လုံးဝကင်းမဲ့နေသည့် သူတွေဖြစ်သည်။ အလုပ်လက်မဲ့ လူငယ်များသည် ဘူအာဇီဇီ၏ ဖြစ်ရပ်ကိုသိပြီးနောက် အစိုးရဆန့်ကျင့်ရေးတိုက်ပွဲထဲ ပါလာကြသည်။ သည့်နောက်တော့ ပြည်သူတစ်ရပ်လုံးက အစိုးရဆန့်ကျင်ရေးတိုက်ပွဲထဲသို့ ပါဝင်လာကြလေသည်။

မည်သို့ပင်ဖြစ်စေ ၂၀၁၁ ခုနှစ်သည် အထင်ကရနှစ် တစ်နှစ်ဖြစ်သည်။ အာရပ်နွေဦးတော်လှန်ရေးသည် ဖိနှိပ်ခံပြည်သူများ၏ အောင်ပွဲတစ်ခုဖြစ်သည်အထိ ကမ္ဘာအနှံ့တွင် ထင်ရှား လာခဲ့သည်။ ထိုသို့ အာရပ်နိုင်ငံအချို့တွင် ဖြစ်ပွားခဲ့သော တော်လှန်ရေးများသည် သာမန်အရပ်သားဘူအာဇီဇီ၏ အသက်ဆုံးရှုံးခံပြီး တိုက်ပွဲဝင်ခဲ့မှုကြောင့် ဖြစ်ပေါ်ရသည် ဆိုခြင်းကို လက်မခံသည့်တိုင်အောင် ငြင်းပယ်ဖို့ ခဲယဉ်းမည်သာဖြစ်သည်။ သာမန် အရပ်သားဘူအာဇီဇီသည် ဥရောပ ပါလီမန်မှပေးအပ်သည့် အတွေးခေါ် လွတ်လပ်မှုဆိုင်ရာ ဆာခါရော့ဖ်ဆုကို ဆွတ်ခူးခဲ့သူငါးဦးတွင် ပါဝင်လာခဲ့သည်။

မည်သို့ပင်ဖြစ်စေ ၂၀၁၁ ခုနှစ်သည် အထင်ကရနှစ် တစ်နှစ်ဖြစ်သည်။ အာရပ်နွေဦးတော်လှန်ရေးသည် ဖိနှိပ်ခံပြည်သူများ၏ အောင်ပွဲတစ်ခုဖြစ်သည်အထိ ကမ္ဘာအနှံ့တွင် ထင်ရှား လာခဲ့သည်။ ထိုသို့ အာရပ်နိုင်ငံအချို့တွင်ဖြစ်ပွားခဲ့သော တော်လှန်ရေးများသည် သာမန်အရပ်သား ဘူအာဇီဇီ၏အသက်ဆုံးရှုံးခံပြီး တိုက်ပွဲဝင်ခဲ့မှုကြောင့် ဖြစ်ပေါ်ရသည် ဆိုခြင်းကို လက်မခံသည့်တိုင်အောင် ငြင်းပယ်ဖို့ ခဲယဉ်းမည်သာဖြစ်သည်။ သာမန် အရပ်သားဘူအာဇီဇီသည် ဥရောပ ပါလီမန်မှပေးအပ်သည့် အတွေးခေါ်လွတ်လပ်မှုဆိုင်ရာ ဆာခါရော့ဖ်ဆုကို ဆွတ်ခူးခဲ့သူငါးဦးတွင် ပါဝင်လာခဲ့သည်။
Ref:http://www.news-eleven.com/